УКРАИНАДАҒЫ СОҒЫС

Пентагонның бұрынғы өкілі: Путин Украинада жеңілмес үшін ядролық қаруға жүгінуі мүмкін

Соғыстың 240-күні. Украинада не болып жатыр?

Ресей Украина қалаларын әуеден атқылап, маңызды инфрақұрылымдарды қиратып жатыр. Украина да Ресей бақылауындағы аймақтардағы тактикалық орындарға шабуыл жасаған. Қарулы күштер Херсон қаласына жақындап келеді. Қазіргі ахуалды бір шолып шығайық.

Украина күштері Херсонға беттеді. Ресей әскері шегініп жатыр ма?

Украина күштері Херсон облысының оңтүстігіне шабуылдап жатыр. Херсон қаласын азат ету Украина үшін ірі жеңіс болар еді. Ал Днепр өзенінің оң жағалауынан кетіп жатқан Ресей әскерінің әлеуметтік желіде жариялаған фото-видеолары жағдайдың қалай өрбіп жатқанын аңғартады.

Ресейдегі мобилизация Орталық Азиядан барған мигранттарға сор болды

Құқық қорғаушы топтар Ресейдің Орталық Азия азаматтарын немесе екі елдің паспорты бар адамдарды мобилизацияға тарту үшін түрлі айла-шарғыға барып жатқанын айтады. Олардың кейбірін мәжбүрлесе, кейбірін алдап-сулап соғысқа қатыстыруға тырысқан.

Әскерге алынғандардың алды өліп жатқанда, Путин мобилизация аяқталатынын айтты

Ресейде жуырда ғана мобилизацияға ілінген азаматтардың алды үйіне табытпен оралып, ел ішінде үрей одан сайын күшейіп жатыр. Президент Владимир Путин "ішінара" мобилизация жуырда аяқталатынын айтқанымен, жұрт оған сенбейді.

"Әй-шәйға қаратпай әкетті". Ресейдегі мобилизацияға мигранттар да ілікті

Мәскеуде Қырғызстан тумасы, Ресейде әскерде болмаған әрі бүйрегі ауыратын 36 жастағы азаматты үйінен полиция мобилизация орталығына апарған. Сол жерде талып қалған ол екі рет жедел жәрдем көмегіне жүгінген. Ауруханадан шыққан соң мобилизация орталығына барудан бас тартқан азамат қазір тығылып жүр.

"Ресейге өкпелі". Ұжымдық қауіпсіздік шарты ұйымы елдерінің арасына жік түсті ме?

Украинадағы соғыс Ресей басқаратын Ұжымдық қауіпсіздік шарты ұйымына (ҰҚШҰ) мүше елдердің қарым-қатынасын қиындатты. Олардың кейбірін шекарадағы жанжалдарға Мәскеудің селқос қарағаны алаңдатады.

"Көз жасымыз таусылды". Украинаның шығысында Ресей әскерінен азат етілген ауылдардың ахуалы

Ресей басқыншылығы Украинаның шығысындағы бейбіт халықты тығырыққа тіреп, тағдырын тәлкекке салды. Украинаның қарсы шабуылы оларды оккупациядан азат еткенімен, көбінің өмірі күл-талқан болды.

Ресей элитасы Путиннің шешімін сынаудан неге қорқады?

10 қазанда Ресей әскері Украинаның оннан астам қаласына ондаған ракета атты. Президент Владимир Путин әскерилердің ұсынысымен соққы жасалды деді. Саясаттанушы Иван Преображенский Настоящее время арнасына берген сұхбатында Путиннің қалай шешім қабылдайтыны, элита оны сынаудан неге қорқатынын айтты.

Ресей Украинаның қалаларын ракетамен атқылады. Жағдайдың анық-қанығы

Путин Қырым көпіріндегі жарылысқа Украинаны айыптады, Киев мойнына алған жоқ

10 қазанда Киевте бірнеше жарылыс болды, қаза тапқандар мен жараланғандар бар. Бұл шабуыл Ресей президенті Владимир Путин Қырымды Ресеймен жалғайтын көпірде болған жарылысқа Украинаны айыптаған күннің ертесіне жасалды.