21-ноябрда Бишкекте Кыргызстандын футбол боюнча улуттук курама командасы 2026-жылдагы дүйнө чемпионатына тандап алуу оюндарынын алкагында Омандын командасын 1:0 эсебинде утту. Беттеш Дөлөн Өмүрзаков атындагы борбордук стадиондо өтүп, 49-мүнөттө жарым коргоочу Одилжан Абдрахманов гол киргизди.
Ноябрдын башында “Дордой" ассоциациясынын негиздөөчүсү, белгилүү меценат, коомдук ишмер Аскар Салымбеков өлкөдө өтүп жаткан тойлорго байланыштуу өзүнүн пикирин социалдык тармакта билдирди.
18 жаштагы Алишер жана анын карындашы, 15 жаштагы Аида Кыргызстанды ракета жана авиа моделдөө спорту боюнча эл аралык сынактарда таанытып келе жатат.
Кыргыз бийлиги уюшкан кылмыштуу топко каршы аёосуз күрөш жүрүп жатканын жарыялап, өлкөдө мындан ары криминал болбой турганын билдирди. Кыргызстандын эгемендүү тарыхында кримтөбөлдөр мамлекеттик башкаруу, саясатка чейин аралашып, коомчулукта таасирдүү фигураларга айланган.
Кыргызстандын Көкбөрү федерациясынын президенти алмашты. 17-октябрда Бишкекте федерациясынын кезектеги жыйыны өтүп, анда мурдагы президент Талас Бегалиев кызматын тапшырды. Анын ордуна жалгыз талапкер Рамис Жунусалиев шайланды.
Каракыз соңку үч жылда тогуз жолу ат чабышка түшүп, сегиз жолу алдына күлүк чыгарган жок. Азыркы маалда кыргыз-казакта Каракызды ашып өтчү тулпар чыга элек. Кочкордогу ат чабышта 40 күлүк 30 чакырымга чуркады. Каракыз чемпион макамын берген жок. “Азаттык” төрт туягы туйлаган күлүк тууралуу баяндайт.
Ысык-Көлдүн Ак-Суу районундагы Боз-Учук айылында кол күрөштөн Азия, дүйнө чемпиондорун чыгарган спорт уясы бар. Аянбүбү Асанкулова быйыл августта Алматы шаарында өткөн Дүйнө чемпионатында өспүрүмдөр арасында алтын медаль тагынды. Чемпион кыздардын айылына "Азаттыктын" кабарчысы барып келди.
Дзюдочу Эрлан Шеров Кытайдын Ханчжоу шаарында өтүп жаткан жайкы Азия оюндарында алтын медал тагынды. Бул XIX Азия оюндарындагы Кыргызстандын эсебиндеги алгачкы алтын байге болду. Эрлан Шеров "Азаттыкка" маек куруп жеңиши, алдыдагы максаттары тууралуу кеп кылды
Кыргызстандык сууда сүзүүчү Денис Петрашов 2024-жылы Парижде өтө турган Олимпиадага жолдомо алды. Петрашов 2016-жылы Рио-де-Жанейро жана 2021-жылы Токио Олимпиадасына катышкан. “Азаттык” АКШда машыгып жүргөн Денис менен маектешти.
Дүйнөлүк күрөш уюмунун (UWW) жаңы рейтингинде Акжол Махмудов, Жоламан Шаршенбеков жана Айсулуу Тыныбекова өзүнүн салмагында биринчи орунга чыкты. Белградда өткөн дүйнө чемпионатында Айпери Медет кызы күмүш медал алып, Олимпиадага лицензия утту. Тайырбек Жумашбек уулу эркин күрөштөн коло тагынды.
Дагы жүктөңүз
