Данисте

• Сентябрь 30, 2007

  ТЕКЕБАЕВ УБАКТЫЛУУ КАРМООЧУ ЖАЙДАН ТҮРМӨГӨ КОТОРУЛДУ

  Ош шаардык ички иштер башкармалыгы Алмазбек Текебаевди убактылуу кармоочу жайдан № 5-түрмөгө которду, эми ага байланышкан кылмыш иши сотко жөнөтүлөт.

• Сентябрь 28, 2007

  МАКСИМ КУЛЕШОВ КАМАКТАН БОШОТУЛДУ

  Жазгул Жамангулова 24-сентябрь күнү Токмок шаар башчысынын жыйында сүйлөгөн сөзүн диктофонго жазып, аны сүрөткө тарткандыгы үчүн он күнгө камалган укук коргоочу Максим Кулешов убактылуу бошотулду. Буга байланыштуу бүгүн укук коргоочулар маалымат жыйын уюштуруп, анда жергиликтүү бийлик өкүлдөрү тарабынан укук коргоочуларга карата кысым болуп жаткандыгын айтышты.

• Сентябрь 23, 2007

  ЭКИ СУРОО – БИР РЕФЕРЕНДУМ

  21-октябрга белгиленген референдум өтөле созулуп конституциялык реформанын айланасындагы талаш-тартышка соңку чекитти коюшу керек эле. Бирок да апыл-тапыл референдум күүсү менен эки жарым жылдан бери Кыргызстанды ары-сүр – бери-сүр кылып келаткан саясий талаш-тартыштардын сээли сууйт деп айтыш да кыйын. Күчтүү президенттик, өз алдынча өкмөт, кабелтең парламент, көз карандысыз сот бийлигинин калыптанышына жаңыланчу Башмыйзам жооп бере алабы?

• Сентябрь 14, 2007

  Д.САДЫРБАЕВ: АКСЫ КАРГАШАСЫ ЭҢ МЫКААЧЫ САЯСИЙ КЫЛМЫШ БОЛГОН

  Бүгүн Жогорку Кеңеште депутат Дооронбек Садырбаев депутат Султан Урманаевди кылмыш жообуна тартууга уруксат сураган башкы прокурордун өтүнүчү боюнча депутаттык комиссиянын иликтөөсүнүн жыйынтыгын жарыялады. Садырбаев 2002-жылы Аксыда эң оор саясий кылмыш жасалганын, ошол кездеги премьер-министр Курманбек Бакиев «Буран», «Тайфун» операциялары менен Боспиектеги мыкаачылыкты мыйзамдаштырууга барганын белгиледи. Ал Аксыдагы ок атуу боюнча мурунку жооптуу жетекчилердин, жалпысынан кырк бир адамдын үстүнөн кылмыш ишин козгоону жана экс-президент Аскар Акаев, азыркы президент Курманбек Бакиев, Жогорку Соттун төрагасы Курманбек Осмоновдон кол тийбестикти алып, ишин кароону эл аралык сотко өткөрүп берүүнү сунуштады.

• Сентябрь 12, 2007

  ЭРКИН БӨЛӨКБАЕВ: КЫРГЫЗСТАН НКВДга АЙЛАНЫП КАЛДЫ

  “Кыргызстанда укук коргоо органдары укук бузуучу органга айланып, өлкө Архипелаг Гулаг болуп калды”. Мындай билдирүү менен чыккан “Бириккен фронттун” мүчөсү, “Жашылдар” партиясынын жетекчиси Эркин Бөлөкбаев азыркы бийлик өзүнүн чексиз үстөмдүгүн бекемдөө, жарандарды баш көтөртпөө максатында адамдарды куугунтуктоого, атууга да даяр деген оюн билдирип, коомдогу күчтөрдү биригүүгө, “үй-бүлөлүк” башкаруу системасына каршы күрөшүүгө чакырууда.

• Август 31, 2007

  ЭГЕМЕНДИК КЫРГЫЗСТАНГА ЭМНЕ БЕРДИ?

  Бүгүн Кыргыз Республикасынын эгемен мамлекет катары өз алдынча жашай баштаганына туура 16 жыл толду. Айрым саясатчылар эгемендикти алган жылдардан бери бийлик бир канча адамдарга гана кызмат кылып, өлкө өнүкпөй келатканын айтышса, башкалары өлкө өнүгүү жолунда баратканына ишенишет. Деги эгемендик 16 жыл ичинде Кыргызстанга эмне берди? Мамлекет бул арада кандай жетишкендиктерге жетти, эмнеден өксүдү?

• Август 03, 2007

  АПАМДЫ БОШОТКУЛА…

  Аманбек Жапаров,Бишкек Тыңчылык кылган делип шектелип, 45 күндөн бери тергөө абагында кармалып жаткан парламент кызматкери Жыпаргүл Арыкованын ата-энеси, бир туугандары Улуттук коопсуздук боюнча мамлекеттик комитеттин жана өкмөт үйүнүн жанында пикетке чыгышты. Алар бийликтен Арыковага байланыштуу ишти адилет, калыс чечүүнү өтүнүшүп, ага баш коргоо чарасын өзгөртүү талабы менен турушту. Буга чейин Биринчи май райондук соту, Бишкек шаардык соту Арыковага баш коргоо чарасын өзгөртүүдөн баш тарткан.

• Июль 19, 2007

  А.КАСМАЛИЕВА: ЖЫПАР АРЫКОВАНЫН АБАЛЫ НАЧАРЛООДО

  «Тыңчылык” кылган делип шектелип Улуттук коопсуздук боюнча мамлекеттик комитеттин убактылуу кармоочу жайында камакта отурган парламент кызматкери Жыпаргүл Арыкованын денсоолугу күндөн күнгө начарлап баратканын анын адвокаты Айжан Касмалиева кабарчыбыз Аманбек Дилденбай менен баарлашканда айтып берди. Ал Арыковага карата баш коргоо чарасын өзгөртүү боюнча Биринчи май райондук сотуна кайрылганын билдирди.

• Июль 06, 2007

  КЫРГЫЗСТАНДА АДАМ УКУГУ ЖАНА ЭРКИНДИГИ ЧЕКТЕЛЕ БАШТАДЫБЫ?

  Адам укуктарын жана эркиндиктерин коргоо боюнча 1 миллион кишинин колун чогултуу кампаниясы 5-июлдан тарта башталды. Бул иш-чара адам укугун жана эркиндигин чектөө күчөп бараткандыгына коомчулуктун көңүлүн буруу максатында өткөрүлүүдө. Иш-чаранын уюштуруучулары белгилегендей 2006-жылдан тарта күч органдарынын кароолуна укук коргоочулар жана аялдар көбүрөөк илинүүдө.

• Июнь 20, 2007

  ЧЕХИЯ БОРБОР АЗИЯДАН 130 АДАМГА САЯСИЙ БАШ ПААНЕК БЕРДИ

  Дүйнөлүк качкындар күнүн Чехиядагы миңдеген качкындар да белгилеп жатышат. Соңку жылдары алардын арасына Борбор Азиядагы 5 өлкөдөн келген жарандар да кошулууда. Кыргызстан, Казакстан,Түркмөнстан, Тажикстан, Өзбекстан жарандарынын Чехияга башпаана издеп келишине эмнелер түрткү болууда жана алардын канчасы саясий качкын статусун алды? Ушул жана башка суроолор тегерегинде Улуттар уюмунун Качкындар иштери боюнча комиссарлыгынын Прагадагы кеңсесинин өкүлү Марта Миклушакова биз менен чакан маек курган эле.

• Май 28, 2007

  МАСКӨӨДӨ ЖУРНАЛИСТТЕР ЭЛ АРАЛЫК ФЕДЕРАЦИЯСЫНЫН БҮТКҮЛ ДҮЙНӨЛҮК КОНГРЕССИ АЧЫЛДЫ

  Муса Мураталиев, Маскөө калаасы Бүгүн Москвада журналисттер эл аралык федерациясынын Бүткүл дүйнөлүк конгресси ачылды. Орусиялык журналисттер союзунун төрагасы Всеволод Богданов айтканга караганда конгрессте массалык маалымат каражаттарынын кызматкерлеринин коопсуздугу, ошондой эле басылмалар менен сыналгынын окурмандар жана көрүүчүлөр алдындагы жоопкерчилиги сыяктуу маселелер талкууга алынмакчы. Журналисттердин эл аралык конгресси ар бир үч жылда өтөт жана анын Орусияда биринчи жолу өтүп атышы. Журналисттердин эл аралык федерациясына жүз элүүдөн ашуун өлкөлөрдүн журналисттик уюмдары кирет.

• Май 23, 2007

  АЗАМАТ АЛТАЙ КЫРГЫЗ ДЕП ЖАШАГАН

  Былтыр 23- майда «Азаттык» үналгысын негиздеген Азамат Алтай агайыбыз 86 жашка курагында узакка созулган оорудан кийин Нью-Йорк шаарында дүйнөдөн кайткан эле. Ал «Азаттык» үналгысынын башатында турган жана бүткүл өмүрүн Кыргызстандагы жана Борбордук Азиядагы сөз жана басма сөз эркиндигине, жалпы эле аймактагы демократиялык жараянга арнаган.

Дагы жүктөңүз