Кейінгі күндері Украинадағы соғыс салдарынан қауіптенген ондаған мың адам Ресейден көшіп кетті. Олардың көбі Орталық Азия елдеріне барған. Батыс мемлекеттері ресейліктерге виза беруді шектегендіктен, олар бара алатын ел де көп емес.
Ресей билігі Украинаға соғыс бастаған соң оған тек кәсіби дайындықтан өткен жауынгерлер мен армияға келісімшартпен жалданған адамдар ғана қатысып жатыр деп мәлімдеген. Бірақ көп ұзамай соғысқа мерзімді әскери борышын өтеуге шақырылған қатардағы сарбаздарды да жібергенін мойындауға мәжбүр болды.
Ауғанстанда билікке "Талибан" қозғалысы келген соң, Қазақстан былтыр ол елден 35 қазақты тарихи отанына жеткізген еді. Билік атамекенге оралуға ықылас білдірген өзге қазақтарды да эвакуациялауға уәде еткенімен, ол іс аяқсыз қалды. Ауғанстанда қалған қазақтар өздерін көшіріп алуды сұрайды.
Ресейдің Украинаға басқыншылығынан бейбіт тұрғындардың өлімі көбейген тұста Батыс шенеуніктері Пекинді Мәскеудің дипломатиялық шешім қабылдауына ықпал етуге шақырды. Мұның әсері бола ма?
Мәскеу жариялаған ресми мәлімет бойынша, Ресей 24 ақпанда Украинаға соғыс ашқалы бері 500-ге жуық ресейлік жауынгер қаза тапқан. Украина билігі өлген ресейліктер саны бұдан әлдеқайда көп дейді. Ресей халқына Украинаға кеткен туысының қаза тапқаны туралы "қара қағаз" келе бастады.
Ресей мен Украина арасындағы соғыста қолға түскен ресейлік жауынгерлердің аналары ұлдарының басқа елде тұтқында жатқанын интернетте тараған видеолардан білген. Олар Ресей билігі балаларын соғысқа жіберетінін жасырып, енді тұтқындағы жауынгерлерді босатып алуға құлықсыздық танытып отырғанын айтады.
Ресей президенті Владимир Путиннің Украинаға шабуыл жасамас бұрын және соғыстың алғашқы күндері айтқан сөзі мен іс-әрекетінен кейін "ол осының бәрін ақылға сүйеніп істеп жүр ме?" деген сұрақ туды.
Әлем елдерінің әскери күші жайлы статистиканы жинақтайтын Global Firepower сайтының деректерінен Ресей мен Украинаның әскери күші тең емесін байқауға болады.
Ресей билігі Украинаның шығысындағы сепаратистік "ДХР" және "ЛХР" деп аталатын құрылымдарды "тәуелсіз мемлекет" деп танитынын мәлімдеді. Ресей президенті Владимир Путин аталған екі аймаққа Ресей әскерін кіргізуге бұйрық берді. Киев пен Батыс мемлекеттері Мәскеудің бұл қылығын айыптап жатыр.
Тағы
