Վրաստանի խորհրդարանը սկսել է քննարկել «օտարերկրյա գործակալների» մասին վիճահարույց օրինագիծը:
Նախ դրան անդրադառնում է խորհրդարանի իրավական հարցերի հանձնաժողովն, ինչից հետո փաստաթուղթն առաջին ընթերցմամբ կքննարկվի լիագումար նիստում։ Լսումներին մասնակցում է նաև Վրաստանի ընդդիմությունը։
Քննարկումների ընթացքում խորհրդարանի մոտ տեղի է ունենում բողոքի հանրահավաք, որին մասնակցում են հասարակական կազմակերպությունների ներկայացուցիչներ։
Մինչդեռ, խորհրդարանում հայտարարվել է անվտանգության «դեղին մակարդակ», որը ենթադրում է օրենսդիր մարմին կողմնակի անձանց մուտքի արգելք։ Այն չի տարածվում հեռուստաալիքների ներկայացուցիչների վրա։
Այս ամսվա սկզբին «Վրացական երազանք-Ժողովրդավարական Վրաստան» իշխող կուսակցությունը հայտարարել է «Օտարերկրյա ազդեցության թափանցիկության մասին» օրինագիծը խորհրդարան կրկին ներկայացնելու որոշման մասին, ինչը լուրջ քննադատության է արժանացել Վրաստանի արևմտյան գործընկերների կողմից:
Մեկ տարի անց, երբ նմանատիպ նախաձեռնությունը հանգեցրել է զանգվածային բողոքի ցույցերի, իշխանությունները ստիպված հետ են վերցրել օրինագիծը:
Այժմ խորհրդարան ներկայացված փաստաթուղթը գրեթե չի տարբերվում 2023 թվականի օրինագծից, բացառությամբ «օտարերկրյա ազդեցության գործակալ» եզրույթի, որը փոխարինվել է «օտար տերության շահերը հետապնդող կազմակերպություն» հասկացությամբ:
«Օտարերկրյա գործակալների մասին» օրենքը չի ծառայի Վրաստանի եվրոպական նպատակներին: Այդ մասին սոցցանցում տեղադրած գրառման մեջ նշել է Վրաստանի նախագահ Սալոմե Զուրաբիշվիլին։
