"Эки тарап элдешсе экен". Газадагы элдин тилеги

Газадагы согушту токтотуу тууралуу макулдашууну Израилдин өкмөтү бекиткен соң гана күчүнө кирет. Айрым маалымат каражаттары Нетаньяхунун жардамчыларына таянып, ок атышууну токтотуу жараяны буга чейин айтылгандай 19-январда эмес, 20-январда күчүнө кириши мүмкүн экенин жазды. Газанын Саламаттык сактоо башкармалыгы тараптар ортосундагы элдешүү жараяны жарыялангандан кийин жасалган чабуулдардан кеминде 100 кишинин өмүрү кыйылганын билдирди.