Сокулукта зордукталган 13 жаштагы кыздын жакындарына басым болуп жатат. Бул тууралуу маселе парламентте көтөрүлүп, Акыйкатчы укук коргоо органдарын бул маселеге көңүл бурууга чакырды. Милиция окуя боюнча козголгон кылмыш иши тергелип жатканын кабарлады.
Баткенде кыргыз-тажик чек ара тилкесинде Жолдошбай Момунов айылы түптөлдү. Чек араны бекмедөө максатында 2014-жылы тургундарга жер тилкелери бөлүнгөн. Бирок зарыл шарттардын жоктугунан эл айылга толук көчүп бара элек. Жакында конушка айыл макамы берилип, расмий ачылышы өттү.
Садыр Жапаров 2-апрелде кол койгон талаштуу "Чет элдик өкүл" мыйзамына кайрадан түшүндүрмө берип, бейөкмөт уюмдарга "куугунтук болбойт" деп убада кылды. Президент бейөкмөт уюмдарды "расмий каттоодон өтпөй, отчет бербей келген" деп айыптаганы үчүн жарандык коом "маалымат бурмаланды" деп сындаган эле.
"Билимдүү Кыргызстан" жана KG Analitics соңку 4 айдан бери билим берүү тармагында жүргүзгөн талдоосун жыйынтыктады. Анда мектептердеги китептердин жетишсиз экени, бул көйгөй чечилбесе, келечек муунду окутуу кыйынга турары айтылат.
Жаздын келиши менен борбор калаанын көчөлөрүндө чуңкур-чөнөктөр көбөйүп, коомчулук кызуу талкуулап, ал ырга, тамашага айланып, маселе Жогорку Кеңешке чейин жетти. Бул ирет Бишкек шаарындагы жолдордун абалын талкуулайбыз.
Кыргызстанда аутизм жана анын белгилери тууралуу маалымат таратуу боюнча бир айлык жарыяланды. Кыргызстанда бул дарт менен төрөлгөн балдарга соңку жылдары көңүл бурула баштады. Аутизм менен төрөлгөн балдарды коомдо өзгөчө балдар деп коюшат.
2010-жылы 7-апрелдеги элдик толкундоолор учурундагы бийликтин огунан Таластын тургуну Күмүшай Бокотонова уулу да каза болгон. Андан бери Бокотонова жолдошу жана дагы бир уулунан ажырап, неберелери менен күн кечирүүдө.
14 жыл мурда ушул күнү Таласта башталган элдик толкундоо бир күндөн кийин Бишкекте уланып, ошол кездеги бийликтин кулашына алып келген. Анда президент Курманбек Бакиевдин үй-бүлөлүк башкаруу режимине каршы чыккан элге ок атылып 90го жакын киши набыт болуп, миңден ашууну жараат алган.
Жалал-Абад облусунда он чакан ГЭС курулуп жатат. Жакында алардын экөөнүн курулушу бүтүп, ишке кирди. Аксыда бир айылды жарык менен камсыздаган чакан ГЭСти жеке ишкер өз каражатына курган.
Эмне себептен эл каржы пирамидасына алданууда? Каржы тармагындагы шылуундукту антип аныктаса болот? "Эже-сиңдилер" берүүсүндө каржы пирамидаларынын зыяны жана алдамчылыктын түрлөрү талкууланды.
Түп районунун тургуну, 18 жаштагы келин төрөттөн каза болду. Маркумдун жакындары буга медиктерди айыпташууда. Дарыгерлер болсо келин кош бойлуу кезинде каттоого кеч турганын, толгоо башталган күнү ооруканага дене табы көтөрүлүп келгенин билдирди.
Орусияда “Крокус Сити Холлдогу” терактка байланыштуу дагы үч киши кармалды. Алардын баары тең Борбор Азиядан баргандар. УКМКнын төрагасы Камчыбек Ташиев экс-бажычы Райымбек Матраимовдон 200 млн доллардай каражат алынарын билдирди. жайда жатат. Казакстанда селден улам 20 миң киши эвакуацияланды.
Дагы жүктөңүз
