Інтэрвію тыдня

• 19:58, 08 чэрвень 2017

  «Захад заўсёды асьцярожна ставіцца да нацыянальных рухаў», — Янукевіч

  Чарговы госьць перадачы «Інтэрвію тыдня» — лідэр партыі БНФ Аляксей Янукевіч. Ён тлумачыць, чаму Захад перастаў падтрымліваць беларускую апазыцыю, расказвае, калі ж у офісе партыі зноў зьявіцца сьвятло (у панядзелак і аўторак), і тлумачыць, якімі формамі і сродкамі БНФ будзе выступаць супраць вучэньняў «Захад 2017».

• 17:50, 02 чэрвень 2017

  «Міліцыя служыць аўтарытарнай уладзе, яна не зьвязаная з народам», — Грыб

  Госьць чарговай перадачы «Інтэрвію тыдня» — былы старшыня Вярхоўнага Савету, генэрал міліцыі ў адстаўцы Мечыслаў Грыб. Ён адказвае на пытаньне, навошта Палата прадстаўнікоў уручыла грамату міністру ўнутраных спраў Шуневічу, разважае пра тое, як і чаму ў міліцыі фармуецца клімат беспакаранасьці і ўсёдазволенасьці, аналізуе, чаму «справа патрыётаў» патрэбная ня столькі сілавікам, колькі палітычнаму кіраўніцтву, і тлумачыць, якія рэформы неабходна правесьці ў сілавых структурах.

• 20:54, 25 травень 2017

  «Гавары праўду» не супрацоўнічае са спэцслужбамі»

  Чарговы госьць перадачы «Інтэрвію тыдня» — лідэр кампаніі «Гавары праўду» Андрэй Дзьмітрыеў. Ён разважае, чаму ўлада нарэшце вырашыла афіцыйна зарэгістраваць кампанію, адказвае на «традыцыйнае» пытаньне, ці супрацоўнічае ён са спэцслужбамі, ацэньвае палітычную будучыню Тацяны Караткевіч і цьвердзіць, што «Гавары праўду» можна называць апазыцыяй.

• 14:52, 19 травень 2017

  «У Беларусі бракуе сапраўдных патрыётаў краіны», — Алесь Лагвінец

  Чарговы герой перадачы «Інтэрвію тыдня» — грамадзкі дзяяч Алесь Лагвінец. Ён распавядае пра сваю працу страхавым агентам, тлумачыць, ці засталася ў Беларусі палітыка, не жадае адказваць на пытаньні пра рух «За свабоду» і разважае на тэму, як і калі ў Беларусь могуць прыйсьці перамены.

• 13:13, 12 травень 2017

  Антончык: «Ніякага павароту Лукашэнкі да незалежнасьці не было»

  Чарговы госьць перадачы «Інтэрвію тыдня» — дэпутат Вярхоўнага Савету Беларусі 12 скліканьня, адзін з былых лідэраў рабочага руху Сяргей Антончык.

• 20:34, 04 травень 2017

  «Беларусізацыя ня скончылася, яна нават пачала ўзмацняцца», — Трусаў

  Чарговы герой перадачы «Інтэрвію тыдня» — старшыня ТБМ Алег Трусаў. Ён адказвае на пытаньне, ці скончылася ў краіне «мяккая беларусізацыя», распавядае пра беларускую нацыянальна-патрыятычную групоўку ва ўладзе і абвінавачвае Радыё Свабода ды іншыя незалежныя СМІ ў спрыяньні рэжыму.

• 11:11, 28 красавік 2017

  «„Вольная Беларусь“ некаторымі ўспрымаецца як жаданьне Пазьняка стаць абсалютным лідэрам, але гэта ня так»

  Госьць перадачы «Інтэрвію тыдня» — палітоляг Павал Вусаў, адзін з распрацоўшчыкаў народнай праграмы «Вольная Беларусь». Ён разважае, чаму праграма выклікала вялікі інтарэс, ці сьведчыць гэта пра радыкалізацыю ў беларускім грамадзтве; тлумачыць, якую частку праграмы пісаў Зянон Пазьняк і чым «Вольная Беларусь» адрозьніваецца ад іншых праграмаў.

• 19:19, 20 красавік 2017

  «Лукашэнка павінен прызнаць памылковасьць эканамічнай палітыкі, якая прывяла да зьбядненьня насельніцтва», — Багданкевіч

  Госьць перадачы «Інтэрвію тыдня» — былы старшыня Нацыянальнага банку Станіслаў Багданкевіч. Напярэдадні штогадовага пасланьня Аляксандра Лукашэнкі Багданкевіч адказвае на пытаньне, што, на ягоную думку, павінен сказаць прэзыдэнт народу, прагназуе, чаго можна чакаць ад абвешчаных указаў па лібэралізацыі эканомікі, а таксама тлумачыць, што пагражае беларускай банкаўскай сыстэме і чаму захоўваецца стабільнасьць беларускага рубля.

• 19:36, 17 красавік 2017

  Бяляцкі: «Улады бачаць грамадзянскую супольнасьць як небясьпечнага праціўніка»

  Чаму беларускія ўлады зноў вярнуліся да рэпрэсій супраць грамадзянскай супольнасьці? Наколькі зьмянілася іхняя тактыка і паводле якога прынцыпу яны выбіраюць сабе новыя мішэні? Чаму арыштаваных у справе «Белага легіёну» дагэтуль не прызнаюць палітвязьнямі? На гэтыя ды іншыя пытаньні ў перадачы «Інтэрвію тыдня» адказвае праваабаронца Алесь Бяляцкі.

• 19:06, 06 красавік 2017

  Радзіхоўскі: «Варыянт, што Расея захопіць Беларусь — абсалютна выключаны»

  Чарговы госьць перадачы «Інтэрвію тыдня» — вядомы расейскі публіцыст Леанід Радзіхоўскі. Ён адказвае на пытаньне, хто перамог па выніках апошняй сустрэчы прэзыдэнтаў Беларусі і Расеі, разважае, што важней для цяперашняга Крамля — аўтарытарная ідэйная блізкасьць менскага рэжыму ці ягоная прарасейская накіраванасьць — і тлумачыць, чаму, на ягоную думку, акупацыя Беларусі Расеяй цалкам немагчымая.

• 20:58, 30 сакавік 2017

  Някляеў: З народам, які выходзіць з турмы сьмеючыся, зрабіць ужо нічога немагчыма

  Госьць перадачы «Інтэрвію тыдня» — палітык і паэт Уладзімер Някляеў. Ён расказвае, як пасьля затрыманьня ў Берасьці ён патрабаваў, каб яму далі зрабіць усяго адзін званок жонцы, тлумачыць, чаму сытуацыя ў Беларусі пасьля 25 сакавіка незваротна зьмянілася, і заяўляе, што трэба працягваць акцыі пратэсту.

• 17:05, 22 сакавік 2017

  Чыслаў: «Зь сілавых структураў зрабілі асобную касту, якая грэбліва ставіцца да народу»

  Былы лідэр «Белага легіёну» Сяргей Чыслаў у перадачы «Інтэрвію тыдня» тлумачыць прычыны апошніх масавых арыштаў, распавядае гісторыю «Белага легіёну» і кажа, што Расея, магчыма, спрабуе ажыцьцявіць у Беларусі «крымскі сцэнар».

• 20:47, 09 сакавік 2017

  Статкевіч: «Галоўная праблема Беларусі — гэта Лукашэнка»

  Сёньняшні госьць перадачы «Інтэрвію тыдня» — Мікола Статкевіч. Ён адказвае на пытаньне, як зьменіцца тактыка і стратэгія пратэстаў пасьля прыпыненьня «дармаедзкага» дэкрэту, разважае, чаму ўлада не павінна пайсьці ні на якія сілавыя правакацыі супраць пратэстоўцаў, і тлумачыць, як дабіцца ад Лукашэнкі саступак і вольных выбараў.

• 12:08, 03 сакавік 2017

  «Сярэдні заробак у Беларусі сёньня ня можа быць большы за 300-350 даляраў»

  Чарговы госць перадачы «Інтэрвію тыдня» — эканаміст, былы кандыдат у прэзыдэнты Яраслаў Раманчук.

• 20:26, 23 люты 2017

  «За 20 гадоў я ня чуў столькі жорсткіх выказваньняў на адрас улады ад звычайных людзей»

  Чаму самыя масавыя выступы супраць Дэкрэту нумар 3 адбыліся менавіта ў Гомлі? У якія формы пратэсту можа выліцца незадаволенасьць людзей? Як самі чыноўнікі ставяцца да «дармаедзкага дэкрэту»?

• 14:59, 17 люты 2017

  Губарэвіч: «Тэмай круглага стала павінна стаць ня ўлада, а новая Беларусь»

  У якой форме і зь якімі мэтамі можа адбыцца грамадзкі дыялёг паміж уладай і апазыцыяй? Ці зьяўляецца намер сесьці за адзін стол з Лукашэнкам «здрадай дэмакратыі»? Ці гатовая да такога дыялёгу апазыцыя і ці можа яна абʼяднацца дзеля патэнцыйнага ўдзелу ў круглым стале з уладай? На гэтыя ды іншыя пытаньні ў перадачы «Інтэрвію тыдня» адказвае лідэр руху «За Свабоду» Юрась Губарэвіч.

• 09:30, 10 люты 2017

  «Я не чалавек сыстэмы. Але буду працаваць, пакуль не прабʼю гэтую сьцяну» - Анісім

  Чарговы герой перадачы «Інтэрвію тыдня» — дэпутат Палаты прадстаўнікоў Алена Анісім. Яна разважае, ці ёсьць шанцы на стварэньне беларускага нацыянальнага ўнівэрсытэту, дзеліцца сваімі ўражаньнямі пра першыя месяцы працы ў Палаце прадстаўнікоў і адказвае на пытаньне, ці зьбіраецца вылучацца на пасаду старшыні ТБМ.

• 09:40, 03 люты 2017

  «Народ ніколі ня ўздымецца за каўбасу»

  Госьць перадачы «Інтэрвію тыдня» — прызнаны экспэртамі беларусам году лідэр «Маладога фронту» Зьміцер Дашкевіч. Ён адказвае на пытаньне, які ўплыў аказала вера на фармаваньне ягонай асобы, заяўляе, што народ ніколі ня ўздымецца «за каўбасу», і тлумачыць, чаму яго не цікавіць думка большасьці.

• 14:04, 27 студзень 2017

  «Не сьпяшайцеся хаваць эўрапейскую цывілізацыю»

  Якія пагрозы нясуць папулісцкія тэндэнцыі, якія нарастаюць сёньня ў заходнім сьвеце? Да чаго можа прывесьці рост нацыянальнага эгаізму і шавінізму? Ці існуе прымальнае вырашэньне міграцыйнай праблемы?

• 23:45, 19 студзень 2017

  Панкавец: «Няўжо пра Беларусь можна казаць толькі кепскае альбо нічога?»

  За што варта і можна любіць Беларусь? Ці сапраўды Беларусь зьяўляецца краінай камфортнай для жыцьця?

• 12:02, 06 студзень 2017

  Размовы на тэму «Масква шукае Лукашэнку замену» найперш выгадныя самому Лукашэнку

  Чаму пачалася і каму выгадная інфармацыйная хваля на тэму «Масква шукае замену Лукашэнку»? Ці ёсьць нейкія прычыны, зь якіх беларускі кіраўнік у стратэгічным сэнсе не задавальняе Крэмль? Якія варыянты зьмены ўлады ў Беларусі сапраўды могуць быць рэалізаваныя?

• 12:00, 30 сьнежань 2016

  Караткевіч: «Гавары праўду» іншыя апазыцыянэры дзяўбуць за посьпех

  Чарговы госьць перадачы «Інтэрвію тыдня» — лідэрка руху «Гавары праўду», былая кандыдатка ў прэзыдэнты Тацяна Караткевіч.

• 20:42, 22 сьнежань 2016

  «Расея ніколі не даруе Беларусі неадназначнай пазыцыі наконт Украіны»

  Чарговы госьць перадачы «Інтэрвію тыдня» — кіраўнік Цэнтру палітычных дасьледаваньняў краінаў Паўночнай і Ўсходняй Эўропы, доктар гістарычных навук, расейскі палітоляг Аляксандар Сыцін.

• 10:00, 16 сьнежань 2016

  «Ёсьць прынамсі тры мільёны чалавек, якія хацелі б глядзець кіно па-беларуску»

  Колькі людзей у Беларусі гатовыя глядзець кіно па-беларуску? Чаму беларусізацыяй кінапракату займаюцца грамадзянскія актывісты, а не дзяржава? Ці магчыма прымусіць расейскіх дыстрыб’ютэраў перакладаць фільмы на беларускую мову? І што лепш — субтытры ці агучваньне?

• 07:17, 09 сьнежань 2016

  Голубеў: «І ў Аляксандра Лукашэнкі ня толькі ўсё адмоўнае»

  Чарговы госьць перадачы «Інтэрвію тыдня» — гісторык і былы дэпутат Вярхоўнага Савету 12-га скліканьня Валянцін Голубеў.

• 12:53, 02 сьнежань 2016

  Тое, што мы называем «мяккай беларусізацыяй», грунтуецца на лягічнай памылцы

  На якім этапе ўтварэньня нацыі знаходзіцца цяпер Беларусь? Ці зьяўляецца фармулёўка «Беларусь не Расея» аб’ектыўнай і непазьбежнай рэальнасьцю нацыебудаўніцтва? Чым можна патлумачыць цяперашняе ляяльнае стаўленьне ўладаў да грамадзянскіх праектаў у сфэры нацыянальнага?

• 12:28, 25 лістапад 2016

  Пастухоў: пасьля 1996-га году ў Беларусі няма легітымных органаў улады

  Чарговы герой перадачы «Інтэрвію тыдня» — былы судзьдзя Канстытуцыйнага Суду Беларусі Міхаіл Пастухоў. Ён адказвае на пытаньне, ці маглі дэмакратыя і законнасьць перамагчы ў лістападзе 1996 году.

• 20:45, 17 лістапад 2016

  «Няма ў Лукашэнкі даўно ніякіх ілюзіяў наконт інтэграцыі»

  Навошта Аляксандар Лукашэнка дагэтуль праводзіць вялікія прэсавыя канфэрэнцыі для расейскіх рэгіянальных журналістаў, ці даюць яны нейкі прапагандысцкі эфэкт?

• 23:10, 10 лістапад 2016

  «Беларусь павінна стаць трэцяй у сьвеце ІТ-дзяржавай пасьля ЗША і Ізраілю»

  Чарговы госьць перадачы «Інтэрвію тыдня» — генэральны дырэктар, заснавальнік і ўласьнік найбуйнейшага ў Беларусі парталу TUT.BY Юры Зісер. Ён адказвае на пытаньне, што павінны зрабіць беларускія ўлады для інтэрнэт-галіны, разважае на тэму, ці варта чакаць новых крымінальных спраў супраць ІТ-бізнэсоўцаў, і тлумачыць, чаму ён выказаўся ў падтрымку Дональда Трампа.

• 20:28, 03 лістапад 2016

  Пальчыс: «Калі ўскрыюцца архівы КДБ, мне ні за што ня будзе сорамна»

  Эдуард Пальчыс адказвае, ці спрабавалі яго вэрбаваць беларускія спэцслужбы, разважае пра тое, як трэба весьці інфармацыйныя войны, і тлумачыць, чаму карыстаецца пераважна расейскай мовай.

• 20:05, 27 кастрычнік 2016

  «Пуцін ніколі не дапусьціць празаходняй дэмакратычнай рэвалюцыі ў Беларусі», — Радзіхоўскі

  Леанід Радзіхоўскі лічыць, што Лукашэнку няма куды сыходзіць ад Расеі, прадказвае, якая будзе рэакцыя Пуціна ў выпадку перамогі ў Беларусі дэмакратычнай рэвалюцыі, і тлумачыць, за што расейская палітычная эліта любіць Дональда Трампа.

• 23:03, 20 кастрычнік 2016

  «Гляджу, што і як пішуць беларусы ў інтэрнэце — і ў мяне мала жаданьня вяртацца ў Беларусь»

  Ляўрэат сёлетняй літаратурнай прэміі імя Гедройця Макс Шчур апавядае пра свае палітычныя погляды і захапленьне анархізмам, адказвае на пытаньне, каго зь цяперашніх беларускіх літаратараў лічыць найлепшымі, і тлумачыць, чаму ня мае жаданьня вяртацца ў Беларусь.

• 12:14, 13 кастрычнік 2016

  «Я не зьбіраюся нікому падабацца» — Зьміцер Дашкевіч

  Напярэдадні суду над Эдуардам Пальчысам Зьміцер распавядае пра сваю ініцыятыву падпісвацца ў падтрымку Пальчыса, пра тое, чаму гэта важна для ўсяго грамадзтва, адказвае на пытаньне, колькі подпісаў ён сабраў за бел-чырвона-белы сьцяг, і тлумачыць, у чым ён бачыць прыкметы пераменаў.

• 20:14, 06 кастрычнік 2016

  «Лукашэнка разумее, што для яго сыход на Захад немагчымы»

  Каму — Менску альбо Маскве — больш патрэбная газавая вайна і як далёка яна можа зайсьці? Ці сапраўды Лукашэнка хоча адарвацца ад Расеі? Адказвае экспэрт Аркадзь Мошэс.

• 19:33, 29 верасень 2016

  «Фэмінізм патрэбны Беларусі, бо ў нашым грамадзтве не хапае чульлівасьці і эмпатыі», — Вольга Гапеева

  Чарговы госьць перадачы «Інтэрвію тыдня» — беларуская паэтка, пісьменьніца, перакладчыца, гендэрная дасьледчыца Вольга Гапеева.

• 20:28, 22 верасень 2016

  Анісім: «Я хачу, каб у мяне было шмат саюзьнікаў у гэтым новым парлямэнце»

  Новаабраны дэпутат Палаты прадстаўнікоў, намесьніца старшыні ТБМ Алена Анісім адказвае на пытаньне, ці можна яе назваць апазыцыянэркай, тлумачыць, якія каштоўнасьці будзе адстойваць у Палаце прадстаўнікоў.

• 13:10, 15 верасень 2016

  «Калі б партыя загадала, я б здала свой дэпутацкі мандат»

  Новаабраны дэпутат Палаты прадстаўнікоў, сябра АГП Ганна Канапацкая адказвае на пытаньне, як будзе шукаць агульную мову з дэпутацкай большасьцю, тлумачыць, ці ёсьць гарантыя, што яна ня стане праўладнай, і разважае, ці гатовая маральна да таго, каб апынуцца ў цэнтры ўвагі крытыкі.

• 20:43, 08 верасень 2016

  Губарэвіч: Мне неаднаразова паступалі прапановы вылучацца на прэзыдэнта

  Намесьнік старшыні руху «За свабоду» Юрась Губарэвіч тлумачыць, навошта патраціў столькі сілаў і сродкаў на выбарчую кампанію, заяўляе, што ўжо цяпер хапае фактаў, каб не прызнаваць гэтыя выбары.

• 18:18, 02 верасень 2016

  Караткевіч: «Калі будзе перамога і падтрымка — ніхто ня зможа яе адабраць у мяне»

  Былы кандыдат у прэзыдэнты Тацяна Караткевіч адказвае на пытаньне, ці лічыць яна, што мае шанцы трапіць у парлямэнт, і пацьвярджае, што зьбіраецца вылучацца на наступных прэзыдэнцкіх выбарах.

• 19:48, 25 жнівень 2016

  «Лукашэнка — васал Масквы і выконвае тое, што яму кажуць», — Беленькі

  Намесьнік старшыні Кансэрватыўна-хрысьціянскай партыі БНФ Юрась Беленькі ацэньвае гістарычныя пэрспэктывы Беларусі, адказвае на пытаньне, чаму КХП байкатуе ўсе выбарчыя кампаніі, і даводзіць, што Аляксандар Лукашэнка — васал Масквы.

• 18:53, 18 жнівень 2016

  Статкевіч: Хто здабываў свабоду бяз стратаў, пакутаў, ахвяраў?

  На якіх умовах дэмакратычных сілам варта было ўдзельнічаць у гэтай выбарчай кампаніі? Ці прапусьцяць улады апазыцыйных палітыкаў у склад Палаты прадстаўнікоў? Для чаго патрэбная акцыя пратэсту 12 верасьня?

• 19:21, 11 жнівень 2016

  Трусаў: «Іду на выбары, бо адчуваю, што магу абапірацца на незалежнікаў ва ўладзе»

  Чаму Трусаў пасьля доўгага перапынку вырашыў вылучацца ў дэпутаты? Чаму ён адзін зь нямногіх апазыцыянэраў, хто рэальна спадзяецца прайсьці ў Палату прадстаўнікоў? Ці сапраўды зьмянілася стаўленьне ўладаў да мовы і нацыянальных каштоўнасьцяў?

• 19:20, 04 жнівень 2016

  «Якім яны бокам стануць да стала — філейнай часткай ці бюстам — розьніцы вялікай няма»

  Ці здольныя беларускія назіральнікі пераканаўча зафіксаваць фальсыфікацыі на парлямэнцкіх выбарах? Ці магчыма дабіцца празрыстага і справядлівага падліку галасоў хаця б на адной акрузе? Адказвае сустаршыня праваабарончага грамадзкага аб’яднаньня «За справядлівыя выбары» Віктар Карняенка.

• 23:14, 28 ліпень 2016

  Варонежцаў: «Будаўніцтва АЭС трэба спыняць. Хай застанецца помнік авантурнаму рашэньню»

  Ці сапраўды беларускія ўлады нічога ня ведалі пра інцыдэнт на будоўлі Беларускай АЭС у Астраўцы? На гэтае ды іншыя пытаньні ў перадачы «Інтэрвію тыдня» адказвае фізык, кандыдат тэхнічных навук, былы дэпутат Вярхоўнага Савету СССР Юры Варонежцаў.

• 19:40, 21 ліпень 2016

  Фядута: «Беларускі сьлед» у забойстве Шарамета — гэта глупства

  Аляксандар Фядута ў перадачы «Інтэрвію тыдня» дае сваю вэрсію забойства Паўла Шарамета, тлумачыць, чаму ён ня верыць у беларускі сьлед і як можа ставіцца да сьмерці Шарамета Аляксандар Лукашэнка, і распавядае свае ўспаміны пра Шарамета.

• 20:27, 15 ліпень 2016

  «У Кіеве ня лічаць, што за Лукашэнкам Беларусь можа стаць пляцдармам расейскай агрэсіі»

  Як ва Ўкраіне расцанілі вынікі саміту НАТО ў Варшаве? Ці задаволены рашэньнямі і пазыцыяй альянсу афіцыйны Кіеў? Чаму ў Данбасе працягваюць масава гінуць мірныя людзі? Ці ўкраінскае грамадзтва па-ранейшаму верыць у адносна нэўтральную пазыцыю Беларусі наконт канфлікту на Данбасе?

• 20:54, 11 ліпень 2016

  «Брытанія хоча ісьці іншым шляхам у параўнаньні зь іншымі краінамі Эўразьвязу», — Яраслаў Крывой

  Чаму брытанцы прагаласавалі за выхад з Эўразьвязу? Ці ўваходзіць Эўропа ў новы гістарычны пэрыяд, пэрыяд распаду агульнай прасторы і стварэньня новых незалежных краінаў?

• 18:53, 01 ліпень 2016

  Залескі: «Кабякоў — гэта штатны «аптыміст» пры Лукашэнку. Сямашка — гэта «толкач», езьдзіць фонды «выбіваць»

  Эканаміст Міхал Залескі тлумачыць, ці варта баяцца дэнамінацыі, расказвае, якія ролі ў атачэньні Лукашэнкі выконваюць Руды, Сямашка і Кабякоў і параўноўвае беларускія дзяржаўныя прадпрыемствы са старымі і хворымі людзьмі.

• 20:01, 23 чэрвень 2016

  Хашчавацкі: Лукашэнка хоча пераканаць самога сябе, што яго ўсе любяць

  Cлавуты кінарэжысёр Юры Хашчавацкі адказвае на пытаньне, навошта Лукашэнку Ўсебеларускі сход, ці знойдзецца той хлопчык, які скажа, што «кароль голы», чаму цяперашняе беларускае жыцьцё падобна да фільму «Матрыца».

• 18:28, 17 чэрвень 2016

  Варламаў: Майму ўнуку ў школе казалі — «калі ня ўступіш у БРСМ, зямля будзе гарэць пад нагамі»

  Саша Варламаў заяўляе сёньняшняя школа лепш за ўсё рыхтуе міліцыянтаў, расказвае, чаму яго навучыла турма, і тлумачыць, чаму кіраўнік дзяржавы не павінен займацца станікамі і панчохамі.

Загрузіць яшчэ