Афіцыйнай інфармацыі пра сустрэчу пакуль няма, прэс-служба Лукашэнкі пакуль пра яе не паведамляла.
На прэс-канфэрэнцыі ў Менску 26 студзеня Лукашэнка, адказваючы на пытаньне, куды ён зробіць свой першы афіцыйны візыт у выпадку перамогі на выбарах, заявіў, што нядаўна абмяркоўваў гэтую тэму з Пуціным: «„Слухай, будзе дзіўным, калі я паеду куды-небудзь, калі не ў Маскву“ — „Аляксандар Рыгоравіч, мы заўсёды вас чакаем“. Вось такая была размова. Натуральна, гэта будзе ня проста дзіўна, гэта будзе незразумела для многіх. Таму я пляную, што мы сустрэнемся з прэзыдэнтам Расеі ў Маскве і, як належыць афіцыйным візытам, правядзем адпаведныя кантакты і перамовы».
Папярэдні раз Лукашэнка і Пуцін сустракаліся 25–26 сьнежня ў Санкт-Пецярбургу падчас пасяджэньня кіраўнікоў дзяржаў — чальцоў Эўразійскага эканамічнага саюзу, а таксама нефармальнага саміту Садружнасьці Незалежных Дзяржаў.
Форум