Қырғызстан президентінің зайыбы басқаратын қор өз жобаларына 123 млн доллар алған, оның бір бөлігі – Қытай қаржысы. Бұл туралы Temirov LIVE зерттеу агенттігінің зерттеуінде айтылған. Қор ақпаратты "шындыққа сай емес" деп атап, жоққа шығарды.
АҚШ пен Орталық Азияның бес елінің алғашқы саммитінде Вашингтон аймақ қауіпсіздігіне бөлінетін қаржыны ұлғайтып, бес елге пайдалы қазбаларды игеруге және энергетикалық қауіпсіздігін нығайтуға жәрдемдесетінін мәлімдеді. Саммит қарсаңында HRW АҚШ президентін адам құқықтарын басты орынға қоюға үндеген.
Нью-Йоркте БҰҰ Бас Ассамблеясының отырысы аясында алғаш рет АҚШ – Орталық Азия басшыларының саммиті өтпек. Онда не талқыланады? Тараптар нені көздейді? Азаттық АҚШ-тағы Питтсбург университеті нарық және басқару орталығының жетекшісі Дженнифер Брик Муртазашвилимен сөйлесті.
Жаңа оқу жылы басталысымен Орталық Азия елдері бірінші және 12-сынып аралығындағы 15 миллионнан астам оқушыға білім беруде қиындыққа тап болды. Көпшілігінде оқушы саны күрт өсіп, мектеп, оқулық пен мұғалім жетіспей жатса, Түркіменстандағы проблема басқасына ұқсамайды. Бұл елде, керісінше, оқушылар азайып кеткен.
14 қыркүйекте Алматыда Азаттық радиосының 70 жылдығына орай "Уақыт кедергісінен тыс цензурасыз жаңалықтар" тақырыбымен тұңғыш орталықазиялық медиафорум өтті. Оған жергілікті және халықаралық БАҚ өкілдері, тәуелсіз журналистер, қоғам белсенділері, ҮЕҰ өкілдері, АҚШ-тың Алматыдағы бас консулы қатысты.
Биыл Қырғызстан екі операция аясында Сириядан ДАИШ содырларының әйелдері мен балаларын елге қайтарды. Сириядағы босқындар лагерьлері мен Ирак түрмелерінде әлі ондаған қырғыз азаматы бар. Сарапшылар келгендер тиісті дәрежеде бейімделуі керек деп ескертеді.
Жамбыл облысында 22 тамызда төтенше жағдай жарияланды. Қырғызстанның Киров су қоймасынан келетін су бес есе азайып, тамыздың ортасына қарай мүлде тоқтады. Егістігі күйіп кеткен төрт жүзге жуық шаруа миллиардтаған теңге шығынға батты. Каналдар кеуіп, ауылда мал ішетін су да қалмаған.
Орталық Азия бойынша конференцияда құқық қорғаушылар мен ғалымдар өңірде қордаланған мәселелер туралы айтты. Шараның жүргізушісі бес мемлекет халқын "ішкі авторитаризм мен геосаяси қысым тұтқыны" деп атады.
Қазақстан елде тұратын қарақалпақ ұлтының өкілдері Қошқарбай Төремұратов пен Жангелді Жақсымбетовке босқын мәртебесін беруден бас тартты. Олар былтырдан бері Өзбекстанның сұрауымен абақтыда отыр. Ташкент бұл азаматтарға "Өзбекстанның конституциялық құрылымына қарсы әрекет жасады" деген айып таққан.
Тағы