У Менскім абласным судзе грамадзяніна Латвіі Юрыйса Ганіньша асудзілі на шэсьць гадоў калёніі ва ўмовах узмоцненага рэжыму паводле трох артыкулаў Крымінальнага кодэксу:
- «дыскрэдытацыя Беларусі» (арт. 369-1 КК),
- «паклёп на Лукашэнку» (ч. 2 арт. 367 КК)
- і «заклікі да санкцыяў» (ч. 2 арт. 361 КК).
Судзьдзя Аляксандар Рыбакоў вынес вырак 19 лютага, але пра яго стала вядома толькі цяпер, піша «Вясна». Сутнасьць абвінавачваньня невядомая, працэс праходзіў у закрытым рэжыме.
Грамадзяніна Латвіі Юрыйса Ганіньша затрымалі ў жніўні 2024 году, яго пачалі судзіць у Менскім гарадзкім судзе 12 лістапада 2024 году.
Праваабарончы цэнтар «Вясна» сабраў зьвесткі пра 36 грамадзян замежных краін, якіх трымаюць у беларускіх вязьніцах з палітычных прычын, у тым ліку чатырох грамадзян Латвіі.
Мяркуючы з прозьвішчаў і біяграфіяў, шмат палітвязьняў-іншаземцаў паходзяць зь Беларусі і маюць тут сваякоў.
