«Яны растуць у розных краінах сьвету — спакутаваныя вайной і рэпрэсіямі, але ўсе яны чакаюць Каляднага цуду», — гаворыцца ў абвестцы палку.
У падтрымку збору выступіла прадстаўніца Абʼяднанага пераходнага кабінэта Вольга Зазулінская.
«Каляды — гэта час, калі ўсе дзеці, незалежна ад таго, у якой краіне яны апынуліся і якія выпрабаваньні прайшлі іх семʼі, чакаюць крыху цяпла і ўвагі. Але ёсьць дзеці, якім гэта асабліва патрэбна. Гэта дзеці беларускіх добраахвотнікаў — тых, хто цяпер абараняе Ўкраіну і будучыню Беларусі, тых, хто вярнуўся дадому пасьля фронту, і тых, чыіх бацькоў ужо няма побач».
Дзеці рэдка просяць, мала скардзяцца, але вельмі востра адчуваюць, калі пра іх памятаюць, піша Вольга Зазулінская.
«Таму гэтая калядная акцыя — ня проста пра падарункі. Гэта пра тое, каб сказаць ім: „Ты важны. Мы бачым цябе. Мы разам з табой“».
Калядная акцыя Палку Каліноўскага працягнецца да 25 сьнежня.
Збор ідзе праз украінскі мабільны сэрвіс Monobank. На момант публікацыі сабрана 6% ад заяўленай сумы.
Паралельна ідзе калядны збор для дзяцей палітвязьняў, арганізаваны ініцыятывай BySol. На сёньня сабралі 36% з заплянаванай 21,1 тысячы эўра.
Форум