Бишкек шаардык соту Аскат Жетигендин апелляциялык арызын карады. Ленин райсотунда 11 журналисттин иши уланды. Израил Газадан тышкары Иордан дарыясынын Батыш жээгиндеги масштабдуу операциясын улантып, ондогон адамдын өмүрү кыйылганы кабарланды. Парижде Жайкы Паралимпиада оюндары расмий ачылды.
Израил армиясынын Газадагы чабуулу жана кечээтен бери Иордан дарыясынын батыш жээгиндеги масштабдуу операциясы уланууда. Ондогон адамдын өмүрү кыйылганы кабарланды. Израил бул операциясынын максаты террорчуларды жок кылуу экенин жарыялады.
Өткөн айда Оштогу селден жабыркагандарга кенемте төлөнө элек. Өкмөт борбордук базарда соода кылган 1000ден ашуун ишкерге 100 миң сомдон жардам убада кылган. Шаар бийлиги акча бөлүнгөнүн, кенемте өз ырааты менен берилерин билдирди. Жабыр тарткан ишкерлер жардам эрте колго тийсе деп турушат.
Ага-ини Исламбек жана Русланбек Матраимов 50 миң сомдон айып төлөп, эркиндикке чыкты. Украина кайрадан Орусиянын чабуулуна кабылды. Орусиялык ырчылардын Бишкек сапары социалдык тармакта бир топ нааразылык жаратты. Орусияда мигранттардын балдарын “Юнармияга” жиберүү сунушталды.
Кыргызстандын эгемендик күнүнүн урматына уюштурулуучу концертке согушту колдогон орусиялык ырчылардын чакырылышы нааразылык жаратууда. Бийлик өкүлдөрү аларга гонорар төлөнбөй турганын, өздөрү демилге көтөрүп келүүнү каалаганын билдирди. Коомчулукта бул жоопко ишенбей сындагандар көбөйдү.
26-августтун таңында Украинанын аймагы орус армиясынын жапырт аба соккусуна дуушар болду. Кыргызстандын Берлиндеги элчилиги Золингендеги кол салуу боюнча кармалган 15 жаштагы өспүрүмдүн тек-жайы такталып жатканын маалымдады. Кыргызстандын мектептеринде 17 миллиондон ашык окуу китеби жетишпейт.
Башкы прокуратура Бишкектин тургуну Иван Сологубовдун өлүмүнө байланыштуу кылмыш ишин козгоду. Маркумдун жакындары Сологубовго милиция кызматкерлери күч колдонгон деп айыптап, ишти адилет тергөөнү суранып президентке кайрылды. Ички иштер министрлиги дооматтарды четке кагууда.
Кара-Көл шаарында үй-жайы күйүп кеткен 16 үй-бүлө боз үйдө баш калкалоого аргасыз. 13-августта алар жашаган барак тибиндеги эки кабат үйдө өрт чыгып, жашоого такыр жараксыз болуп калды. Эми тургундар үй-жайын кантип калыбына келтирүүнү билбей турушат.
Кемпир-Абад иши боюнча Бишкек шаардык сотундагы отурум 30-августка калды. Камала Харрис демократтардын атынан АКШ президенттигине расмий талапкер болуп көрсөтүлдү. Жогорку Кеңештин мурдагы депутаты Адахан Мадумаровдун мандаты “Бүтүн Кыргызстан” партиясынын тизмесиндеги Аккулу Бердиевге тапшырылды.
Киев Орусиянын Волгоград облусундагы Мариновка аскердик аэродромуна жана күйүүчү май сакталган кампаларга сокку урулганын бышыктады. Тоңдун Туура-Суу айылынын тургундары үйлөрүнө кайтып келди. Ишкер Имамидин Ташовдун иши сотко өттү.
21-августтун кечинде Ысык-Көл облусунун Туура-Суу айылында Тоң суусунун деңгээли көтөрүлүп, суу каптоо коркунучу жаралды. Буга бийик тоодогу Зындан көлү жырылганы себеп болгон. Суу каптоо коркунучуна кабылган айыл тургундары коопсуз жакка чыгарылды.
Жогорку сот Каныкей Аранованын кассациялык арызын четке кагып, аны абакта калтырды. Орус баш калаасы жапырт дрон чабуулуна кабылганын Москванын мэри билдирди. Кыргызстандагы “Мбанк” жана "Керемет банк" баштаган ири банктар Орусия менен акча которуу кызматташтыгын убактылуу токтотту.
Дагы жүктөңүз
