Улады ўключылі ў сьпіс «экстрэмісцкіх фармаваньняў» два праекты пра спорт і адукацыю

Чарговае папаўненьне сьпісу «экстрэмісцкіх фармаваньняў» адбылося 18 красавіка. МУС унёс у яго два праекты. Пра гэта даведаліся праваабаронцы.

На адукацыйнай плятформе «Васьміног: адукацыя для беларускіх дзяцей сёньня і заўтра», праводзяцца ў асноўным інтэрактыўныя курсы на беларускай мове і навучаньне па розных прадметах школьнай праграмы.

ГЛЯДЗІЦЕ ТАКСАМА:

«Васьміног», «Кніжны воз», «Раю». Топ-5 беларускіх адукацыйных праектаў для дзяцей

«ЧестнОК» — праект пра спорт. У графе для «спасылак на інтэрнэт-рэсурсы» пералічаныя You-Tube каналы «ЧестнОК» і «ЧестнОК-LIVE», Telegram-канал «ЧестнОК», група ў Telegram «Чатик „Свободу Саше Ивулину!“, бот у Telegram „Редакция By.Tribuna.com“.

Пра „ўдзельнікаў арганізацыі“ пішуць, што гэта Аляксандр Івулін і аўтар і вядоўца You-Tube каналу „ЧестнОК“ Яраслаў Пісарэнка.

Раней на гэтым тыдні экстрэмісцкімі прызналі сацыяльныя сеткі каталіцкага сьвятара Вячаслава Барка, які, як і вышэйназваныя журналісты, вымушана пакінуў Беларусь празь перасьлед сілавых органаў з палітычных прычынаў.

ГЛЯДЗІЦЕ ТАКСАМА:

Ксяндза Вячаслава Барка ўлады Беларусі прызналі «экстрэмісцкім фармаваньнем»