Бліц-аналіз

Улады аднаўляюць ціск на трэці сэктар, ліквідуючы недзяржаўныя арганізацыі

"Крэмль ужо ня верыць рытуальным пасажам Лукашэнкі"

Кірыл Пазьняк: Відэа ананіма — пародыя на інфармацыйную вайну

У інтэрнэце зьявіўся ананімны відэазапіс, аўтар якога прадставіўся «былым супрацоўнікам адной са спэцслужбаў Расеі», і папярэджвае, што прэм’ер-міністар Расеі Ўладзімер Пуцін нібыта стварыў групу для ліквідацыі Аляксандра Лукашэнкі. Названы магчымыя сцэнары ліквідацыі: выкарыстаньне выбуховай прылады ў аўтамабілі ці самалёце, атручваньне, выкарыстаньне снайпэра. Каму палітычна выгадна зьяўленьне такога абвінавачваньня ў Інтэрнэце, каму можна прыпісаць «аўтарства» гэтага відэа? Якія яшчэ крокі ў інфармацыйнай вайне можна чакаць напярэдадні выбараў? На гэтыя пытаньні адказвае кіраўнік інтэрнэт-праекту «Мы» Кірыл Пазьняк.

“Прафэсіяналы сышлі з Беларусьфільму за гэтыя гады”

9 верасьня Аляксандар Лукашэнка жорстка раскрытыкаваў стваральнікаў беларускага кіно. За апошнія тры гады дзяржава выдаткавала на кіно 60 мільярдаў рублёў, але якаснага кіно не стварылі, беларускія фільмы застаюцца на пэрыфэрыі інтарэсу гледачоў, для іх прагляду людзей «арганізоўваюць», зборы ад продажу квіткоў не пакрываюць нават кошту саміх квіткоў і рэклямы,— канстатаваў Лукашэнка. Чаму склалася такая сытуацыі ў беларускім кінэматографе? Якія ёсьць шанцы ў беларускага кіно узьняцца, на чым варта сканцэнтраваць свае намаганьні? На гэтыя пытаньні адказвае рэжысэр-кінадакумэнталіст Леанід Міндлін.

“Пра дзяржаўнасьць гэтых утварэньняў казаць не выпадае”

Пра сытуацыю ў Абхазіі і Паўднёвай Асэтыі Юры Дракахруст гутарыў з аглядальнікам радыё “Рэха Каўказу” Алегам Кусавым.

“У жніўні 2008 году мы перамаглі амэрыканцаў”

2 гады таму пачалася грузінска-расейская вайна. Пра яе наступствы Юры Дракахруст гутарыў з аглядальнікам рускай службы радыё Свабода Вадзімам Дубновым.

“Усё ідзе да таго, што Эўранэст пачнецца без прадстаўнікоў Беларусі”

Эўрапарлямэнт і краіны-партнэры праграмы Эўразьвязу «Усходняе партнэрства» абмяркоўваюць магчымасьць правядзеньня ўстаноўчай канфэрэнцыі парлямэнцкай асамблеі гэтай праграмы («Эўранэст») без удзельнікаў зь Беларусі. Ці магчыма такая сытуацыя, што Эўранэст пачнецца без прадстаўнікоў ад Беларусі? Ці паўплывае гэта на намер афіцыйнага Менску удзельнічаць у праграмах «Усходняга партнэрства»? На гэтыя пытаньні адказвае палітоляг Алесь Лагвінец.

"З кітайскімі грашыма прыходзіць і мадэль – грэбаваньне правамі працоўных"

Кіраўнік беларускага ўраду Сяргей Сідорскі прапанаваў Кітаю «актывізаваць працу над супольнымі праектамі». Гэтую заяву прэм’ер зрабіў на сустрэчы з намесьнікам міністра камэрцыі Кітайскай Народнай Рэспублікі Гао Хучэнам. Апошнім часам беларускае кіраўніцтва свае эканамічныя спадзяваньні зьвязвае найперш з Кітаем. Пра 15 мільярдаў даляраў, якія могуць адтуль нібыта патрапіць у беларускую эканоміку, казалі ўжо і Аляксандар Лукашэнка, і Сяргей Сідорскі. Наколькі рэальна такая лічба магчымых інвэстыцыяў, ці мае Кітай такія вольныя грошы для ўкладаньняў у беларускую эканоміку? Чаго варта асьцерагацца ў супрацоўніцтве з Кітаем, ці могуць кітайскія інвэстыцыі пацягнуць за забой палітычную залежнасьць ад гэтай краіны? На гэтыя пытаньні адказвае палітоляг, усходазнаўца Сяргей Богдан.

“Калі Сідорскі вылучыцца, яго чакае лёс Чыгіра і Марыніча”

Газэта «Народная воля» ў сёньняшнім нумары апублікавала ліст выбаршчыка Уладзімера Смаргуна, які прапануе вылучыць кандыдатам на пасаду прэзыдэнта ад дэмакратычных сілаў прэм’ер-міністра Сяргея Сідорскага. У беларускіх палітычных колах распаўсюджваюцца чуткі, што Сідорскага да такога кроку падштурхоўвае расейскі прэм’ер Уладзімер Пуцін. Ці выглядае рэалістычным варыянт вылучэньня кіраўніка ўраду ў прэзыдэнты? Што можа стацца з Сідорскім, калі ён сапраўды аб’явіць пра свае прэзыдэнцкія амбіцыі? На гэтыя пытаньні адказвае палітоляг Уладзімер Мацкевіч.

“Лукашэнка дэманструе, што і ён ня можа дамаўляцца з Масквой”

Палата Прадстаўнікоў сёньня не разглядала пытаньне ратыфікацыі Мытнага кодэксу Мытнага саюзу Расеі, Беларусі і Казахстану. Наступнае паседжаньне Палаты адбудзецца 23 чэрвеня. Варта адзначыць, што парлямэнты Расеі і Казахстану ўжо ратыфікавалі гэты дакумэнт. Ці можна сказаць, што гэты факт шмат гаворыць пра тое, якімі былі вынікі суботніх перамоваў у Маскве Аляксандра Лукашэнкі? Чаму кіраўнікі Беларусі і Расеі нічога не паведамляюць грамадзкасьці сваіх краінаў, чым скончыліся гэтыя перамовы? На гэтыя пытаньні адказвае шэф-рэдактар газэты «Народная воля» Сьвятлана Калінкіна.

Ці стане “Гавары праўду” другім “Партнэрствам”?

На 10 чэрвеня прызначана папярэдняе слуханьне ў справе закрыцьця асьветніцкай установы «Движение вперёд», адной з праграмаў якой ёсьць кампанія «Гавары праўду». Чаму ўлады гэтак абрынуліся менавіта на кампанію «Гавары праўду» і хочуць зьнішчыць нават юрыдычныя падставы яе існаваньня? Ці можна сказаць, што цяперашняя прэзыдэнцкая кампанія ўжо мае падабенства з прэзыдэнцкімі выбарамі 2006 году, калі ўлады распачалі справу супраць арганізацыі «Партнэрства»? На гэтыя пытаньні адказвае палітоляг Уладзімер Мацкевіч.

Ці аб’яднаюцца апазыцыя і аўтааматары?

Беларускія аўтааматары працягваюць пратэставаць супраць высокіх коштаў на паліва і плянуюць зладзіць у пятніцу 4 чэрвеня масавую акцыю. Наколькі бяскрыўдны для ўладаў гэты стыхійны рух, ці можа ён набыць палітычную афарбоўку? Ці могуць апазыцыйныя сілы далучыцца да патрабаваньняў аўтааматараў, ці пажадаюць тыя прыняць дапамогу з боку апазыцыі? На гэтыя пытаньні адказвае палітычны аглядальнік газэты «Белорусы и рынок» Паўлюк Быкоўскі.

“Звычайныя беларусы ад такой палітыкі Эўразьвязу нічога не выйграюць”

«Спрашчэньне візавага рэжыму з Беларусьсю — пытаньне палітычнае», — заявіў эўракамісар у пытаньнях пашырэньня і Эўрапейскай палітыкі суседзтва Штэфан Фюле падчас сустрэчы з журналістамі з краінаў «Усходняга партнэрства» 24 траўня ў польскім Сопаце. Пагаршэньне сытуацыі з правамі чалавека ў Беларусі стала адной з прычынаў таго, што Беларусь сёньня, паводле выказваньня Фюле, «адстае» ва «Ўсходнім партнэрстве». Ці можна сказаць, што цяпер афіцыйны Брусэль зьвяртае больш увагі на палітычныя чыньнікі і сытуацыю з правамі чалавека ў Беларусі? Наколькі мэтазгоднай ёсьць такая палітыка, калі ад візавых абмежаваньняў церпяць звычайныя грамадзяне Беларусі? На гэтыя пытаньні адказвае палітоляг Алесь Лагвінец.

“Гавары праўду” спалучае ўсходні і заходні вэктары ціску на рэжым”

Чаму ўлады абрынуліся з жорсткімі рэпрэсіямі на актывістаў кампаніі «Гавары праўду»? Ці можна сказаць, што выбарчая прэзыдэнцкая кампанія пачынаецца заўсёднымі мэтадамі — наступам на журналістаў і незалежнае грамадзтва? Ці можна сказаць, што новыя грамадзкія ініцыятывы цяпер больш турбуюць уладу, чым зарэгістраваныя палітычныя партыі? На гэтыя пытаньні адказвае палітоляг Юры Чавусаў.

“Проста неверагодна, што Масква магла б паставіць на Саньнікава”

Амэрыканскі часопіс Newsweek піша, што Масква будзе рабіць спробы зьмяніць рэжым у краінах, якія ў Расеі па-ранейшаму завуць «блізкім замежжам». Паводле выданьня, у Беларусі кандыдатам Крамля мог бы стаць лідэр «Эўрапейскай Беларусі» Андрэй Саньнікаў, якога амэрыканскія журналісты называюць «ня надта блізкім з Захадам». Наколькі рэальная вэрсія, што Масква на гэтых выбарах можа падтрымаць апазыцыйнага Лукашэнку кандыдата? Каму выгадна называць Саньнікава прарасейскім кандыдатам — яму самому альбо ягоным апанэнтам? На гэтыя пытаньні адказвае палітоляг Уладзімер Мацкевіч.

“Улады дапусьцяць такую прыватызацыю, каб усім камандавала дзяржава”

Беларусь працуе над стварэньнем агенцтва па прыватызацыі ня дзеля МВФ, а з-за аб’ектыўных абставінаў, — заявіла ў сераду на прэсавай канфэрэнцыі дырэктар Фонду дзяржаўнай маёмасьці Дзяржаўнага камітэту па маёмасьці Натальля Жарнасек. Яна паведаміла, што ўжо падрыхтаваны ўказ прэзыдэнта аб стварэньні гэтага агенцтва і ён знаходзіцца «на разглядзе кіраўніка дзяржавы». Ці можна сказаць, што беларускія ўлады ўжо сапраўды зразумелі неабходнасьць прыватызацыі для эканамічнага разьвіцьця краіны? Ці можа гэтая прыватызацыя стаць сапраўднай і ўсебаковай? На гэтыя пытаньні адказвае эканаміст Леанід Злотнікаў.

Навошта Лукашэнку Ўсебеларускі Сход?

Аляксандар Лукашэнка падпісаў загад пра стварэньне аргкамітэту па падрыхтоўцы чарговага Ўсебеларускага сходу. Лукашэнка даручыў кіраўніку Адміністрацыі Ўладзіміру Макею і прэм’ер міністру Сяргей Сідорскаму да 1 ліпеня 2010 года падрыхтаваць прапановы па даце правядзеньня сходу і колькасьці яго ўдзельнікаў. Для чаго Лукашэнка праводзіць Усебеларускія Сходы, што яны азначаюць у цяперашняй палітычнай сыстэме Беларусі? Ці можна меркаваць, на якую дату будуць прызначаныя прэзыдэнцкія выбары? На гэтыя пытаньні адказвае шэф-рэдактар часопіса «Архэ» Валер Булгакаў.

Улада гатовая да эканамічнай лібэралізацыі?

Як вядома, падчас свайго штогадовага звароту да парлямэнту, Аляксандр Лукашэнка паведаміў, што аддаў загад прыступіць да распрацоўкі Дырэктывы № 4, накіраванай на лібэралізацыю эканомікі. Праект гэтага дакумэнту ўжо апублікавалі --> http://udf.by/sobytie/30446-takoj-liberalizacii-belarus-eshhe-ne-videla.html некаторыя сайты. Паводле праекту, прадугледжваюцца сапраўды кардынальныя зьмены ў беларускай эканоміцы, такія як лібэралізацыя цэнаў і замежнага гандлю, сапраўдная прыватызацыя ды іншае. Наколькі рэальнае прыняцьцё гэтага дакумэнту ў такім выглядзе? Хто і чаму сёньня супраціўляецца лібэралізацыі эканомікі? На гэтыя пытаньні адказвае эканаміст, кіраўнік цэнтру Мізэса Яраслаў Раманчук.

"З вылучэньнем Мілінкевіча пачалася сапраўдная кампанія"

Як уплывае на хаду прэзыдэнцкай кампаніі вылучэньне Аляксандра Мілінкевіча? Хто можа стаць кандыдатам ад Беларускага Незалежніцкага блёку (БНБ), калі пра свае прэзыдэнцкія амбіцыі заяўляе і лідэр Беларускай Хрысьціянскай дэмакратыі Віталь Рымашэўскі? Ці можа фігура Мілінкевіча сёньня аб'яднаць усю апазыцыю? На гэтыя пытаньні адказвае палітоляг Уладзімер Мацкевіч

“Для мяне цяперашні Януковіч больш падобны да Аляксандра Квасьнеўскага”

Ці могуць у Аляксандра Лукашэнкі наладзіцца добрыя палітычныя адносіны зь Віктарам Януковічам — пасьля таго, як Лукашэнка меў шчыльнае палітычнае сяброўства з папярэднім прэзыдэнтам Украіны Віктарам Юшчанкам? Ці можна параўнаць палітычныя стылі Януковіча і Лукашэнкі? На гэтыя пытаньні адказвае шэф-рэдактар газэты «Наша Ніва» Андрэй Дынько.

“Было відавочна, што Расея ня будзе чакаць Беларусь ва ўступленьні ў WTO”

Расея будзе ўступаць ва Усясьветную гандлёвую арганізацыю безь Беларусі і Казахстану. Пра гэта заявіў у Вашынгтоне першы намесьнік кіраўніка расейскага ўраду Ігар Шувалаў. Ён сказаў, што Расея мае намер спачатку ўступіць ва Ўсясьветную гандлёвую арганізацыю самастойна, а затым ствараць агульны рынак у рамках Мытнага саюзу зь Беларусьсю і Казахстанам. Беларускае МЗС ужо адрэагавала на гэтыя словы, нагадаўшы, што існуюць дамоўленасьці на вышэйшым узроўні аб сынхранізацыі ўступленьня трох краінаў у СГА. Ці можна сьцьвярджаць, што Расея канчаткова вызначылася з імкненьнем уступаць у СГА самастойна? Як гэты крок Масквы можа паўплываць на сытуацыю ў Мытным саюзе Беларусі, Расеі і Казахстану? На гэтыя пытаньні адказвае аглядальніца газэты «Белорусы и рынок» Тацяна Манёнак.

“Заявы Лукашэнкі пра базы ня ўразяць Расею, бо там ужо будуюць уласныя станцыі”

Аляксандра Лукашэнка 25 красавіка зрабіў некалькі крытычных заўвагаў на адрас АДКБ — Арганізацыі Дамовы аб калектыўнай бясьпецы. Маючы на ўвазе сытуацыю ў Кіргізстане, Лукашэнка заявіў: «Што гэта за арганізацыя, якая маўчыць, калі ў адной з нашых краінаў ліецца кроў? Калі і далей так будзе разьвівацца, то пэрспэктываў яна ня мае». Чаго дабіваецца беларускі прэзыдэнт, крытыкуючы калегаў па АДКБ? Зь якой мэтай Лукашэнка нагадаў Мядзьведзеву пра расейскія ваенныя базы, і які эфэкт гэта можа мець на расейскае кіраўніцтва? На гэтыя пытаньні адказвае палітоляг Андрэй Фёдараў.

Калінкіна: “Сын Бакіева зьвязаны зь Беразоўскім”

Якімі палітычнымі матывамі можна патлумачыць рашэньне Аляксандара Лукашэнкі даць прытулак у Менску Курманбэку Бакіеву? Ці сапраўды такі крок Менску можа раззлаваць Крэмль ці гэты сцэнар мог быць узгодненым паміж бакамі? На гэтыя пытаньні адказвае шэф-рэдактар газэты «Народная воля» Сьвятлана Калінкіна.

Фядута: Мэсыдж Лукашэнкі — “страляць буду”

Чаму Аляксандар Лукашэнка фактычна адзіны з кіраўнікоў дзяржаваў выступіў у абарону адхіленага прэзыдэнта Кіргістана Курбанбека Бакіева? Што больш за ўсё непакоіць Лукашэнку ў кіргіскіх падзеях? Што азначаюць словы кіраўніка Беларусі, што ўлада павінна сябе абараняць? На гэтыя пытаньні адказвае публіцыст Аляксандар Фядута.

“Дастаўка нафты з Адэсы можа каштаваць 65 даляраў за тону”

Нафта для Беларусі можа прыбыць у Адэсу 23 красавіка, паведаміла інфармацыйным агенцтвам крыніца ў адэскім порце. Як сьцьвярджаецца, танкер з 80 тысячамі тон нафты на борце выйшаў з Вэнэсуэлы 2 красавіка. Ці набывае нейкія канкрэтныя рысы праект дастаўкі вэнэсуэльскай нафты ў Беларусь? Колькі можа каштаваць яе транспартаваньне? На гэтыя пытаньні адказвае эканамічны аглядальнік газэты «Белорусы и рынок» Тацяна Манёнак.

“Чым даражэйшыя будуць нафта і газ, тым больш нашы міністры будуць гаварыць па-беларуску”

У першы дзень веснавой сэсіі Палаты прадстаўнікоў старшыня Памежнага камітэту Ігар Рачкоўскі зрабіў свой даклад па-беларуску. Як заявіў Рачкоўскі, у Памежным камітэце імкнуцца падпісваць дакумэнты на беларускай мове. Ці можна сказаць, што ў дзяржаўных структурах мяняецца стаўленьне да беларускай мовы? Чым гэта можна патлумачыць? Чаму, ідучы на пэўную «беларусізацыю», дзяржава разам з тым працягвае перасьледаваць незалежныя арганізацыі, якія адстойваюць беларускасьць? На гэтыя пытаньні адказвае старшыня Таварыства беларускай мовы Алег Трусаў.

Ці пусьцяць французаў будаваць АЭС або гэта толькі піяр перад Расеяй?

Першы віцэ-прэм’ер Беларусі Ўладзімір Сямашка прапанаваў французскай кампаніі «Areva» прыняць удзел у будаўніцтве беларускай АЭС. Нядаўна на сустрэчы з амэрыканскімі бізнэсмэнамі Аляксандар Лукашэнка прапанаваў ім шырокае поле дзейнасьці — ад будаўніцтва «Менск-сіці» да АЭС. Ці можна лічыць гэтыя прапановы чыста эканамічнымі, ці тут ня выключаны палітычны аспэкт? Ці можна меркаваць, што беларускае кіраўніцтва пачало разумець усю небясьпеку безальтэрнатыўнай прывязкі да Расеі ў справе пабудовы АЭС? На гэтыя пытаньні адказвае публіцыст Аляксандар Класкоўскі.

Заява Эштан — “загаварыць” каштоўнасныя пытаньні Менску ня ўдасца

Эўразьвяз спадзяецца, што беларускія ўлады прыкладуць усе неабходныя намаганьні, каб мясцовыя выбары 25 красавіка адпавядалі міжнародным стандартам і нормам АБСЭ. Пра гэта гаворыцца ў заяве вярхоўнага прадстаўніка ЭЗ па вонкавых сувязях Кэтрын Эштан ад 30 сакавіка. Ці можна сказаць, што ў заявах Эўразьвязу ўсё часьцей апошнім часам гучаць крытычныя ноты да дзеяньняў беларускіх уладаў? Ці могуць стаць вынікі мясцовых выбараў нейкім этапам у беларуска-эўрапейскіх дачыненьнях ці яны пройдуць дастаткова незаўважанымі? На гэтыя пытаньні адказвае палітоляг Алесь Лагвінец.

“Сбербанк” вельмі лёгка можа купіць беларускіх чыноўнікаў”

«Сбербанк» Расеі плянуе ў найбліжэйшы час крэдытаваць на сотні мільёнаў даляраў буйныя прадпрыемствы Беларусі«, — заявіў ў Менску старшыня праўленьня гэтага банку Герман Грэф падчас сустрэчы з прэм’ер-міністрам Беларусі Сяргеем Сідорскім. Ці можна лічыць актыўнае пранікненьне «Сбербанка» ў беларускі банкаўскі сэктар станоўчай зьявай для беларускай эканоміцы? Ці можна ўбачыць у гэтым працэсе пагрозу магчымай страты беларускіх прадпрыемстваў? На гэтыя пытаньні адказвае эканаміст Яраслаў Раманчук.

“АГП прыняла найлепшае рашэньне ў гэтай сытуацыі”

На зьезьдзе АГП 21 сакавіка было прынята рашэньне, што партыя выходзіць з кампаніі мясцовых выбараў. За дзень да гэтага сойм Партыі БНФ заклікаў кандыдатаў ад партыі працягнуць свой удзел у кампаніі, каб данесьці пазыцыю Партыі БНФ па найбольш важных сацыяльна-эканамічных і палітычных пытаньнях. Чаму розныя апазыцыйныя партыі па-рознаму ставяцца да фармату свайго ўдзелу ў мясцовых выбарах? Ці прайшла ўлада ў гэтай выбарчай кампаніі «тэст на лібэралізацыю»? На гэтыя пытаньні адказвае публіцыст Вадзім Казначэеў.

Ідэолягі — санітары беларускай мадэлі

19 сакавіка ў Менску прайшоў сэмінар ідэалягічных работнікаў, на якім выступіў кіраўнік Адміністрацыі прэзыдэнта Беларусі Ўладзімір Макей. Сярод іншага, ён раскрытыкаваў працу беларускіх дзяржаўных тэлеканалаў, заявіўшы, што там «амаль не засталося сур’ёзных аналітычных праграмаў» Ці дала сёньняшняя нарада нейкія новыя арыенціры ў галіне беларускай дзяржаўнай ідэалёгіі? Чаму з надыходам выбараў улады ўсё больш увагі надаюць гэтай сфэры і чаго можна чакаць грамадзтву ў гэтай сувязі? На гэтыя пытаньні адказвае публіцыст Аляксандар Класкоўскі.

Мяжа ўстойлівасьці — 19 мільярдаў. А доўг Беларусі ўжо 22 мільярды

Валавы замежны доўг Беларусі павялічыўся за мінулы год на 45 працэнтаў і склаў 22 мільярды даляраў. Пра гэта паведамляе ў справаздачы Нацыянальны Банк Беларусі. Чаму кіраўніцтва Беларусі ўсё больш бярэ замежных крэдытаў? Ці можна пагадзіцца з уладамі, якія сьцьвярджаюць, што павялічэньне доўгу не нясе пагрозы беларускай эканоміцы? На гэтыя пытаньні адказвае эканаміст Міхал Залескі.

“Не выключаю, што Беларусь можа выйсьці з Мытнага Саюзу”

Аляксандар Лукашэнка заявіў, што не выключае правалу Мытнага Саюзу. Беларускі прэзыдэнт зноў адзначыў, што Менск уступаў у клясічны мытны саюз без усялякіх выключэньняў. Ці прыслухаецца Масква да чарговых скаргаў Беларусі? Ці існуе імавернасьць таго, што Беларусь можа ўвогуле выйсьці з Мытнага Саюзу? На гэтыя пытаньні адказвае з Масквы палітоляг Кірыл Коктыш.

“Ня думаю, што Саньнікаву будзе лёгка дамовіцца зь іншымі наконт падтрымкі ягонага вылучэньня”

Міжнародны каардынатар «Хартыі-97» Андрэй Саньнікаў заявіў пра свой намер вылучацца ў прэзыдэнты. Якія шанцы мае гэты палітык на тое, каб зьяднаць вакол сябе апазыцыйныя сілы? Якія структуры могуць падтрымаць Саньнікава, ці не зьбіраецца ён узначаліць якую-небудзь партыю? Які характар набірае выбарчая кампанія на фоне ўсе новых вылучэньняў патэнцыйных кандыдатаў? На гэтыя пытаньні адказвае палітоляг Юры Чавусаў.

Эўракамісія створыць адмысловую праграму для Беларусі

У 2011-2013 гадах Эўразьвяз прадставіць сваім суседзям больш за 5,7 мільярда эўра для ўмацаваньня палітычнага супрацоўніцтва і разьвіцьця эканамічнай інтэграцыі, паведамілі ў прадстаўніцтве Эўразьвязу ў Беларусі. Таксама ў прадстаўніцтве паведамілі, што Эўрапейская Камісія разгледзіць спэцыяльную праграму для Беларусі. Як можа выглядаць адмысловая беларуская праграма? Ці можна сказаць, што ўвага Эўракамісіі да Беларусі актывізавалася апошнім часам? На гэтыя пытаньні адказвае палітоляг Алесь Лагвінец.

Ці не зарана ўлада пачала кампанію супраць інтэрнэт-СМІ?

Ва ўрадавай газэце “Рэспубліка” апублікаваны ліст старшыні вэтэранскай арганізацыі супраць сайту “Беларускі партызан”. Ці можна назваць гэты ліст пачаткам кампаніі ўладаў супраць незалежных інтэрнэт-рэсурсаў? Чаму гэта кампанія пачынаецца за год да прэзыдэнцкіх выбараў і да якіх вынікаў яна можа прывесьці? На гэтыя пытаньні адказвае палітычны аглядальнік газэты “Белорусы і рынок” Паўлюк Быкоўскі.

“Вынік той самы, але атмасфэра выбараў крыху весялейшая”

Як можна ацаніць першы этап правядзеньня кампаніі мясцовых выбараў? Ці можна сьцьвярджаць, што гэтыя выбары будуць неяк адрозьнівацца ад папярэдніх? Якую тактыку выбірае ўлада падчас гэтай кампаніі? На гэтыя пытаньні адказвае палітоляг Юрась Чавусаў.

За студзень заробак зьменшыўся на 9 працэнтаў

Рэальны налічаны заробак у студзені гэтага году ў Беларусі ў параўнаньні са сьнежнем мінулага году зьменшыўся на 9,2%, паведамляе Нацыянальны статыстычны камітэт. Намінальны заробак у студзені склаў 1 мільён рублёў і ў параўнаньні са сьнежнем зьменшыўся на 93,1 тысячы рублёў. Ці можна патлумачыць гэтую зьяву сэзонным чыньнікам альбо гэта доўгатэрміновая тэндэнцыя? Ці маюць рацыю ўлады, заяўляючы, што крызіс у Беларусі скончыўся? На гэтыя пытаньні адказвае эканаміст Міхал Залескі.

Чаму ўлады не рэгіструюць БХД?

18 лютага Вярхоўны суд агучыць рашэньне Мін’юсту ў пазове заснавальнікаў Беларускай хрысьціянскай дэмакратыі супраць Міністэрства юстыцыі. Чаму ўлады гэтак зацята не дазваляюць БХД пачаць легальную дзейнасьць у якасьці зарэгістраванай партыі? Якія пэрспэктывы мае хрысьціянскі накірунак ў беларускай палітычнай палітры? На гэтыя пытаньні адказвае палітычны аглядальнік газэты “Беларусы і рынок” Паўлюк Быкоўскі.

“Канфлікт з Польшчай выгадны прарасейскім сілам у беларускім кіраўніцтве”

Чаму афіцыйны Менск ідзе на абвастрэньне напружаньня вакол Саюзу палякаў? Ці ня хоча ўлада выкарыстаць гэты канфлікт як падставу для згортваньне працэсу лібэралізацыі? Якім сілам у беларускім кіраўніцтве і чаму выгадны канфлікт Беларусі і Польшчы? На гэтыя пытаньні адказвае палітоляг Уладзімер Мацкевіч.

Для БНФ рэфэрэндум — гэта спроба рэбрэндынгу

Партыя БНФ выступіла з прапановай правесьці агульнанацыянальны рэфэрэндум за захаваньне нізкага мыта на імпартныя аўтамабілі. Наколькі палітычна пасьпяховай зьяўляецца ідэя гэтага рэфэрэндуму, ці можа БНФ зарабіць на ёй палітычныя балы? Ці падтрымае сёньняшняе беларускае грамадзтва збор подпісаў? Як на ідэю рэфэрэндуму можа адрэагаваць улада? На гэтыя пытаньні адказвае публіцыст Аляксандар Класкоўскі.

Скандалы вакол Саюзу палякаў як дымавая заслона для выбараў?

Абвастрэньне сытуацыі вакол непрызнаванага ўладамі Саюзу палякаў прымушае задацца пытаньнем пра матывы дзеяньняў улады. Чым можна патлумачыць чарговы наступ на Саюз палякаў, якую небясьпеку для ўладаў уяўляе гэтая арганізацыя? З улікам таго, што польскія дыпляматы ў Беларусі адназначна выступілі на баку неафіцыйнага Саюзу палякаў, ці можна чакаць абвастрэньня адносінаў паміж Менскам і Варшавай з-за гэтага канфлікту? На гэтыя пытаньні адказвае палітычны аглядальнік газэты «Белорусы и рынок» Паўлюк Быкоўскі.

Ці рэальна за год зьнізіць энэргазатраты на 10 працэнтаў?

Энэргаёмістасьць валавага ўнутранага прадукту ў Беларусі сёлета трэба зьнізіць на 10 працэнтаў. Пра гэта заявіў сёньня дырэктар дэпартамэнту па энэргаэфэктыўнасьці Дзяржстандарту Леанід Шэнец. Ці рэальная гэта задача, якіх інвэстыцыяў яна запатрабуе? Якія зьмены трэба зрабіць у эканоміцы для зьніжэньня энэргаёмістасьці? На гэтыя пытаньні адказвае былы супрацоўнік Міністэрства энэргетыкі Валянцін Мацкевіч.

“Наступны крызіс які будзе? Спажывецкі”

Недабор падатковых прыбыткаў бюджэту ў студзені 2010 году склаў 200 мільярдаў рублёў. Пра гэта паведаміў міністар фінансаў Беларусі Андрэй Харкавец. «Праваленыя паступленьні па ПДВ, акцызах, прыбытках ад зьнешнеэканамічнай дзейнасьці», — адзначыў міністра. Што гэта азначае для агульнага стану беларускай эканомікі? Якімі спосабамі Беларусь можа пакрыць бюджэтны дэфіцыт, за кошт чаго могуць быць скарочаныя бюджэтныя выдаткі? На гэтыя пытаньні адказвае эканаміст Міхал Залескі.

“МВФ пампуе ў Беларусь грошы, якія ідуць не на рэформы”

3 лютага пачала працу ў Менску чарговая місія Міжнароднага валютнага фонду. Місія падвядзе вынікі выкананьня беларускімі ўладамі праграмы stand-by, і адкарэктуе макраэканамічны прагноз для Беларусі, у тым ліку з улікам зьмяненьня цэнаў на імпарт нафты. Ці можна прагназаваць, што на гэты раз у перамовах паміж афіцыйным Менскам і МВФ можа зьявіцца больш напружаных момантаў? Як МВФ можа ацаніць жаданьне падвысіць заробак да 500 даляраў, а таксама намер павялічыць крэдытаваньне эканомікі на 40 працэнтаў? На гэтыя пытаньні адказвае эканаміст, кіраўнік фонду Мізэса Яраслаў Раманчук.

Канец вулічным акцыям?

Актывісты «Маладога фронту» сёлета ня будуць ладзіць вулічнае шэсьце у Дзень сьвятога Валянціна. Замест гэтага 14 лютага ў менскім гатэлі «Crowne Plaza» яны будуць уручаць прэмію «Люблю Беларусь». На цырымонію запросяць вядомых грамадзкіх дзеячаў і дыпляматаў. Ці можна гэтае рашэньне лічыць своеасаблівым сымбалем адмовы апазыцыі ад вулічных акцыяў? Ці можна сьцьвярджаць, што «Малады фронт» імкнецца адысьці ад іміджу структуры, якая займаецца выключна вулічнымі акцыямі? На гэтыя пытаньні адказвае палітоляг Юры Чавусаў.

Як Янчэўскі будзе прасоўваць у Інтэрнэце дзяржаўную ідэалёгію?

«Натуральна, дзяржава будзе займацца Інтэрнэтам, але ня ў пляне забароны, а ў пляне таго, што дзяржава павінна там безумоўна прысутнічаць. Там павінна прысутнічаць наша ідэалёгія, і прысутнічаць эфэктыўна,» — заявіў сёньня памочнік прэзыдэнта Беларусі, начальнік галоўнага ідэалягічнага ўпраўленьня Адміністрацыі прэзыдэнта Ўсевалад Янчэўскі. Ці можна зрабіць выснову, якую тактыку абяруць чыноўнікі ў дачыненьні да інтэрнэту? Якімі спосабамі дзяржаўныя структуры будуць прасоўваць у сеціве дзяржаўную ідэалёгію? На гэтыя пытаньні адказвае публіцыст Аляксандар Класкоўскі.

“Роля місіі АБСЭ ў Беларусі зводзіцца да мінімуму”

Новы кіраўнік офісу АБСЭ ў Менску Бэнэдыкт Галер у сераду даў першую прэсавую канфэрэнцыю на гэтай пасадзе. Сярод іншага Галер заявіў пра свае намеры спрыяць дыялёгу ўладаў і апазыцыі ў Беларусі і зазначыў, што офіс АБСЭ ня будзе назіраць за кампаніяй па выбарах у мясцовыя Саветы. Як зьмянілася роля офісу АБСЭ ў Беларусі за апошнія гады? Чаму гэтая структура ўжо не зьяўляецца ўплывовым чыньнікам у беларускай палітыцы? На гэтыя пытаньні адказвае экспэрт у пытаньнях замежнай палітыцы Алесь Лагвінец.

Раманчук: “Крэмль так проста ня здасца”

Нафтавыя перамовы ў Маскве зацягваюцца і ідуць складана, аднак у расейскім урадзе не выключаюць, што па выніках гэтага раўнда, пачатага 25 студзеня, могуць быць падпісаныя дамоўленасьці. Тым часам на беларускіх НПЗ засталося нафты максымум на тыдзень. Ці паўторыцца нафтавая вайна 2007 года? Пра гэта гутарка з кіраўніком цэнтра Мізэса Яраславам Раманчуком.

Сусьветныя прыгоды туркмэнскага газу

У Менску з афіцыйным візытам знаходзіцца прэзыдэнт Туркмэністану Гурбангулы Бэрдымухамэдаў. У цэнтры ўвагі перамоваў кіраўнікоў двух краінаў знаходзяцца энэргетычныя пытаньні. Ці магчымы варыянт, што туркмэнскі газ можа пайсьці ў Беларусь? Наколькі моцная залежнасьць Туркмэністану ад Расеі ў пытаньнях транзыту энэрганосьбітаў? На гэтыя ды іншыя пытаньні адказвае былы супрацоўнік Міністэрства энэргетыкі Валянцін Мацкевіч