"Көчөдөгү кагаздар аркылуу жаштардын үнүн жеткирем"

Ыр сүйүүчүсү Калыс Жумадил "Көчөдөгү кагаздар" деген долбоор баштап, социалдык тармактан көптөгөн көрүүчү топтой баштады. Ал кадимки ак кагазга эки сап ырларды жазып, аларды шаар көчөлөрүнөн видеого түшүрүп, контент жасайт. Калыс жаштар арасында поэзияны кеңири жайылтуу үчүн ушундай заманбап ыкмалар керек деп эсептейт. Келечекте ал бул долбоору жаштардын үнүн жеткирүүчү таасирдүү аянтчага айланат деп ишенет.