Ужо сёньня: Дзень памяці Палуты Бадуновай, Браніслава Тарашкевіча і Адама Станкевіча

Дзень у гісторыі

1812 — скончылася бітва на Бярэзіне падчас расейска-францускай вайны, слова Bérézina ўвайшло ў францускую мову як сынонім катастрофы.

1830 ― пачалося нацыянальна-вызвольнае Лістападаўскае паўстаньне ў Польшчы.

1877 ― Томас Эдысан упершыню прадэманстраваў грамафон.

1914 — у Менску на Пярэсьпе, паміж Старавіленскім і Даўгінаўскім трактамі заснаваныя Брацкія вайсковыя могілкі.

1920 ― пачала працу горадзенская Беларуская гімназія.

1945 ― абвясьцілі стварэньне Фэдэратыўнай Народнай Рэспублікі Югаславіі.

1961 ― улады ўзарвалі Гарадзенскі фарны касьцёл. Касьцёл прачыстай Маці Божай, які яшчэ мае назву Фара Вітаўта, быў вядомы з 1389 году. Якраз Вялікі князь Вітаўт яго і заснаваў. Гэта быў першы каталіцкі храм у Горадні і самы вялікі каталіцкі касьцёл у Беларусі.

ГЛЯДЗІЦЕ ТАКСАМА:

Фара Вітаўта. Дзевяць пытаньняў і адказаў пра найстарэйшы храм Горадні, узарваны саветамі 60 год таму

2020 — у Менску прайшла акцыя пратэсту «Марш суседзяў» супраць сфальсыфікаваных вынікаў прэзыдэнцкіх выбараў 2020 году і жорсткага сілавога падаўленьня пратэстаў.

У гэты дзень нарадзіліся

1859 — Мікола Янчук, навуковец-славіст, пісьменьнік, беларускі дзяяч у Маскве.

1951 — Валеры Дайнэка, сьпявак зь «Песьняроў».

У памяці

1587 — Філон Кміта-Чарнабыльскі, аршанскі староста, смаленскі ваявода, аўтар «Лістоў» — помніка старабеларускай літаратуры.

1662 — Вінцэнт Корвін-Гасеўскі, падскарбі і палявы гетман ВКЛ (злачынна забіты).

1938 ― у Менску расстраляная Палута Бадунова, беларускі палітык, міністарка ўраду БНР.

ГЛЯДЗІЦЕ ТАКСАМА:

Палута Бадунова — першая жанчына-пісьменьніца Беларускай Народнай Рэспублікі

1938 ― Браніслаў Тарашкевіч, беларускі мовазнаўца і палітык (расстраляны).

1949 — Адам Станкевіч, беларускі каталіцкі сьвятар, грамадзкі дзеяч, гісторык, літаратар (памёр у ссылцы).

2019 — Анатоль Дзялендзік, беларускі драматург.