KQZ: Jashtë ngjyrës, kemi masa tjera të sigurisë
Komisioni Qendror i Zgjedhjeve tha se procesi i zgjedhjeve në Kosovë është duke shkuar mirë, pa ndonjë problem që do të mund ta cenonte mbarëvajtjen e tij.
Zëdhënësi Valmir Elezi foli për shqetësimet e ngritura nga disa media, se ngjyra që i vihet në gisht qytetarit pas votimit, fshihet shpejt.
Ai tha se kjo nuk është e vetmja masë e sigurisë që aplikon KQZ-ja.
"Të gjithë personat që votojnë, pasi që identifikohen me një dokument zyrtar të Republikës së Kosovës, nënshkruajnë në hapësirën tek emri i tyre, pasi votojnë. Ky nënshkrim ia pamundëson një votuesi të votojë sërish", tha Elezi.
A keni votuar?
Kanë mbetur edhe dy orë deri në mbylljen e vendvotimeve.
Për ju që nuk e keni ndarë ende mendjen, është një proces që merr vetëm disa minuta kohë, por që e forcon demokracinë.
Zëdhënësi i KQZ-së, Valmir Elezi, tha pak minuta më herët se votimi mund të zgjatet përtej orës 19:00, vetëm nëse para një vendvotimi ka radhë njerëzish që presin për të votuar.
Se çfarë ndikimi ka vota juaj, shikojeni videon më poshtë:
Si është duke u zhvilluar procesi i zgjedhjeve nëpër komuna?
Nëpër komuna të ndryshme të Kosovës, pjesëmarrja dallon. Klikoni mbi secilën komunë për më shumë informacione.
REL-i me emision special
Sonte, Radio Evropa e Lirë do të sjellë një emision special live, ku do të diskutojmë për ditën e votimit dhe rezultatet e para me ekspertë nga Kosova, Brukseli dhe Uashingtoni.
Na ndiqni në evropaelire.org, si dhe në YouTube dhe Facebook.
