Малады беларускі паэт, аўтар кнігі «Астэроід» і аўтар блогаў у рубрыцы «100 слоў» на Свабодзе Ігар Канановіч трагічна загінуў 19 чэрвеня, паведамляе Саюз беларускіх пісьменнікаў. Паэт памёр, не дажыўшы месяц да 33 гадоў.
Апошні блог на Свабодзе Канановіч напісаў 9 чэрвеня. Нататка звалася «Галоўнае ў жыцьці».
Разьвітаньне з Канановічам пройдзе 21 чэрвеня на яго малой радзіме, у Клецку, па адрасе вуліца Перамогі, 93-28.
Як паведамляе «Наша Ніва», менавіта Канановіч быў тым, хто ўпаў з даху на Кастрычніцкай плошчы (сьледчыя разглядаюць розныя вэрсіі, у тым ліку самагубства). У Саюзе беларускіх пісьменьнікаў гэтую інфармацыю не пацьвердзілі і не зьняпраўдзілі.
