په تهران کې یو شمېر مېشت افغانان وايي چې د دې ښار په ځینو برخو د اسراییلو له بریدونو وروسته په ستونزمن او ګډوډ حالت کې بند پاتې دي. دوی ازادي راډیو سره خبرو کې وویل چې له ښاره د وتلو لارې تړل شوي، دوکانونه بند او نه پوهیږي چې چیرې ولاړ شي.
د امریکا ولسمشر ډونالډ ټرمپ د تهران اوسیدونکو ته خبرداری ورکړی چې ژر تر ژره دغه ښار تخلیه کړي. ټرمپ پر خپلې ټولنیزې پاڼې ( سوشل تروټ) لیکلي، اجازه نه ورکوي چې ایران اټومي وسلې ته لاسرسی پيدا کړي. ده ویلي، ایران باید اټومي هوکړه لاسلیک کړې وای.
اسراییل ګواښ کړی چې ایرانیان به پر اسراییل د توغندیزو بریدونو " بیه پرې کړي". دا ګواښ وروسته تر دې کیږي چې ایران پر تل ابیب او حیفا ښارونو تازه بریدونو کې لږ تر لږه ۸ تنه وژلي دي.
د اسراییل پر تل ابیب ښار د ایران یوه توغندیز برید دغلته د امریکا قونسلګري " سرسري زیانمنه" کړې ده.
ډونالډ ټرمپ د اوربند هیله من دی؛ نن د اسراییل او ایران د بریدونو څلورمه ورځ ده
له تهران څخه راپورونه ښيي چې د تهران په ځینو برخو کې درنې چاودنې شوې دي.
د اسراییل پوځ وایي، نن یکشنبه د ( غبرګولي ۲۵مه) یې په ایران کې " ګڼ شمېر" هدفونه په نښه کړي دي. په دغو هدفونو کې د دفاع وزارت ودانۍ او د ایران د اټومي وسلو اړوند هدفونه شامل دي.
د غزې د روغتیا چارواکي وایي، د اسراییل په بریدونو کې لږ تر لږه ۵۴ کسان وژل شوي چې له دې ډلې څخه ۳۶ تنه په یوه ښوونځي کې وژل شوي چې د جګړې د بېځایه شویو کسانو لپاره د سرپناه په توګه کارېده.
په داسې حال کې چې په غزه کې د اسراییلو پوځي عملیات روان دي، د اسپانیا د بهرنیوچارو وزیر وايي نړیواله ټولنه باید یو اقدام وکړي څو د غزې جګړه پای ته ورسېږي. د اروپايي ټولنې او عربي هېوادونو چارواکي د اسپانیا په پلازمېنه کې راټول شوي څو اسراییل دې ته وهڅوي چې د غزې عملیات پای ته ورسوي.
بې پیلوټه الوتکو پرون مالتا ته نژدې په نړیوالو اوبو کې پر هغې کشتۍ برید وکړ چې غزې ته بشري مرستې پکې بار وې. دا غزې ته چې ۱۹ میاشتنۍ جګړې سخته ځپلې ده، د مرستو د رسولو په هدف د تقابل تازه مورد دی.
د ملګرو ملتونو د اټومي انرژۍ د نړیوال اژانس مشر رافایل ګروسي ویلي چې ایران د څو اټومي بمونو د جوړولو لپاره اړین توکي لري خو لا تر اوسه اټومي وسلې نه لري.
نور راوښيه
