Мәскеудің Украинаға басқыншылығы Қазақстанның қақтығыс аймағынан жүздеген километр қашықтағы, Ресеймен тығыз байланысы бар батыс өңіріне қалай әсер етті?
Қарағанды өңірінде әкімдік "дұрыс пайдаланбады" деп, шаруаға жерді жалға беру келісімін бұзған. Билік жер серігінен түсірілген суреттерді алға тартады. Шаруалар қауымдастығы үкімет "жерді пайдаланбайтын латифундистермен күрес құралы" деген ғарыш мониторингінің зардабы қарапайым шаруаға тиеді дейді.
"Қармет" мемлекеттік акционерлік қоғамы өндірісінде денсаулығын құртып, мүгедек болған бұрынғы жұмысшы жылдар бойы әлеуметтік қолдауды не мемлекеттен, не жұмыстан талап етерін білмей діңкелеген еді. Ссы санаттағы азаматтарды 20 жыл сергелдеңге салған мәселе жақында шешілді.
Қарағанды өңірінде мемлекет мыс өндіретін аумақты кеңейту үшін бірқатар ауылды жойып, халқын басқа жаққа көшірген. Бірақ бірнеше отбасы жергілікті билік ұсынған өтемақыға көңілі толмай, көшпей отыр. Қыстың көзі қырауда сусыз, жарық пен жылусыз күн кешіп жатқан азаматтар лайықты өтемақы сұрайды.
Қаңтардың басында Жаңаөзендегі наразылыққа Қазақстанның әр өңіріндегі елдімекендер де үн қосқан. Халықтың талабы біртіндеп жергілікті жердегі проблемаларға ауып, әрі қарай саяси сипат ала бастағаны байқалған. Азаттық Түркістан, Жамбыл мен Қызылорда облыстарында болған оқиғаларды шолып шықты.
5 қаңтарда Павлодар облысы Екібастұз қаласында 500 адам митингіге шыққан. Шара бейбіт өткен: ешқандай бұзақылық не полициямен қақтығыс болмаған. Ертеңіне полиция жүзге тарта адамды, яғни, митингіге шыққан әрбір бесінші азаматты ұстаған. Олар қамауда жатқан кезде таяқ жеп, қорлық көргенін айтады.
Семейде 6 қаңтарда Жандос Жотабаев, 10 қаңтарда Елдос Қалиев ұсталған. Екеуі де полицияның уақытша ұстау мекемесінен тірі шықпаған. Денесінде ұрып-соғу ізі қалған қос азамат та жұмбақ жағдайда көз жұмған.
Қызылорда полициясы облыс мәслихатының депутаты, "Нұр Отан" мүшесі Аида Әбибуллаеваның жыл басында Жаңаөзен халқының талабын қолдаған пікірін "арандату", "азғындық" деп бағалап, облыс әкімінен оған "шара қолдануын" сұраған. Мұны "пікір білдіру хақыма қол сұғу" деп қабылдаған депутат сотқа жүгінбек.
2021 жылы Қазақстанда алғаш рет ауыл және ауылдық округ әкімдерін сайлады. Билік сайлауды қоғамның демократияға қарай жаңа қадамы деп атады. Қарашаның аяғында Батыс Қазақстан өңірінде шағын ауылдың тұрғындары сайлауда бақ сынап көрді. Бірақ сайлау қорытындысы олар ойлағандай болмай шықты.
Шымкентте қаңтар оқиғасынан соң күдікті ретінде екі айға қамалғандардың ата-аналары Қазақстан халқы мен президент Қасым-Жомарт Тоқаевтан араша сұрап, әрбір қылмыстық істі қайта қарауды талап етеді. Арнайы прокуратура өкілі кінәсі дәлелденбегендер абақтыдан босатылады деп уәде етті.
Шымкентте қаңтар оқиғасында адам шығыны болғанымен, қанша адам қаза тапқаны, олардың кім екені, қандай жағдайда мерт болғаны айтылмады. Азаттық тілшісі осы дүрбелеңде оқ тиіп қаза болған бірнеше адамның туысымен сөйлесті. Қара жамылған отбасылар шаңырағы шайқалып, асыраушысынан айырылғанын айтады.
Алты баланы жалғыз өзі бағып отырған Карима Хайдарбекова – Шымкентте қаңтар оқиғасынан соң қылмыстық іс қозғалып, 2 айға қамалған он белсендінің бірі. Қорғаушысы белсендінің тағылған айыппен келіспейтінін, балаларына алаңдайтынын айтады. Үйдегі әжесінен немерелері "Анашым қайда?" деп сұрай береді.
Тағы
