Людзі і выбары

Лазавік зьвярнуў увагу на апытаньне Радыё Свабода

Лазавік паведаміў, што свае экзыт-полы праводзяць розныя сацыялягічныя групы і СМІ. У прыватнасьці, ён зьвярнуў увагу на апытаньне, якое на сваім сайце ладзіць Радыё Свабода.

На 16 гадзінаў яўка склала 75,8 працэнтаў

ЦВК паведаміў дадзеныя пра яўку выбаршчыкаў на 16 гадзін. Паводле ЦВК, на гэты час удзел у выбарах прынялі 75,8 працэнтаў выбаршчыкаў, альбо 5 мільёнаў 376 тысяча 615 чалавек

Расейскія назіральнікі ад КПРФ ня бачаць ніякіх парушэньняў на выбарах

А 17 гадзіне ў Палацы Рэспублікі пачалася прэсавая канфэрэнцыя назіральнікаў на выбарах ад Расейскай Фэдэрацыі.

ТNS абвяргае агучаныя лібы экзыт-полаў

Расейскае агенцтва "Регнум" паведаміла, што кампанія TNS-Украіна, якая праводзіць экзіт-пол па замове беларускіх уладаў, дапусьціла уцечку інфармацыі, паводле якой Лукашэнка мае толькі 40 працэнтаў. Аднак кіраўнік TNS-Украіна Мікалай Чурылаў абверг гэтую інфармацыю.

Рэгіёны: затрыманьні, абвінавачаньні, арышты

У асноўны дзень прэзыдэнцкіх выбараў міліцыянты і супрацоўнікі КДБ працягвалі затрымліваць актывістаў апазыцыі ў рэгіёнах, перашкаджалі ім дабірацца да Менску. Адначасна на выбарчых участках незалежныя назіральнікі фіксавалі шматлікія парушэньні парадку галасаваньня.

Горадня: “Калі ніколі нічога не зьмяняць, то як мы даведаемся, як можа быць лепей”

На Гарадзеншчыне ў асноўны дзень выбараў назіралася высокая актыўнасьць выбарцаў, а назіральнікі за выбарчым працэсам адзначалі і шматлікія парушэньні выбарчага працэсу.

Пяць кандыдатаў у прэзыдэнты каля Пракуратуры

Пяць кандыдатаў у прэзыдэнты патрабуюць вызваленьня Зьмітра Дашкевіча ды іншых затрыманых актывістаў.

За што галасавалі Кастусёў, Міхалевіч і Рымашэўскі

Кандыдаты ў прэзыдэнты Віталь Рымашэўскі і Алесь Міхалевіч галасавалі паводле месца жыхарства ў Менску. Адзіны сярод прэтэндэнтаў іншагародні кандыдат Рыгор Кастусёў гэтаксама галасаваў па ўзятым адмацаваньні ў Менску, хоць мае магілёўскую прапіску. За што прагаласавалі палітыкі? Перадае Ігар Карней.

Міліцыя: Дашкевіч затрыманы за бойку

Лідэра Маладога фронту Зьмітра Дашкевіча вінавацяць у збройным нападзе. На сайце Гарадзкога ўпраўленьня ўнутраных спраў Менску зьявілася паведамленьне, у якім сьцьвярджаецца, што Дашкевіч быў затрыманы ў суботу за ўдзел у бойцы.

Экзыт-полы: ЭКООМ - за Лукашэнку 72,3 працэнты, INSIDE - 37,8

У выпуску навінаў у 15 гадзінаў Беларускае Тэлебачаньне паведаміла дадзеныя экзіт-пола, праведзенага праўладным цэнтрам ЭКООМ. Прэсавая служба Яраслава Раманчука паведаміла іншыя лічбы са спасылкай на расейскую кампанію INSIDE.

Віцебск: кіраўніка суполкі “Маладая Беларусь” вартуе міліцыя

Кіраўнік віцебскай суполкі «Маладой Беларусі» Тарас Сурган паведаміў, што каля дома, дзе ён жыве, ужо суткі дзяжурыць міліцэйская машына. Па тэлефоне яму загадалі ў 17 гадзін зьявіцца ў міліцыю, аднак ён адмовіўся ісьці туды без позвы.

Выбары адбыліся. На 14 гадзін яўка склала 65,2%

Старшыня ЦВК Лідзія Ярмошына ў жывым эфіры Першага каналу беларускага тэлебачаньня паведаміла лічбы яўкі выбаршчыкаў на 14 гадзінаў. Па ўсёй Беларусі яўка склала 65,2%.

Георгі Чачалідзэ: "Упершыню бачу, каб прэзыдэнта абіралі 5 дзён"

Дэпутат парлямэнту Грузіі Георгі Чачалідзэ, які зарэгістраваны міжнародным назіральнікам на выбарах прэзыдэнта Беларусі, назіраў са многімі выбарамі ў розных краінах.

Сьпіс затрыманых

Большасьць адпускаюць пасьля кароткіх прафіляктычных гутарак.

Горадня засталася без кандыдатаў

У Горадні зьніклі партрэты кандыдатаў на прэзыдэнта. Студэнтцы пагражаюць выключэньнем з унівэрсітэту.

Някляеў напісаў на бюлетэні "За выбары без Лукашэнкі"

Уладзімер Някляеў прагаласаваў на выбарчым участку ў школе нумар 54 на вуліцы Сонечнай у Менску.

Заблякаваны сайт "Хартыі-97"

У першай палове дня была зафіксаваная DOS-атака, а цяпер сайт наагул не загружаецца. На думку каардынатара сайту Натальлі Радзінай, гэта робіцца ўладай наўмысна: альбо на ўзроўні Белтэлекаму, альбо ідзе DOS-атака.

У Наваполацку зафіксаваны факт укідваньня стосу бюлетэняў

Назіральнікі Міхаіл Новікаў (Рух "За свабоду" і Яўген Апецянок (Партыя БНФ), якія працуюць на ўчастку №22 у Наваполацку, сталі сьведкамі таго, што адзін з выбарцаў закідваў у скрыню для галасаваньня вялікі стос бюлетэняў.

Ярмошына: "Абгрунтаваных скаргаў няма"

А 14 гадзіне старшыня ЦВК правяла чарговую прэсавую канфэрэнцыю. Вось кароткі пераказ яе выказваньняў.

Назіральнікі — на адлегласьці, падлік галасоў — моўчкі

Назіральніца Валянціна Сьвяцкая наведала трэнінг для старшыняў участковых камісіяў Маскоўскага раёну. Вось чаму там вучылі.

У Магілёве й Крычаве пазбавілі акрэдытацыі двух назіральнікаў

У Магілёве з участка для галасаваньня № 66 выдалілі назіральніцу ад Беларускага Хэльсынскага Камітэту Натальлю Самахвалаву. У Крычаве з участка для галасаваньня №4 выдалілі назіральніка ад Свабоднага прафсаюза мэталістаў Уладзімера Кудраўцава.

Берасьцейшчына: парушэньні і затрыманьні

У Берасьці а 13-й гадзіне на выхадзе з пад'езду свайго дома па бульвары Касманаўтаў быў затрыманы Віктар Чайкоўскі, давераная асоба кандыдата ў прэзыдэнты Мікалая Статкевіча

Віцебскіх актывістаў спыняюць па дарозе ў Менск

Сяргея Парсюкевіча затрымалі на аўтавакзале, калі ён садзіўся ў аўтобус на Менск. Міліцыянты заявілі, што ён падобны да злачынцы, які паўгадзіны таму зьдзейсьніў забойства.

Менск: участковая камісія не паслухалася Ярмошыну

У Менску ўчастковая камісія адмовілася дапусьціць назіральніка да галасаваньня, нягледзячы на рэкамэндацыю ЦВК

Лазавік: Яны шукаюць плямы на сонцы

Як паведаміў сакратар ЦВК Мікалай Лазавік, на 10 гадзіну па ўсёй краіне прагаласавала 32,1%.

Кандыдаты прыйдуць да Генпракуратуры патрабаваць вызваленьня Дашкевіча

Рыгор Кастусёў заклікае ўсіх кандыдатаў у прэзыдэнты сёньня а 16-й гадзіне прыйсьці ў Генэральную пракуратуру, каб запатрабаваць неадкладнага вызваленьня Зьмітра Дашкевіча, Міхася Пашкевіча, Алеся Пушкіна, іншых затрыманых прэвэнтыўна.

Яраслаў Раманчук аддаў голас за сябе

Кандыдат на прэзыдэнта Яраслаў Раманчук прагаласаваў на ўчастку №76 Савецкага раёну ў Менскім дзяржаўным тэхналягічным каледжы.

Чавэс: "Твая перамога, брат Аляксандар, гэта наша перамога!"

Прэзыдэнт Вэнэсуэлы Уга Чавэс у сваім тэлевізійным звароце да нацыі выказаў сваю ўпэўненасьць у тым, што дзейны беларускі прэзыдэнт Аляксандар Лукашэнка пераможа і на сёньняшніх выбарах.

Скрыні зь бюлетэнямі ахоўваліся неахайна

Назіральнікі кампаніі "За справядлівыя выбары — 2010" заўважылі сыстэмную памылку — у парушэньне артыкула 53, часткі 4 Выбарчага кодэксу старшыні камісій функцыю захаваньня скрыняў для датэрміновага галасаваньня даручылі міліцыянтам.

Лукашэнка: "Нікога сёньня на Плошчы ня будзе"

У 12.20 на сваім участку прагаласаваў Аляксандар Лукашэнка. Пасьля галасаваньня ён адказаў на пытаньні журналістаў. Вось некаторыя выказваньні кіраўніка дзяржавы:

Чудакоў прапануе Беларусі швэдзкую мадэль выбараў

Загадчык катэдры Акадэміі кіраваньня пры прэзыдэнце Міхаіл Чудакоў лічыць, што выбарчая мадэль Швэцыі блізкая для Беларусі.

Колькасьць тых, хто прагаласаваў датэрмінова, розьніцца

Выяўлены разыходжаньні ў колькасьці тых, хто прагаласаваў, па дадзеных выбарчых камісіяў і па падліках назіральнікаў кампаніі "За справядлівыя выбары — 2010" на 86 участках з 250.

Выбары ўжывую

Маці актывістаў "Маладога Фронту" прыйшлі ў КДБ

Маці актывістаў "Маладога Фронту" сабраліся каля помніку Фэліксу Дзяржынскаму насупраць будынка КДБ. 12.25 Дзяжурны КДБ Краянаў паведаміў жанчынам, што супрацоўнікі КДБ не затрымлівалі Зьмітра Дашкевіча і параіў зьвярнуцца да міліцыянтаў.

У інтэрнаце Гомельскага мэдунівэрсытэту датэрмінова прагаласавала 70% студэнтаў

Кампанія "За справядлівыя выбары — 2010" падрыхтавала папярэднюю справаздачу па выніках назіраньня за датэрміновым галасаваньнем на выбарах прэзыдэнта.

Людзей не пускаюць на Менск

Актывістам з рэгіёнаў, якія спрабуюць прыехаць у Менск для ўдзелу ў пратэстах, ствараюць перашкоды і затрымліваюць.

У Гомелі затрымліваюць давераных асобаў апазыцыйных кандыдатаў

Сёньня ўранку ў Гомелі міліцыя затрымала грамадзкага актывіста Юрыя Захаранку, давераную асобу кандыдата ў прэзыдэнты Мікалая Статкевіча.

У Магілёве і Крычаве пазбавілі акрэдытацыі двух назіральнікаў

Назіральнікі сьцьвярджаюць, што іх пазбавілі акрэдытацыі за скаргі на камісію і адстойваньне адкрытага падліку галасоў

Горадня: першая фальсыфікацыя выбараў

На ўчастку №92, які месьціцца ў школе №31 Горадні па выніках датэрміновага галасаваньня вывесілі пратакол, у якім значыцца, што датэрмінова ўзялі ўдзел у выбарах 489 выбарцаў. Назіральнікі сьцьвярджаюць, што прагаласавалі 387 выбарцаў.

Віцебск: у 8:40 з участка выдалілі назіральніцу

Антаніна Піванос зьвярнула ўвагу камісіі на тое, што па ўчастку для галасаваньня ходзіць дырэктар школы №11 – пабочная асоба падчас выбарчага працэсу. Участковая камісія напісала акт, што назіральніца правакуе канфлікт.

ЦВК: датэрмінова прагаласавалі 23,1% выбарцаў

У датэрміновым галасаваньні на выбарах прэзыдэнта Беларусі ўзялі ўдзел 23,1% выбарцаў, або 1 млн. 629,2 тыс. чалавек. Паводле назіральнікаў, шмат дзе людзей прымушалі галасаваць датэрмінова.

Кандыдат Статкевіч галасаваць адмовіўся

Мікола Статкевіч заявіў нашаму радыё, што ён ня будзе асабіста прымаць удзел у галасаваньні на выбарах прэзыдэнта:

Замежныя СМІ: першыя ”свабодныя” выбары пры Лукашэнку

Тое, што ў Беларусі праходзяць выбары, заўважыць цяжка, перадае аўстрыйская тэлекампанія ORF. Тым ня менш, гэта першыя свабодныя выбары за час кіраваньня ў краіне Аляксандра Лукашэнкі.

Ярмошына супраць скасаваньня датэрміновага галасаваньня

Адказваючы на пытаньне "Свабоды", ці варта скасаваць працэдуру датэрміновага галасаваньня, старшыня ЦВК Лідзія Ярмошына заявіла:

Саньнікаў: Калі нам скажуць, што няма другога тура –мы будзем пратэставаць на Плошчы

Андрэй Саньнікаў прыйшоў галасаваць першым з кандыдатам. А 9-й раніцы ён прыехаў на выбарчы ўчастак у будынак гімназіі нумар 18 на вуліцы Калініна ў Менску разам з жонкай Ірынай Халіп і сынам Данікам.

Выбары прэзыдэнта. Онлайн-рэпартаж

Старшыня Цэнтрвыбаркаму Лідзія Ярмошына абвясьціла, што на выбарах прэзыдэнта Беларусі перамог Аляксандр Лукашэнка, набраўшы 79,67% галасоў. <br /> 06.00 Затрыманы каардынатар грамадзянскай кампаніі «Эўрапейская Беларусь» Зьміцер Бандарэнка.

Плошча 2010

Каля 15-20 тысячаў чалавек (па іншых дадзеных да 40 тысяч) узялі ўдзел у акцыі пратэсту на Кастрычніцкай плошчы і плошчы Незалежнасьці ў Менску. Было аб’яўлена пра стварэньне народнага руху за свабодныя выбары без Лукашэнкі. Некаторыя ўдзельнікі спрабавалі прарваліся ў Дом ураду. Адбыліся сутычкі са спэцназаўцамі. У выніку дзясяткі людзей былі затрыманыя і зьбітыя, у тым ліку Саньнікаў, Статкевіч, Кастусёў, Рымашэўскі. Зьбітага Някляева затрымалі ў шпіталі ды вывезлі ў невядомым кірунку.

Назіральнікам заблякавалі тэлефонную сувязь

Апазыцыйны палітык Алена Скрыган паведаміла, што ўвечары ў суботу былі адключаныя ўваходзячыя званкі на офісны тэлефон партыі “Справядлівы сьвет” у Менску.

Пачаліся аблавы

Супрацоўнікі міліцыі пайшлі па кватэрах актывістаў моладзевага дэмакратычнага руху ў Менску і ў рэгіёнах.