Газадагы согушту токтотуу тууралуу макулдашууну Израилдин өкмөтү бекиткен соң гана күчүнө кирет. Айрым маалымат каражаттары Нетаньяхунун жардамчыларына таянып, ок атышууну токтотуу жараяны буга чейин айтылгандай 19-январда эмес, 20-январда күчүнө кириши мүмкүн экенин жазды.
Казакстандын баш калаасы Астанада дээрлик күн сайын митинг болуп турарын калаа акимчилиги расмий маалымдады. Алсак, былтыр ноябрда Астанада бери дегенде эле 120 митинг жана башка нааразылык акциясы өткөн делет. Бул күн сайын кеминде үч митинг, бир жөө жүрүш өттү дегенди билдирет.
Кыргызстанда 11 журналист жапырт камалганына туура бир жыл болду. "Массалык баш аламандыкка чакыруу" беренеси боюнча козголгон кылмыш иш боюнча сегиз айга жакын сот жүрүп, төрт журналист сот жообуна тартылды.
АКШнын президенти Израил менен ХАМАС радикал уюмунун ортосунда ок атышууну токтотуу келишими жетишилгенин 15-январдын кечинде жарыялады. Көп өтпөй ЦАХАЛ Газага аба соккуларын улантканы кабарланды.
Энергетика министри Таалайбек Ибраев Кыргызстанда быйыл 1-майдан тартып электр энергиясы 26 тыйынга кымбаттай турганын айтты. Буга чейин Энергетика министрлиги декабрь айынын башында электр жарыгын колдонуу көрсөткүчү тарыхый чекке жеткенин билдирген.
БУУнун атайын баяндамачысы укук коргоочу Азиза Абдирасуловага социалдык тармактарда каралоо жүрүп жатканы иликтениши керектигин билдирди. Абдирасулова коопсуздугунан улам былтыр декабрда Кыргызстандан убактылуу чет жакка чыгып кеткен. Кыргыз бийлиги болсо эч кандай коркунуч жоктугун билдирген.
Түркиянын Стамбул шаарында жасалма алкоголдук ичимдиктен каза болгондор соңку үч күндө 22 кишиге жетти. Түрк басылмалары Стамбул шаарынын администрациясына шилтеме берип жазганына караганда, көз жумгандардын 11и чет элдик жарандар экени аныкталды.
Казакстанда жай тургундарды барымтага алган окуя эки кишинин өлүмү менен аяктады. Дүйшөмбү күнү кечинде Актөбө шаарында белгисиз адам турак жайга кирип, андагы тургундарын барымтага алган.
Казакстанда "экзорцист" пайда болду. Атраудагы мечиттин мурдагы күзөтчүсү Кейкуат Оспанов эл аралап, адамга кирип алган “жинди” чыгарам деп ишендирип жүрөт. Анын беш жашар кыздан “жин” кууп жатканы тууралуу видеосу коомчулуктун үрөйүн учуруп, тийиштүү органдардын көңүлүн бурду.
Социал-демократтар партиясынын мүчөсү Жанна Самышева милицияга сурак берип чыкты. Партиянын дагы бир мүчөсү Анарбек Катаганов учурда кайда экени белгисиз болуп жатканын партиялаштары кабарлады.
12-январда Түштүк Кореянын чалгын кызматы украин күчтөрү Түндүк Кореянын эки аскерин туткунга алганын ырастады. Сеул Курск облусунда түндүк кореялык 300дөн көп аскер набыт болгонун билдирди.
Өзбекстанда соттолгон кримтөбөл, 74 жаштагы Салим Абдувалиев 12-январь күнү абактан чыкканы кабарланды. Ал узак убакыт бою жаман илдет менен алышканы, анын абактан чыгышына саламаттыгынын начарлашы себеп болгону айтылды.
Дагы жүктөңүз
