Kurti shpall fitoren

Eugen Cakolli nga Demokracia në Veprim - rrjet organizatash që monitoron proceset zgjedhore - tha se procesi i votimit, që nga hapja e deri në orën 17:00, ka kaluar pa ndonjë incident apo parregullsi serioze, që do ta komprometonin procesin zgjedhor.

"Sa i përket daljes së votuesve, deri në orën 17:00, ajo ishte 38.9 për qind në nivel vendi", tha Cakolli në një konferencë për gazetarët.

Ai tha se në Prishtinë, në Ferizaj dhe në rajonin e komunave me shumicë serbe është vërejtur dalje mbi mesataren në nivel vendi.

Sa u përket parregullsive, Cakolli veçoi problemin e pasaktësisë së listës së votuesve.

"Vëzhguesit tanë kanë raportuar se mbi 70 për qind e vendvotimeve në nivel vendi, kanë pasur deri në dhjetë raste ku votuesit nuk kanë arritur ta gjejnë vendvotimin e tyre", tha Cakolli.

"Rreth 20 për qind kanë pasur deri në 50 raste ku votuesit nuk kanë mundur të votojnë, për shkak të pasaktësisë së listës së votimit", shtoi ai.

Dita e votimit është drejt fundit. Në orën 19:00 pritet të mbyllen të gjitha vendvotimet, pos ato ku ka ende radhë njerëzish.

Komisioni Qendror i Zgjedhjeve pritet të mbajë konferencë për media në orën 19:30.

Në konferencën paraprake, zëdhënësi Valmir Elezi tha se procesi i votimit ka shkuar mirë, pa ndonjë problem që do ta cenonte mbarëvajtjen.

Ju kujtojmë se pjesëmarrja në votime deri në orën 15:00 ka qenë pak mbi 28 për qind.

• Pjesëmarrja deri në orën 15:00 në zgjedhjet parlamentare të 9 shkurtit ishte 28.32 për qind, sipas KQZ-së.
• Në zgjedhjet e vitit 2021, pjesëmarrja deri në këtë orë ishte 32.32 për qind.
• KQZ-ja siguroi se procesi zgjedhor është duke shkuar mirë, pa ndonjë problem që do të mund ta cenonte mbarëvajtjen e tij.
• Vendvotimet janë të hapura deri në orën 19:00. Procesi i votimit mund të vazhdojë përtej kësaj ore vetëm nëse para vendvotimeve ka radhë njerëzish që presin për të votuar.
• “Ditë jashtëzakonisht e rëndësishme për demokracinë tonë”, tha presidentja e Kosovës, Vjosa Osmani, pasi votoi në një qendër të votimit në Prishtinë.
• Radio Evropa e Lirë do të sjellë sonte një emision special live, ku do të diskutohet për ditën e votimit dhe rezultatet e para me ekspertë nga Kosova, Brukseli dhe Uashingtoni.