1998-жылы Барскоон кырсыгынан Жети-Өгүз районундагы беш айылдын эли жапа чеккен. Бул айылдардын тургундары Кумтөр алтын кенине кеткен жолду 28-апрелден бери эки жеринен тосуп турушат. Алар негизгинен Кумтөр боюнча түзүлгөн башкы келишимди кайра түзүүнү, казылган алтындын 50 пайызы Кыргызстанга калтырууну жана Барскоон кырсыгынан жабыркаган элдин чыгымын толук төлөөнү талап кылышууда.
Жол тоскондордун бири, өзүн Закия Чипаева деп тааныштырган аялдын айтуусунда "Камеко" ишканасы Барскоондуктарга дагы 700 миң доллар карыз, ал эми жапа чеккен айылдардын чарбасына көрсөтүлүүчү жардам тууралуу берилген убада сөз боюнча гана калган:
-Өткөн жылы күзүндө, андан кийин 9-декабрда Кумтөрдү иштетип жаткан Камеконун жетекчиси Эндрью Люис өзү убада берген. Барскоон кырсыгынан жапа чеккен айылдарга берилүүчү компенсациянын 4-траншын март айына жеткирбей төлөп берем, болбосо силер менен кошо пикетке чыгам деп убадасын берген. Мына ошондон бери анын сөзүнө, берген убадасына ишенип, күтүп келдик, -дейт Закия Чипаева.
Жол тоскондор кенди Канадалык компаниянын иштетүүсүнө каршы эмес. Акциянын катышуучуларынын бири Сыдык Алымбеков кенди иштетүү боюнча келишим ачык түрүндө, элдин алдында түзүлүп, эл алдында кол коюулууга тийиш деп эсептейт:
-1994-жылы түзүлгөн келишим кыргыз элинин пайдасына чечилбей калган. Ошол келишимди кайра карап чыгып, биздин көз алдыбызда кол коюшсун. Дайыма эле Москвага жатып алып, ошол жакта бүтүрүшөт иштин баарын.
Кечээ президенттик администрациянын башчысы Медетбек Садыркулов жолду ачуу боюнча тиешелүү жетекчилерге тапшырма бергендиги кабарланган. Бүгүн түштөн кийин жол тоскондорго Ысыккөл облусунун губернатору Кыдыкбек Исаев, президенттин алдындагы адам укугун коргоо комиссиясынын төрагасы Турсунбек Акун жана кенди иштетип жаткан Канадалык компаниянын өкүлдөрү барып жолугушту.
Жол тоскондордон алынган маалымат боюнча ушул тапта эки тараптын жолугушуусу өтүп жатат. Бирок нааразылык акциясынын катышуучулары талаптары аткарылмайынча эч жакка жылбай тургандыгын билдиришүүдө.
“Центера голд” компаниясынын жетекчилиги жергиликтүү элдин нааразылык акциясын мыйзамсыз деп эсептешип, райондук ички иштер бөлүмүнө жана райондук прокуратурага арыз менен кайрылышкан. 6-майда райондук ички иштер бөлүмүнүн жетекчиси жана райондук прокурор Барскоондогу эл менен жолугушкан. Ал эми жол тоскондор акциянын уюштуруучулары жоопко тартыла турган болсо, мындан дагы башка кадамдарга барыша тургандыгын эскертишүүдө.
Жол тоскондордун бири, өзүн Закия Чипаева деп тааныштырган аялдын айтуусунда "Камеко" ишканасы Барскоондуктарга дагы 700 миң доллар карыз, ал эми жапа чеккен айылдардын чарбасына көрсөтүлүүчү жардам тууралуу берилген убада сөз боюнча гана калган:
-Өткөн жылы күзүндө, андан кийин 9-декабрда Кумтөрдү иштетип жаткан Камеконун жетекчиси Эндрью Люис өзү убада берген. Барскоон кырсыгынан жапа чеккен айылдарга берилүүчү компенсациянын 4-траншын март айына жеткирбей төлөп берем, болбосо силер менен кошо пикетке чыгам деп убадасын берген. Мына ошондон бери анын сөзүнө, берген убадасына ишенип, күтүп келдик, -дейт Закия Чипаева.
Жол тоскондор кенди Канадалык компаниянын иштетүүсүнө каршы эмес. Акциянын катышуучуларынын бири Сыдык Алымбеков кенди иштетүү боюнча келишим ачык түрүндө, элдин алдында түзүлүп, эл алдында кол коюулууга тийиш деп эсептейт:
-1994-жылы түзүлгөн келишим кыргыз элинин пайдасына чечилбей калган. Ошол келишимди кайра карап чыгып, биздин көз алдыбызда кол коюшсун. Дайыма эле Москвага жатып алып, ошол жакта бүтүрүшөт иштин баарын.
Кечээ президенттик администрациянын башчысы Медетбек Садыркулов жолду ачуу боюнча тиешелүү жетекчилерге тапшырма бергендиги кабарланган. Бүгүн түштөн кийин жол тоскондорго Ысыккөл облусунун губернатору Кыдыкбек Исаев, президенттин алдындагы адам укугун коргоо комиссиясынын төрагасы Турсунбек Акун жана кенди иштетип жаткан Канадалык компаниянын өкүлдөрү барып жолугушту.
Жол тоскондордон алынган маалымат боюнча ушул тапта эки тараптын жолугушуусу өтүп жатат. Бирок нааразылык акциясынын катышуучулары талаптары аткарылмайынча эч жакка жылбай тургандыгын билдиришүүдө.
“Центера голд” компаниясынын жетекчилиги жергиликтүү элдин нааразылык акциясын мыйзамсыз деп эсептешип, райондук ички иштер бөлүмүнө жана райондук прокуратурага арыз менен кайрылышкан. 6-майда райондук ички иштер бөлүмүнүн жетекчиси жана райондук прокурор Барскоондогу эл менен жолугушкан. Ал эми жол тоскондор акциянын уюштуруучулары жоопко тартыла турган болсо, мындан дагы башка кадамдарга барыша тургандыгын эскертишүүдө.
