Өзбекстандык Сирожиддин Тогаевдин ата-энеси аталаш тууган болгондуктан, бир тууган эжеси экөө майып болуп төрөлгөнүн айтат. Бийликтин мындай никелерди чектөө аракетине карабастан коңшу өлкөдө туугандардын бири-бирине баш байлаган учурлары тыйыла элек.
Баткен аймагында күрүчтүн калдыгынан “сынч блок” деп аталган курулуш материалы жасалууда. Муну ойлоп тапкан ишкер өз кардарларын таба баштаган. Аймакта адатта күрүч шалыдан бөлүнүп алынгандан кийин калдыгы додо болуп талаада калат.
Бишкек-Ош жолунун Суусамыр өрөөнүндөгү тилкесинин тарпы чыгып, айдоочуларды кыйнап жатат. Суусамырдагы жол азабы тууралуу видеолор социалдык тармактарга да жарыяланууда. Кан жолдун жээгинде соода-сатык кылып, мал кармагандар дагы жолдогу кооптуу учурларга күбө болуп жатканын айтышты.
Талас облусунда Талаc-Покровка автоунаа жолу менен каттаган жалгыз гана автобус бар. Жергиликтүүлөр айтмында, жол көйгөйүнөн улам башка туруктуу транспорт каттабайт. Эскилиги жеткен автобусту ата-бала бир нече жылдан бери оңдоп-түзөп, эл ташыйт.
Израилдин өкмөт башчысы АКШ Конгрессинин биргелешкен жыйынында кайрылуу жасап жатканда Капитолийдин алдына миңдеген адам чогулду. Алар Газадагы согушту жана Израилдин жетекчилигин айыптап, ок атышууну токтотууну талап кылышты.
Израилдин өкмөт башчысы Биньямин Нитаньяху 24-июлда АКШ Конгрессинин биргелешкен жыйынында кайрылуу жасап жаткан маалда Капитолийдин алдына миңдеген адам чогулду. Алар Газадагы согушту жана Израилдин жетекчилигин айыптап, ок атышууну токтотууну талап кылышты. Нитаньяху АКШ менен
Базар-Коргон районунун Арстанбап айыл аймагында 23-июлда сел жүрүп, үйлөрдү каптады. Ылайланып кирген суу 23 машинаны агызып кетти.
Ошто мурдагы төрт жетекчи кармалып, алар эки айга камакка алынды, шаардык кеңештин депутатына издөө жарыяланды. Улуттук коопсуздук кызматы кармалгандарга сел сууларын агызууга бөлүнгөн жерлер жеке менчикке мыйзамсыз өтүп кеткенине байланыштуу айып тагылганын билдирди.
АКШнын президенти Жо Байден күзгү шайлоого катышпай турганын жана вице-президент Камала Харристин талапкерлигин колдой турганын жекшембиде Х (мурдагы Твиттер) социалдык тармагы аркылуу билдирди.
29-июнда, Ноокат районунда жана Абшыр-Ата эс алуу аймагында сел жүрүп, адам өлүмүнө алып келген окуя катталган. Селден 14 адам каза болгон. Алардын көбү балдар жана өспүрүмдөр. Селдин очогу Абшыр-Ата айылы болгон.
Израил Газанын бир нече аймагында чабуулдарын улантууда. Дүйшөмбүдө 70, андан бери дагы жыйырмадай кишинин өмүрү кыйылганы маалымдалды. Израилдин премьер-министри Биньямин Нетаньяху барымтадагыларды бошотуу келишими даяр боло баштаганын билдирди.
Айыл-кыштактарды ирилештирип, муниципалык кызматкерлердин санын кыскартуудан соңку алты айда бюджеттен бир миллиард сомдой үнөмдөлдү.
Дагы жүктөңүз
