"Азаттыктын" Бишкектеги бюросунун кызматкери, журналист. 2015-жылы Жусуп Баласагын атындагы Кыргыз Улуттук университетинин журналистика факультетин аяктаган.
Кыргыз-тажик чек арасынын 94% такталганын эки өлкөнүн бийлик өкүлдөрү кабарлады. Калган 6% эң татаал, бир нече жолку чек ара чырына себеп болгон бөлүктөр экени айтылып жатат.
Кримтөбөл Камчы Көлбаевди апасы Мая Алиевага Кылмыш-жаза кодексинин 222-беренеси ("кылмыштуу жол менен алынган кирешени адалдоо") беренеси менен иш козголуп, ага катталган 13 мүлк боюнча соттук териштирүү уланып жатат.
“Манас” аэропортуна кетип бараткан жолдо “апрелчилерге” делген тигүү фабрикасынын курулушу башталды. Анын жерин мамлекет бөлсө, Бакиевдер 1 млрд сом бере турганы айтылып жатат.
Бишкекте "Манас” аэропортуна кетип бараткан жолдо “апрелчилерге” делген тигүү фабрикасынын курулушу башталды. Анын жерин мамлекет бөлсө, мурдагы президент Курманбек Бакиев жана анын үй-бүлөсү 1 млрд сом бере турганы айтылып жатат.
Кыргыз бийлиги Газадагы согушту тезинен токтотууга чакырып, эл аралык коомчулуктун Палестинаны өз алдынча мамлекет кылып түзүү принцибин колдой турганын билдирди. Кыргызстан Палестинаны мамлекет катары 1995-жылы тааныган.
Чүй облустук сотунун эки судьясын кылмыш жоопкерчилигине тартууга Судьялар кеңеши макулдук берди. Президентке аларды ээлеген кызматынан убактылуу четтетүү жөнүндө сунуш жиберилди. 2-июлда УКМК эки судья кармалганын, алар соттолуучудан 6 миң доллар пара алууга шек саналып жатканын билдирген.
Судьялар кеңеши Чүй облустук сотунун эки судьясын кылмыш жоопкерчилигине тартууга макулдук берип, президентке аларды ээлеген кызматынан алуу жөнүндө сунуш жиберилди. Кармалгандардын адвокаттары же жакындары азырынча комментарий бере элек.
Ноокат, Ысык-Көл, Свердлов округдарындагы кайра шайлоо жыйынтыкталып, автоматташтырылган эсептөө системасынын баштапкы жыйынтыгы боюнча Бакытбек Марипов, Айжигит Тыналиев жана Жумабек Салымбеков алдыга чыкты. Үч райондогу кайра шайлоо жарандардын катышуусу солгун болгон кезектеги жараян болуп калды.
Ноокат, Ысык-Көл жана Свердлов округдарындагы кайра шайлоо жыйынтыкталып, автоматташтырылган эсептөө системасынын баштапкы жыйынтыгы боюнча Бакытбек Марипов, Айжигит Тыналиев жана Жумабек Салымбеков алдыга чыкты.
Бул иликтөөдө Бишкек шаарынын 30дан ашуун депутаты, аткаминерлери “Аламүдүн” суусунун жээгин кантип ич ара бөлүп алганын айтып беребиз.
Президент Садыр Жапаров "7-апрель" ынтымагы" коомуна бир гектардан ашык жер бөлүнүп берилгенин билдирди. Ал жерге 200 кишиге ишкана курулары, анда Апрель окуясынан жабыркагандар, алардын жакындары иштей турганы айтылды. Ага акчаны мурдагы президент Курманбек Бакиев берет деген маалымат бар.
Президент Садыр Жапаров "7-апрель ынтымагы" коомуна бир гектардан ашык жер бөлүп берилгенин билдирди. Ал жерге 200 кишиге жумуш бере турган ишкана курулары, анда Апрель окуясында жабыркагандар, алардын жакындары эмгектенери айтылууда. Ага кетчү акчаны Бакиевдер берет деген маалымат бар.
Бажы кызматынын төрагасынын орун басары Алмаз Салиев Матраимов-Көлбаевге байланышы бар 100дөн ашуун бажычы иштен алынганын “Азаттыкка” айтты.
Бажы кызматынын төрагасынын орун басары Алмаз Салиев “Азаттыктын” студиясында маек куруп, Матраимов-Көлбаевге байланышы бар 100дөн ашуун бажычы иштен алынганын айтты.
14-июнда Бишкектин Биринчи май райондук сотунун судьясы Марат Сыдыков Кемпир-Абад иши боюнча 20дан ашуун айыпталуучуну актады. Акталгандар өкүмдү "сот адилеттигинин белгиси" катары сыпатташты. Талаш-талкуу жараткан иш боюнча соттун чечими коомдук саясий абалга кандай таасирин тийгизет?
"Азаттыктын" журналисттери Айбек Бийбосунов менен Бектур Стамкулов эки жылдан ашуун согуш жүрүп жаткан Украинадагы кырдаалды жеринен көрүп келишти.
18-апрелдеги индиялык жана пакистандык студенттер жабыркаган окуяга дүйнө коомчулугу көз салып турат. Кыргыз коомчулугу чет элдиктерди уруп-согуунун келип чыгышын ар түрдүү жоромолдоп жатышат. Бийлик бул окуя териштирилип, ага катышкандар жазага тартыларын билдирди.
14-майда жазуучу жана публицист Олжобай Шакир “Массалык башаламандыктар” беренеси менен күнөөлү деп табылып, 5-жылга соттолду. Ал былтыр августта камалган. Шакирдин соттолушун сөз эркиндигине кысым катары баалагандар жок эмес. Бийлик жазуучу башаламандык уюштурууга аракет кылганын жүйө келтирген.
Туунун өзгөрүшүнө каршы чыккан активист Афтандил Жоробековдун камалганына алты ай болду. Учурда сотто анын иши каралбай токтоп турат. Анткени кайра дайындалган лингвистикалык экспертизанын жыйынтыгы чыга элек.
Кыргызстандын Пробациялык көзөмөл департаменти "Украинадагы согушка катышкан" деген айып менен соттолуп, кийин пробация аркылуу бошотулган Аскар Кубанычбек уулунун Орусияга кантип чыгып кеткени боюнча түшүндүрмө бере элек.
Дагы жүктөңүз
