Министрлер кабинетинин төрагасы Адылбек Касымалиев кол койгон тескемеге ылайык, Медет Абакиров тышкы иштер министринин орун басары болуп дайындалды. Бул тууралуу өкмөттүн басма сөз кызматы кабарлады.
Абакировду ТИМдин жамааты менен төраганын орун басары Данияр Амангелдиев тааныштырып, тышкы саясаттагы маанилүү маселелерди чечүүдө натыйжалуу иш алып барарына ишенимин билдирди.
Медет Абакиров 1979-жылы 9-июнда Бишкек шаарында туулган. Кыргыз-Орус Славян университетинин эл аралык мамилелер жана юридика факультетин аяктаган.
45 жаштагы Абакиров 2004-жылдан тартып ТИМ системасынын ар кайсы кызматтарында иштеп келатат.
Бул кызматты аркалаган Айбек Молдогазиев декабрдын соңунда Кыргызстандын АКШдагы элчиси болуп дайындалган. Ал орун басар болуп 2022-жылдын февралынан тартып иштеп жаткан. (КЕ)
Шерине