Орус бийлиги чет элдик мигранттарды өлкөдөн чыгаруунун шартын жеңилдеткен мыйзам сунуштап жатат. Ага ылайык, административдик кодекстин дагы 20 беренеси боюнча мигранттарды Орусиядан чыгарууга жол ачылат.
Бишкекте милиция акча талап кылган өспүрүм инсульт алып, ооруканада жатат. Шектүү катары Ички иштер министрлигинин күзөт кызматынын кызматкери камакка алынды.
Бишкектеги №1 тергөө абагындагы журналисттердин камералары тинтилген фактыдан улам Башкы прокуратурага арыз жолдонду.
Акыркы жумаларда Кыргызстандын фемидасы социалдык тармакка жазган пикири үчүн кармалган эки аялды абакта калтырды. Сот алардын жалгыз бой эне экенин эске алган жок. Коомчулукта мындай чечимди сындагандар менен катар эле жоопкерчиликти эске салгандар да болууда.
Улуттук илимдер академиясынын мурдагы кызматкери Жоомарт Карабаев "массалык башаламандык" беренеси менен айыпталып, 19-августка чейин камалды. Ал 2-июлда Улуттук коопсуздук боюнча мамлекеттик комитетине суракка чакырылган.
Интеллигенция өкүлдөрү кыргыз элинин каада-салтында, түшүнүгүндө жок жосунсуз жоруктар, зомбулуктун түрлөрү жайылып жатканына көңүл буруп, өкмөткө бир катар сунуштарды беришти.
Олжобай Шакир эгемен Кыргызстандын тарыхында абакка кесилген биринчи жазуучулардын бири болуп калды. Ал темир тор артында дагы чыгармачылыгын таштабай, коомдук-саясий окуяларга пикирин билдирип, агартуучулук аракетин улантууда.
“Массалык башаламандыктар”, “Бийликти басып алууга чакырык” беренелери менен шек саналып камалган акын жана активист Аскат Жетигенди сот үч жылга абакка кести. Ал өзүнө коюлган айыптарды четке кагып келген. Жарандык коом Аскат Жетигенди актап, камактан бошотууга чакырып келишкен.
Орусиядагы кыргызстандык мигранттар соңку мезгилде Москвадагы "Сахарово" миграциялык борборуна түшкөндөр көп болуп, ал жакта укуктары бузулуп жатканын айтууда. Расмий маалыматка караганда учурда бул борбордо Кыргызстандын 173 жараны кармалып турат.
Тажикстанда хижабга тыюу салуу тууралуу президент сунуштаган, коомчулукта түрдүү пикир жана каршы маанай жараткан мыйзам колдоо тапты. Эми бийлик "маданиятка жат" деп эсептеген кийимге тыюу салат. Баш ийбегендерди жазалайт.
Кыргызстан социал демократтар партиясынын (КСДП) саясий кеңешинин мүчөсү, Кой-Таш окуясы боюнча кылмышка айыпталган Алга Кылычов 10 жылга абакка кесилди. Чечимди 21-июнда Чүйдүн Аламүдүн райондук соту чыгарды.
Бишкекте 39 жаштагы Айжан Алыкулованын өлүмүн териштирген сот отуруму өтүүдө. Ал быйыл 24-февралга караган түнү баш калаадагы батиринде киши колдуу болгон. Анын өлүмүнө шектүү деп жарандык никеде турган 34 жаштагы жаран кармалып, учурда тергөө абагында отурат.
Дагы жүктөңүз
