اسراییلي ځواکونو نن د غزې په تړانګه کې نور پرمختګ وکړ او په دې ترڅ کې یې ټانکونه د غزې ګن مېشتې سیمې شیخ رضوان ته ننوتل.
په لبنان کې د حزب الله ډلې د بې وسلې کولو هڅې روانې دي. حکومت وایي چې دا طرحه یې تشویقي بڼه لري او اجباري نه ده. حزب الله دا کار د اسراییل په ګټه بولي او ایران هم له وړاندې له دې طرحې سره مخالفت ښودلی دی.
د الجزیزې خبري شبکې عربی ژبی ژورنالست انس الشریف او د هغه یو بل ژورنالست ملګری او درې د ویډیو برخې همکاران د اسراییل په برید کې ووژل شول. الجزیرې پر خپله ویبپاڼه د خپلو پنځو کارکوونکو وژل تایید کړي او ویلې یې دي چې د اسراییل پوځ هدفي برید پرې کړی دی.
د اسراییلي او فلسطیني مرکچیانو ترمنځ د خبرو له ناکامېدو وروسته د امریکا ولسمشر ډونالډټرمپ وویل اوس باید اسراییل پرېکړه وکړي چې په غزه کې به یې راتلونکی ګام څه وي.
د راپورونو له مخې په غزه کې پرون جمعه- لس تنه فلسطینیان په داسې حال کې ووژل شول چې ځیرې یا راشن ته په کتار کې ولاړ وو.
ټاکل شوې د امریکا او اسراییل مشران نن سره وګوري او د ایران او غزې په وروستیو حالاتو خبرې سره وکړي. لویدیځ اژانسونه وایي چې د اسراییل او ایران او اسراییل او فلسطینیانو ترمنځ جوړجاړی او سوله د خبرو اصلي ټکي دي. تر دې ملاقات مخکې ټرمپ د غزې د اوربند طرحه وړاندیز کړې ده.
د غزې د بشرپالنې بنسټ ویلي چې دوه امریکایي مرستندویه کارکوونکي نن شنبه ( د چنګاښ ۱۴مه) هغه مهال ټپيان شول چې د هغوی لوري ته لاسي بمونه وغورځول شول. دغه بنسټ ویلي، برید په ظاهره د دوو بریدکوونکو له خوا د مرستو د ویش د یوه پروګرام په پای کې شوی دی.
د امریکا ولسمشر ډونالډ ټرمپ په ایران کې د" رژیم د بدلون" پر احتمال خبرې کړي. هغه پر خپله ټولنیزه پاڼه سوشل تروټ لیکلي"د 'رژیم بدلون' اصطلاح کارول په سیاسي لحاظ سم نه دي، خو که اوسنی ایراني رژیم نشي کولی چې ایران ته عظمت بیرته راولي، نو ولې د رژیم بدلون نه؟؟؟"
نور راوښيه
