7-июнь күнү кечке жуук болгон жер титирөө Кемин районундагы Кошой айлындагы 41, Чүй районунун Онбиржылга айлында 12, Маданият айлында 8, Шамшы айлында 21 үйдү жабыркатты. Учурда кечээ күнкү кырсыктан келтирилген чыгымдардын суммасы аныкталууда.
Кочкор жана Лейлек районунда жыл башында болгон жер титирөөдөн 5,5 миңден ашуун турак-жайлар, бир нече мектептер жана социалдык обьекттер жабыркаган. Кыргыз өкмөтү тарабынан мектептерди жана социалдык обьекттерди курууга жана калыбына келтирүүгө атайын каражат бөлүнүп, учурда кайра куруу жана оңдоо иштери жүрүп жатат. Ал эми жеке турак-жайларды курууга жана оңдоого 50 миң сомдон 200 миң сомго чейинки “турак-жай сертификаттары” кочкорлук жана лейлектик тургундарга таратылып берилүүдө. Бул тууралуу “Азаттыкка” өзгөчө кырдаалдар министри Туратбек Жунушалиев төмөнкүчө билдирди:
-Кочкор районунда “турак-жай сертификаты” таратылып жатат. Биздеги маалыматтар боюнча 400 дөн ашуун сертификат алынды. Анын ичинде таптакыр жарабай калган үйлөрдү кайра куруу үчүн 200 миң сомдук жана оңдоо иштерин жүргүзүүгө мүмкүн болгон үйлөр үчүн 50 миң сомдук сертификаттар бар,-дейт өзгөчө кырдаалдар министри.
“Турак-жай сертификаты” менен берилүүчү 10 миң сомдон 50 миң сомго чейинки акча каражаттары жергиликтүү бийлик тарабынан таратылат. Ал эми 200 миң сомдук сертификат ээлери Бишкекке келип, ипотекалык кредит берүүчү банктардан алуулары тийиш. Анткени Баткен жана Нарын облустарында мындай кредит берүүчү банктар жок. Кредиттин үстөк пайызын төлөөнү болсо Каржы министрлиги мойнуна алган.
Кыргыз өкмөтү Кочкор жана Лейлек райондорунда болгон жер титирөөдөн 195 млн 800 миң сомдук зыян келтирилди деп белгилеген. Ал эми Жогорку Кеңеш бул чыгашаны 235 млн сомго баалап, зилзаланын кесепеттерин жоюу үчүн 250 млн сом талап кылынарын аныктаган. Бирок каржы министрлиги мынча каражат өкмттүн капчыгында жок экендигин айтып келет. Өкмөт башчысы Алмазбек Атамбаев жыл аягына чейин мамлекеттик бюджетке 4 млрд сом кошумча түшөрүн, ал Кочкор жана Лейлек районундагы жер титирөөдөн жабыркаган элге берүү керек деген оюн парламентте айтты. Анын сөзү боюнча жер титирөөдөн гана эмес, селден жабыркаган үйлөрдү кайра тургузууга аракеттер жасалып жатат:
-Селден жана жер титирөөдөн жабыркаган аймактарга 10 миң сомдон 50 миң сомго чейин акча таратылат. Ал эми таптакыр урап калган үйлөр үчүн мен чет өлкөлөргө кайрылып, жардам сурап атам. Мындан тышкары бюджетте дагы кошумча акча болот, аны дагы ошол жактарга жумшасак жакшы болот.
Алмазбек Атамбаевдин сөзүнөн улам зилзаланын кесепеттерин оңдоого өкмөттүн чамасы чактыгы байкалып тургансыйт. Жергиликтүү бейөкмөт уюмдар, жер титирөөдөн жабыркаган аймактардын жашоочулары жай көз ачып-жумганча өтүп, эртең эле суук түшөрүн белгилешүүдө. “Демократия жана атуулдук коом үчүн” коалициясынын Кочкор районундагы координатору Жумабек Болотбековдун айтуусунда сертификат менен акча алып, ага курулуш материалдарын сатып алгыча кыш түшөт:
-Эки жүз миң сомдук сертификат алуу үчүн күрөө коюп, ипотека берген банктардан акча алыш керек. Күрөөгө кое турган эчнерсе жок болуп атат элде. Мындан тышкары сертификатты айрым паспорту жок адамдар ала албай жатышат. Кары-картаңдар, паспортун жоготуп алгандар аны кайра алып, анан ага сертификат алгыча, суук түшөт албетте. Элдин абалы оор эле. Курулуш материалдары да КЦШКнын баасы менен бир-эки жолу эле келген. Азыр болсо жок деп жатышат,-дейт Жумабек Болотбеков.
Кочкордо жана Лейлекте зилзаланын кесепетинен жабыркаган мектептерди, ФАПтарды жана башка социалдык обьекттерди, ошондой эле жеке турак-жайларды калыбына келтирүү үчүн кайрадан түзүлгөн студенттик курулуш отряддары да көмөк көрсөтүшмөкчү. 8-июнда бул максатта Кочкорго жана Лейлекке 400 студент жөнөп кетишет. Студенттик курулуш отряддарын түзүү боюнча демилге тобунун мүчөсү Жумакадыр Акенеевдин айтуусунда студенттик курулуш отряддары зилзаланын кесепетин жоюуда мамлекет үчүн чоң колдоо болуп бере алат.
Кочкор жана Лейлек районунда жыл башында болгон жер титирөөдөн 5,5 миңден ашуун турак-жайлар, бир нече мектептер жана социалдык обьекттер жабыркаган. Кыргыз өкмөтү тарабынан мектептерди жана социалдык обьекттерди курууга жана калыбына келтирүүгө атайын каражат бөлүнүп, учурда кайра куруу жана оңдоо иштери жүрүп жатат. Ал эми жеке турак-жайларды курууга жана оңдоого 50 миң сомдон 200 миң сомго чейинки “турак-жай сертификаттары” кочкорлук жана лейлектик тургундарга таратылып берилүүдө. Бул тууралуу “Азаттыкка” өзгөчө кырдаалдар министри Туратбек Жунушалиев төмөнкүчө билдирди:
-Кочкор районунда “турак-жай сертификаты” таратылып жатат. Биздеги маалыматтар боюнча 400 дөн ашуун сертификат алынды. Анын ичинде таптакыр жарабай калган үйлөрдү кайра куруу үчүн 200 миң сомдук жана оңдоо иштерин жүргүзүүгө мүмкүн болгон үйлөр үчүн 50 миң сомдук сертификаттар бар,-дейт өзгөчө кырдаалдар министри.
“Турак-жай сертификаты” менен берилүүчү 10 миң сомдон 50 миң сомго чейинки акча каражаттары жергиликтүү бийлик тарабынан таратылат. Ал эми 200 миң сомдук сертификат ээлери Бишкекке келип, ипотекалык кредит берүүчү банктардан алуулары тийиш. Анткени Баткен жана Нарын облустарында мындай кредит берүүчү банктар жок. Кредиттин үстөк пайызын төлөөнү болсо Каржы министрлиги мойнуна алган.
Кыргыз өкмөтү Кочкор жана Лейлек райондорунда болгон жер титирөөдөн 195 млн 800 миң сомдук зыян келтирилди деп белгилеген. Ал эми Жогорку Кеңеш бул чыгашаны 235 млн сомго баалап, зилзаланын кесепеттерин жоюу үчүн 250 млн сом талап кылынарын аныктаган. Бирок каржы министрлиги мынча каражат өкмттүн капчыгында жок экендигин айтып келет. Өкмөт башчысы Алмазбек Атамбаев жыл аягына чейин мамлекеттик бюджетке 4 млрд сом кошумча түшөрүн, ал Кочкор жана Лейлек районундагы жер титирөөдөн жабыркаган элге берүү керек деген оюн парламентте айтты. Анын сөзү боюнча жер титирөөдөн гана эмес, селден жабыркаган үйлөрдү кайра тургузууга аракеттер жасалып жатат:
-Селден жана жер титирөөдөн жабыркаган аймактарга 10 миң сомдон 50 миң сомго чейин акча таратылат. Ал эми таптакыр урап калган үйлөр үчүн мен чет өлкөлөргө кайрылып, жардам сурап атам. Мындан тышкары бюджетте дагы кошумча акча болот, аны дагы ошол жактарга жумшасак жакшы болот.
Алмазбек Атамбаевдин сөзүнөн улам зилзаланын кесепеттерин оңдоого өкмөттүн чамасы чактыгы байкалып тургансыйт. Жергиликтүү бейөкмөт уюмдар, жер титирөөдөн жабыркаган аймактардын жашоочулары жай көз ачып-жумганча өтүп, эртең эле суук түшөрүн белгилешүүдө. “Демократия жана атуулдук коом үчүн” коалициясынын Кочкор районундагы координатору Жумабек Болотбековдун айтуусунда сертификат менен акча алып, ага курулуш материалдарын сатып алгыча кыш түшөт:
-Эки жүз миң сомдук сертификат алуу үчүн күрөө коюп, ипотека берген банктардан акча алыш керек. Күрөөгө кое турган эчнерсе жок болуп атат элде. Мындан тышкары сертификатты айрым паспорту жок адамдар ала албай жатышат. Кары-картаңдар, паспортун жоготуп алгандар аны кайра алып, анан ага сертификат алгыча, суук түшөт албетте. Элдин абалы оор эле. Курулуш материалдары да КЦШКнын баасы менен бир-эки жолу эле келген. Азыр болсо жок деп жатышат,-дейт Жумабек Болотбеков.
Кочкордо жана Лейлекте зилзаланын кесепетинен жабыркаган мектептерди, ФАПтарды жана башка социалдык обьекттерди, ошондой эле жеке турак-жайларды калыбына келтирүү үчүн кайрадан түзүлгөн студенттик курулуш отряддары да көмөк көрсөтүшмөкчү. 8-июнда бул максатта Кочкорго жана Лейлекке 400 студент жөнөп кетишет. Студенттик курулуш отряддарын түзүү боюнча демилге тобунун мүчөсү Жумакадыр Акенеевдин айтуусунда студенттик курулуш отряддары зилзаланын кесепетин жоюуда мамлекет үчүн чоң колдоо болуп бере алат.
