Сириянын жаңы лидерлери жогорку аскердик кызматтарга бир нече чет элдик согушкерди дайындашты. Алардын арасында Кытайдан барган уйгурлар, этникалык албандар жана Тажикстандын жараны бар. Бул жаңылык алардын мекенинде кооптонуу жаратууда.
Газанын ар кайсы бөлүгүнө Израил армиясы абадан сокку уруп, соңку бир суткада 20дан көп адам каза тапты. Бул тууралуу "Рейтер" агенттиги жазды. Израилде ондогон адам митингге чыгып, АКШ менен Евробиримдикте террордук деп таанылган ХАМАС уюмунун барымтасындагы туткундарды бошотууну талап кылды
Жасалма интеллект, же акылдуу компьютер ооруну аныктап, аны дарылоонун жолдорун изилдөөдө молекула, ДНК, РНК жана андан майда деңгээлдеги миллиондогон даталарды тез арада изилдеп, андагы өзгөрүүлөргө байкоо салуу иштерин болуп көрбөгөндөй тездете алат.
5-январдын таңында украин армиясы Орусиянын Курск облусунда жаңы чабуулун баштады. Аналитиктер чарчап-чаалыгып, техникасы жана жоокери жетишпей жаткан украин армиясынын бул чабуулу күтүүсүз болгонун белгилешет. Эмне себептен Киев мындай кадамга барды?
Жаңы жылдын биринчи аптасында "Эркин Европа/Азаттык" радиосунун ар кыл кызматтарынын журналисттери тарткан сүрөттөр жыйнагы.
Эгер тынчтык келишими түзүлсө эки коңшу өлкөнүн 2014-жылдан бери уланып келаткан куралдуу кармашына чындап чекит коюлабы? АКШнын шайланган президенти Дональд Трамп шайлоо маалында Украинадагы урушту 24 саатта токтоторун айткан. Ал убадасынын өтөөсүнө чыгабы?
3-январга караган түнү Киев облусунда Орусиянын чабуулунан бир киши набыт болуп, бир нече адам жараат алды. Орус армиясы Украинанын Курахово жана Шевченко багыттарында катуу чабуулга өттү. DeepState долбоорунун картасы Курахово шаарынын батыш ыптасында салгылашуу жүрүп жатканын көрсөтүп турат.
АКШнын Жаңы Орлеан шаарындагы 15 кишинин өмүрүн алган кол салууну Федералдык иликтөө бюросу теракт деп иликтеп баштады. 1-январда көчөдө жаңы жыл тоскону чогулгандарды машинеси менен тебелеп, кийин туш келди ок чыгарган адамдын тек-жайы аныкталды.
Украинадагы согуш окопторунан Борбор Азиядагы базарларга чейин... "Азаттыктын" кабарчылары 2024-жылы дүйнөнүн ар кайсы өлкөлөрүнөн тарткан таасирдүү сүрөттөрдүн топтомун сунуштайбыз.
Кошмо Штаттардын мурдагы президенти Жимми Картер 100 жашында акка моюн сунду. Ал мамлекетти башкарып турган маалда Израил менен Египеттин ортосундагы биринчи тарыхый тынчтык макулдашуусуна Кэмп-Дэвидде кол коюлган. Израил ошондо Египетке Синай жарым аралын кайтарып берүүгө макул болгон.
Мурдагы футболчу, оңчул популист Михаил Кавелашвили өлкөдөгү саясий кризистин тушунда Грузиянын жаңы президенти катары ант берди. Буга чейинки мамлекет башчы Саломе Зурабишвили кызматтан кетүүдөн баш тартып, Кавелашвилинин дайындалышы "мыйзамсыз" экенин айтууда.
Дагы жүктөңүз
