Алай районунун Сары-Могол айылында ар бейшемби күнү жайма базар болот. Ал айылдын так ортосунда жайгашып, Ош шаарынан да соодагерлер барышат. Базарда турмуш тиричиликке пайдаланган буюм-тайымдардан тарта азык-түлүккө чейин сатылат.
Ысык-Көлдө Абердин ангус тукумундагы уй багуу күч алды. Мындагы “Рейна-Кенч” дыйкан чарбасы мындан 8 жыл мурун бул уйдун тукумун биринчилерден болуп Кыргызстанга алып келген.
Ош шаарындагы "Кыргыз унаа курулуш" заводу кытайлык Dongfeng компаниясы менен келишим түзүп, 12 жүк ташуучу унаанын тетиктерин алып келип кураштырууда. 9-июнда компания кураштырып бүткөн алгачкы жүк ташуучу чакан унааларын кардарларга сунуштады.
34 жаштагы Максат Мусабаев Ысык-Көл районунун Чоң-Өрүктү айылында өстүргөн кулпунайды Орусиянын Сургут шаарына сатат. Ал ошондой эле элеттик 30 кишини жумуш менен камсыз кылган. Жай айларында иштеп, жарым миллиондон ашык киреше тапкан ишкер эми кулпунай талааларын кеңейтүүнү максат кылууда.
15 миллион калкы бар Стамбулда орточо эсеп менен айына 400 батир чет өлкөлүктөргө сатылат. Түркиялык серепчилердин айтымында, Европа менен Азияны бириктирген бул шаарда үй алгысы келген чет өлкөлүктөрдүн саны жыл сайын өсүүдө.
Кыргызстанда азык-түлүк жана башка товарларга болгон баа кескин кымбаттады. Бул жагдай калктын орто жана жакыр жашаган катмарын кыйын абалга кептеди.
Ош облусунун Ноокат районунун Кыргыз-Ата айыл аймагында жайгашкан Кара-Кой эс алуу жайында эс алуучулардын саны арбын.
Нарын шаарынын тургуну Калыйкул Ысыралиев чакан күнөсканасына анар, жүзүм, жаӊгак, роза гүлдөрүн жана башка өсүмдүктөрдү өстүрөт. Ал тоолуу аймакта бак-дарактын, жашылча-жемиштин түрүн көбөйтүүнү каалап, жакында эле павловния дарагынын көчөттөрүн да алып келди.
Турмуштук кыйын кырдаалга кабылган кыз-келиндерге ар тараптан колдоо көрсөткөн демилге менен баткендик сегиз келин-кыз чакан ишкердигине зарыл жардамдарды алышты.
Кыргызстанда малдын санына эмес, сапатына көңүл бурган чарбалар көбөйүүдө. Ушул тапта этти жана сүттү арбын берген бодо мал менен катар эле эти көп, жүнү сапаттуу койлорду, асыл тукум жылкыларды көбөйтүп жаткан 263 чарба бар.
Ош облусунан 300 чакырым алыстыкта жайгашкан Чоң-Алайдын Чак айылынын тургуну Байыш Бекматаев балык чарбасын түптөгөн. Ишкер шарты катаал аймакта балып кармап, туристерди да тартууну максат кылган.
Кыргыз өкмөтү 1995-жылдан бери алтын казган “Кумтөр Голд Компани” ишканасы Давыдов жана Лысый мөңгүсүнөн 178 млн куб метр музду жок кылганын билдирди. "Азаттыктын" журналисттери дагы кенди жеринен барып көрүп келди.
Дагы жүктөңүз
