АКШ жана Еврошаркетте террордук деп таанылган ХАМАС тобунун саясий жетекчиси Исмаил Ханиянын сөөгү Дохада жерге берилет. Иран анын өлүмү үчүн Израилди айтыптап, өч аларын эскерткени Жакынкы Чыгыш ири жаңжалдын кучагында калышы мүмкүн деген кооптонуу күчөдү.
Орусияда Мамлекеттик дума мигранттарга каршы мыйзамды кабыл алды. Эми полиция чет элдик жарандарды соттун чечими жок депортациялайт. Ал арада Украинадагы согушка орус жарандыгын алган мигранттарды жиберүү дагы бир ирет сунушталды.
Ички иштер министрлигинин Бишкектеги жатаканасында аптапта суу өчүп калды. Жашоочулар 4-августтан тарта жарык да жок болот деген эскертүү берилип жатканын билдиришүүдө. Анда жашаган 60тай үй-бүлө ИИМ аларды ушундай жол менен жатаканадан чыгарууну көздөп жатканын айтып жатышат.
Жалал-Абаддын Аксы районунда үйүн сел жууп кеткен үй-бүлө коңшусунун үйүндө күн кечирип, башка турак жай салууга чама-чаркы жетпей жатканын айтып жатышат. Өзгөчө кырдаалдар министрлиги аларга сегиз жыл мурда ссуда бөлүнгөнүн билдирди. Жабыркагандар ал жерден көчпөй, үйүн камсыздандырган эмес.
АКШ жана Еврошаркетте террордук деп таанылган ХАМАСтын саясий лидери Исмаил Хания Иранда жок кылынды. Ирандын Ислам революциясынын сакчылар корпусу анын өлүмү иликтенерин билдирди.
Аксыда үйүн сел каптаган көп балалуу үй-бүлө азыр коңшусунун үйүндө күн өткөрүп жатат. Райондун айрым айылдарында жаздан бери бир нече жолу сел жүргөн. Табият кырсыгы жабыркагандарга түйшүк, ашыкча чыгым алып келди.
Венесуэлада азыркы президент Николас Мадуронун шайлоодо жеңгени жарыялангандан соң өлкөдө жапырт нааразылык тутанды. Добуш берүүнүн жыйынтыгына каршылыгын билдирген миңдеген адам көчөгө чыгып, полиция менен кагылышты.
Кыргыз-тажик чек арасынын 94% такталганын эки өлкөнүн бийлик өкүлдөрү кабарлады. Калган 6% эң татаал, бир нече жолку чек ара чырына себеп болгон бөлүктөр экени айтылып жатат.
Оккупацияланган Голан дөңсөөлөрүнө урулган соккудан израилдик 12 бала каза болгондон кийин Жакынкы Чыгышта абал ого бетер курчуду. Израиль ишемби күнкү чабуул үчүн ливандык Хезболла тобун айыптаса, Иран колдогон согушкерлер ага тиешеси жоктугун айтууда.
Бишкекте кримтөбөл Камчы Көлбаевдин апасына байланыштуу сот иши жүрүп жатат. Мая Алиева “кылмыштуу жол менен алынган кирешени адалдоо” беренеси менен айыпталууда.
Өзбекстандык Сирожиддин Тогаевдин ата-энеси аталаш тууган болгондуктан, бир тууган эжеси экөө майып болуп төрөлгөнүн айтат. Бийликтин мындай никелерди чектөө аракетине карабастан коңшу өлкөдө туугандардын бири-бирине баш байлаган учурлары тыйыла элек.
Баткен аймагында күрүчтүн калдыгынан “сынч блок” деп аталган курулуш материалы жасалууда. Муну ойлоп тапкан ишкер өз кардарларын таба баштаган. Аймакта адатта күрүч шалыдан бөлүнүп алынгандан кийин калдыгы додо болуп талаада калат.
Дагы жүктөңүз
