Дата дня
19 красавіка 1881 году нарадзіўся Ўсевалад Ігнатоўскі, беларускі грамадзкі дзяяч, гісторык, першы прэзыдэнт Акадэміі навук Беларусі.
Таксама ў гэты дзень
1670 — горад Ліда атрымаў Магдэбурскае права.
1863 — пачатак паўстаньня ў Менскай губэрні. Людзі паўсюдна зрывалі партрэты гасудара-імпэратара, а на дарогах зьявіліся атрады паўстанцаў.
1783 — Крым быў далучаны да Расеі паводле ўказу расейскай імпэратрыцы Кацярыны ІІ. Датуль паўвостраў ніколі ня быў расейскім, хоць многія расейцы лічаць яго спрадвеку расейскай зямлёй.
1919 — польскія войскі перанялі тагачасную сталіцу краю Вільню ў расейскіх бальшавікоў. У гэты ж дзень у Белавескай пушчы быў забіты апошні зубар. Сёньняшнія зубры — гэта вынік аднаўленьня папуляцыі.
1943 — у Варшаўскім гета пачалося збройнае паўстаньне супраць нацыстаў.
2022 — арыштаваныя прафсаюзныя лідэры Сяргей Антусевіч, Вацлаў Арэшка, Васіль Берасьнеў, Аляксандар Бухвостаў, Генадзь Фядыніч, Аляксандар Ярашук і іншыя. На сядзібах арганізацый сілавікі правялі ператрусы.
У гэты дзень нарадзіліся
1881 — Валянцін Волкаў, жывапісец, народны мастак БССР.
1908 — Вільгельм Гараўскі, празаік, ахвяра сталінізму.
1926 — Барыс Аракчэеў, мастак.
У памяці
1519 — Войцех Радзівіл, рэлігійны дзяяч ВКЛ, біскуп луцкі і віленскі.
1602 — Ян Абрамовіч, ваявода менскі і смаленскі, выдавец «Катэхізісу» (1598) з 300 рэлігійнымі песьнямі.
1824 — Джордж Байран, ангельскі паэт.
1882 — Чарльз Дарвін, ангельскі прыродазнавец.
1991 — Антон Каржанеўскі, жывапісец.
1992 — Вячаслаў Зайцаў, літаратуразнаўца, касмоляг, нявольнік савецкай карнай псыхіятрыі.
