Дата дня
7 красавіка 1983 году ў Зэльве памерла Ларыса Геніюш, беларуская пісьменьніца, дзяячка беларускага адраджэньня. Захавальніца архіваў БНР.
Ларыса Геніюш змагалася за беларускасьць і цярпела за гэта. Разам з мужам вымушаная была восем гадоў правесьці ў ГУЛАГу, а пасьля да апошніх дзён жыла ў сваёй хаце ў Зэльве пад пільным наглядам КДБ. І нават пасьля сьмерці 7 сакавіка 1983 году, калі на яе пахаваньне прыехалі мноства людзей з усёй Беларусі, працэсія адбывалася пад пільным наглядам кагэбістаў, якія фатаграфавалі ўдзельнікаў шэсьця.
Таксама ў гэты дзень
1348 — імпэратар Карл IV заснаваў унівэрсытэт у Празе.
1559 — Крэва атрымала магдэбурскае права з прывілею вялікага князя Жыгімонта Аўгуста.
1917 — у Менску адкрыўся Зьезд беларускіх нацыянальных арганізацыяў. 150 дэлегатаў зьезду выпрацавалі праграму беларускага руху. Дэлегаты стварылі Беларускі нацыянальны камітэт на чале з Раманам Скірмунтам, вырашылі заснаваць Беларускі ўнівэрсытэт і перавесьці ўсю пачатковую адукацыю ў Беларусі на беларускую мову.
1932 — галодны бунт у Барысаве, антысавецкі выступ працоўных, які стаў вынікам абвяшчэньня 5 красавіка 1932 году пра зьмяншэньне нормаў на хлеб і зьняцьця з забесьпячэньня дзяцей рабочых і службоўцаў 3-й катэгорыі.
1939 — фашысцкая Італія напала на Альбанію.
1948 — заснаваная Сусьветная арганізацыя аховы здароўя.
1965 — Уладзімер Караткевіч напісаў першыя радкі раману «Хрыстос прызямліўся ў Гародні». Адбылося гэта ў расейскім Чалябінску, дзе пісьменьнік гасьцяваў у сястры.
1994 — пачатак генацыду ў Руандзе — за 100 дзён забілі больш як 900 тысяч чалавек.
1999 — уцякла з-пад хатняга арышту Тамара Віньнікава, былая старшыня Нацыянальнага банку Рэспублікі Беларусь.
2010 — Нацыянальны банк Беларусі выпусьціў манэту «Грунвальдзкая бітва. 600 гадоў».
У гэты дзень нарадзіліся
1889 — Габрыэля Містраль, чылійская паэтка, нобэлеўская ляўрэатка ў літаратуры.
1897 — Юрка Лістапад, публіцыст, пэдагог, удзельнік Слуцкага паўстаньня 1920 году і антыбальшавіцкага супраціву 1920-х, ахвяра сталінскіх рэпрэсіяў.
1914 — Кірыла Мазураў, савецкі камуністычны дзяяч, першы сакратар ЦК КПБ у 1956–65 гадах.
1947 — Валер Славук, беларускі мастак, кніжны графік-ілюстратар.
1956 — нарадзіўся Ўладзімер Базан, беларускі мастак і палітык.
У памяці
1614 — памёр Эль Грэка, гішпанскі мастак.
1860 — памёр Караль Падчашынскi, архітэктар, пераважна віленскі. Аўтар першага падручніка тэорыі архітэктуры.
1910 — Фэлікс Зянковіч, беларускі навуковец-прыродазнаўца, мэмуарыст, удзельнік паўстаньня 1863–64 гг.
1962 — Уладзімер Галубовіч, беларускі археоляг.
1973 — Язэп Дыла, беларускі пісьменьнік і культурны дзяяч.
2006 — Кастусь Мысьлівец, удзельнік нацыянальна-дэмакратычнага руху 1980-х — пачатку XXI ст.
