ҚАҢТАР ОҚИҒАСЫ

"Оқ жамбасымды тескен". Шымкенттегі оқиғада жараланған екі адамның айтқаны

6 қаңтарға қараған түні Шымкентте наразылық кезінде 120-дан аса адам жараланды. Олардың бірі жедел жәрдем көлігімен, бірі жол-жөнекей кездескен көлікпен ауруханаға жеткізілген. Ондаған адамның жарақаты ауыр. Азаттық Шымкенттегі оқиға кезінде оқ тиіп, ауруханаға түскен екі тұрғынмен сөйлесті.

Қазақстандағы жағдай Ресейде қайталануы мүмкін бе?

Ресейлік ақпарат құралдары Қазақстандағы наразылық пен оның қалай аяқталғаны туралы жарыса жазды. Әлеуметтік желіде "Ресейде мұндай жағдай болуы мүмкін емес, бізде қазақтар аз" деген әзіл тарады. Сибирь.Реалии сайты сарапшылардан "Қазақстандық сценарий Ресейде қайталануы мүмкін бе?" деп сұрап көрді.

Тұрмыс тауқыметінен белсендіге айналып, шеруден бір-ақ шыққан жұмысшы

Бұрын саясатқа көңіл бөлмеген қазақстандық азамат пайдалы қазбаға бай елдегі кедейлік салдарынан саяси белсендіге айналып, қаңтардағы наразылық акциясына шыққан. Ол полициядан таяқ жегеніне қарамастан, жарқын болашақ үшін күресінен бас тартпауға бекініп отыр.

"Өлі-тірісін білмейміз". Наразылықтан соң із-түзсіз жоғалғандарды іздеп жатыр

Қазақстан билігі қаңтар оқиғаларынан кейін елдегі мәйітханаларға өлген 225 адам жеткізілгенін хабарлады. Марқұмдардың аты-жөні жарияланған жоқ. Көп азамат әлі күнге жаппай наразылықтан кейін жоғалып кеткен туыс-жақынын таба алмай жүр.

"86 жылы алаңнан тірі қайтып еді..." Оққа ұшып, өртеніп қаза болған желтоқсаншылар

7 қаңтарда үйіне қайтып бара жатқанда оқ тиіп, көлікте жанып кеткен ерлі-зайыптының денесі 5 күннен соң жерленді. Марқұмдардың балалары абайсызда оққа ұшты дегенге күмәнмен қарайды.

Сергей Шутов: Тергеуде ұрып-соққанда өзімді Окрестинаға түскендей сезіндім

Атыраудағы митингіге қатысқан Сергей Шутов кейін өзге адамдармен бірге қаладағы полиция бөлімінің "Динамо" спортзалында азапталғанын айтады. Шутов басынан кешкенін Минскідегі Окрестина көшесіндегі атышулы изолятордағы азаптауға теңейді. Атырау полициясы "Шутовтың сөзі расталмады" дейді.

Ақын Алматы полициясынан жазықсыз жәбір көргенін айтады

Ақын Қайсар Қауымбек 10 қаңтар түнде достарымен үйде отырған жерінен арнайы жасақ қызметкерлері күшпен алып кетіп, полиция бөлімшесінде 10 сағаттан астам уақыт қамауда болғанын, құқық қорғау өкілдерінің үздіксіз ұрып-соққанын айтады.

Ақтөбе: 4-6 қаңтардағы оқиғалар

Ақтөбедегі қымбатшылыққа қарсы наразылық 3 қаңтарда басталып, 7 қаңтарда таңсәріде аяқталды. Азаттық осы оқиғалардан түсірілген суреттерді ұсынады.

Түркімен билігі Қазақстандағы жағдайдың қайталануынан қорқып, қоғамдық тәртіпті күшейтті

Түркіменстанда Қазақстандағы жаппай тәртіпсіздіктерден кейін қоғамдық бақылау күшейген: полиция топтасып тұрған адамдарды таратып, кей азаматтардың телефонын тексеріп, халықты интернетке үкіметке қарсы жазбалар жарияламауға шақырып жатыр.

"Мама, алаңға бармашы!" Азаттықтың Ақтөбедегі тілшісінің көргені

"Қаза болғандардың тізімін жариялаңыздар". Құқық қорғаушы Тоқаевқа қайырылды

Ресми ақпарат бойынша Қазақстанда қаңтардың алғашқы күні болған "террористік шабуылдан" соң 10 мыңдай адам ұсталды. Олардың қаншасы бейбіт митингіші, қаншасы тонаушы, «содыр» екені белгісіз. Өйткені, билік тізім жарияламады. Қарулы қақтығыстан қанша адам қаза тапқаны туралы да ресми дерек жоқ. Абақтыдағыларға туыстары мен адвокаттары кіре алмай отырғанын айтқан құқық қорғаушы «бұл – адам құқығын аяққа таптау» дейді.