Гішпанская газэта El Periodico са спасылкай на крыніцы ў паліцыі паведаміла пра затрыманьне ў Каталёніі пяці чалавек па падазрэньні ў тэрарыстычнай дзейнасьці. Сярод затрыманых — двое грамадзян Расеі, а таксама грамадзяне Калюмбіі, Беларусі і падданы Гішпаніі.
Пра гэта піша «Наша ніва».
Затрыманьні праведзеныя ўвечары 6 лютага.
Затрыманыя абвінавачваюцца ў тэрарызьме і ўдзеле ў злачыннай арганізацыі. Паводле сьледзтва, падазраваныя рабілі дзеяньні, накіраваныя «супраць падтрымкі Ўкраіны ўрадамі і недзяржаўнымі арганізацыямі».
Сьцьвярджаецца, што затрыманыя жылі ў Барсэлёне і з моманту пачатку вайны вялі працу ў краінах NATO. Як адзначае El Periodico, з затрыманых расейцаў адзін «валодае ведамі ў галіне кампутарнай інжынэрыі, а другі — фатограф». Дзеяньнямі групы кіравалі з РФ.
У той жа час МЗС Беларусі заявіла, што ніякай інфармацыі пра затрыманага ў Гішпаніі грамадзяніна Беларусі яно ня мае:
«Афіцыйных паведамленьняў аб затрыманьні грамадзяніна Беларусі ў Гішпаніі ў нашую амбасаду не паступала. Будзем правяраць гэтую інфармацыю. Пры неабходнасьці дыпляматы гатовыя аказаць консульска-прававую дапамогу», — заявілі ў ведамстве.
Форум