د پاکستان د بلوچستان ایالت په مرکز کوټه کې چارواکي وايي چې د پولیسو پر یوه موټر ځانمرګی برید شوی چې ګڼ شمېر پولیسانو تهیې مرګژوبله اړولې ده.
د کوټې ښار د پولیسو مشر رزاق چیمه له رسنیو سره په خبرو کې وویل، د سې شنبې په ورځ ماښام د کوټې ښار د هوايي ډګر پر سړک د پولیسو پر یوه موټر ځانمرګی برید وشو چې په نتیجه کې یې لږ تر لږه ۶ پولیسان ووژل شول او ۷ نور ټپیان شول.
چارواکي وايي چې د پېښې ټپیانیې د درملنې لپاره روغتون ته وړي او زیاتوي چې دا په کوټه کې تېره ورځ درېیم ځانمرګی برید و چې امنیتي ځواکونهیې په نښه کړل.
تر دې مخکې د پاکستاني پوځ د عامه اړیکو ادارې «ISPR» هم د سې شنبې په ورځ رسنیو ته ویلي چې د کوټې په لیرې پرتې سیمې میا غونډۍ کې د سرحدي عسکرو یوه چک پوسټ ته نږدې دوه چاودنې او ډزې وشوې چې پهکې د ملېشه ځواک اته سرتېري ژوبل شول.
د بلوچستان ایالت د کورنیو چارو سکرتر غلام علي بلوچ بیا له فرانس پرس خبري اژانس سره د کوټې په میا غونډۍ سیمه کې د سرحدي ځواکونو پر پوسته د ځانمرګي برید پخلی کړی او ویلي یې دي چې یو بریدګر پوستې ته نږدې ځان الوزولی او دوهم هغهیې د سرتېرو په ډزو کې وژل شوی دی.
په کوټه کې پر امنیتي ځواکونو ځانمرګي بریدونه تر هغې وروسته شوي چې څو ورځې وړاندې په دغه ښار کې پر عیسویانو وسلهوال بریدونه شوي چې وروستهیې بیا مسؤلیت داعش وسلهوالې ډلې په غاړه اخیستی.
د یادونې وړ ده چې په کوټه کې لا تر دې دمه د دغه ځانمرګو بریدونو مسؤلیت کومې وسلهوالې ډلې نهدی منلی.
