«Ազգ»-ը իր խմբագրականում գրում է. - «Հայաստանի ներկա պայմաններում, որտեղ հասարակության քաղաքական բեւեռացումը մի կողմից, եւ զանգվածային լրատվության միջոցների՝ քաղաքական ու տնտեսական շրջանակներից կախվածությունը մյուս կողմից, ստեղծում են անհաշտ այնպիսի մթնոլորտ, որտեղ հանրօգուտ աշխատանքի ու նախաձեռնության ամեն մի ցանկություն, լինի կառավարական, ինքնակառավարման թե այլ մակարդակով, զսպվում-խեղդվում է դեռեւս սաղմնային վիճակում: Բարի ցանկությունները հաճախ փշրվում են կասկածամտության պատին խփվելիս եւ բարիք ցանկացողները երբեմն թեւաթափ են լինում»:
