Улуттук коопсуздук комитети Бишкектеги "Беш-Сары" соода жайынын ээси, экс-депутат Камчыбек Жолдошбаев салык төлөөдөн качуу, кош бухгалтердик эсеп-кысап жүргүзүү фактысына шек саналып кармалганын билдирди.
Кыргызстандын өз жарандары тышка иш издеп кетип жаткан чакта башка өлкөлөрдөн Ала Тоого арбын акча табууну көздөп келген мигранттардын агымы көбөйүүдө. Алардын көбү Пакистан, Бангладеш, Шри-Ланка жана Филиппинден келүүдө.
Кыргызстанга Түштүк-Чыгыш Азия өлкөлөрүнөн келген эмгек мигранттарынын саны өсүп жатканы айтылууда.
Айыл чарба министрлиги Ысык-Көл облусунда картөшкө айдоону азайтып, кызылча эгүүгө басым жасаларын билдирди. Айрым адистер бул көл кылаасынын экологиясына кесепетин тийгизерин эскертүүдө.
Кыргыз өкмөтү эки-үч айдан бери ири базарлардагы ижара акысын төмөндөтүүгө мажбур кылган иш-аракеттерди көрүп жатат. Укук коргоо органдары каш каккан айрым ишкерлерге кылмыш ишин ачып, соода жайларын мамлекетке өткөрүп алды.
Мамлекеттик ипотекалык компания (МИК) катышууну каалагандарга үлүштүк турак жай курулуш программасынын шартын жарыялады. Анын негизинде мигрант болуп жүргөн кыргызстандыктар дагы арзан ипотекага үй алса болорун билдирди. Азырынча өкмөт бул программаны жүзөгө ашыруу жол-жобосун толук иштеп чыга элек.
Кыргызстандагы эң ири көмүр кендеринин бири Кара-Кечеде ушу тапта иш кайнап жаткан учур.
Мамлекеттик мүлк агенттиги Кара-Суу базарын толук алууга аракет кылып жатат. Соттун эки инстанциясында алардын пайдасына өкүм чыкты. Учурда алып-сатуу келишимдерин жокко чыгаруу арызы сотто каралууда. Базаркомдор, жер ээлери муну "рейдерлик басып алуу" аракети катары сыпаттап келет.
Президент Садыр Жапаров чет өлкөдөн келген инвесторлорду алдап кеткен фактылар катталып, укук коргоо органдары алгарга чара көрүп жатканын маалымдады.
Өлкөнүн базарларында ККМге каршы нааразылык акциялары уланууда. 4-декабрда Бишкекте “Дордой Моторстогу” соодагерлер чыгып, патент системасын калтырууну талап кылышты. Президент Садыр Жапаров атайын комиссия түздү. Ал арада өкмөт ишкерлерди текшерүүгө жарым жылга мораторий киргизгени маалым болду.
Акыркы күндөрдө көзөмөл кассалык машиналарга байланыштуу өлкөнүн "Дордой" баштаган бир катар базарларында ишкерлердин нааразычылык митингдери өттү. Президент Садыр Жапаров андан улам атайын комиссия түздү. Бүгүн биз салык саясатын жана ага байланыштуу соңку окяларды талкуулайбыз.
Бир ай мурда Таласта зомбулукка каршы тынч жөө жүрүштөр өткөн. Быйыл жыл башынан бери облуста үй-бүлөлүк зомбулукка кабылган 200гө жакын аял милицияга кайрылган.
Дагы жүктөңүз
