Ужо сёньня: 90 гадоў таму нарадзіўся беларускі перакладчык і літаратар Карлас Шэрман

Дата дня

25 кастрычніка 1934 году нарадзіўся беларускі перакладчык і літаратар уругвайскага паходжаньня Карлас Шэрман.

Карлас Шэрман перакладаў і пісаў на гішпанскай (роднай), беларускай і расейскай мовах. Быў першым віцэ-прэзыдэнтам Беларускага ПЭН-цэнтру (1989–2001 гг.), стаўшы фактычна адным зь яго заснавальнікаў. Быў сябрам навукова-экспэртнай Рады Беларускага Калегіюму.

ГЛЯДЗІЦЕ ТАКСАМА:

10 фактаў пра Карласа Шэрмана, сузаснавальніка Беларускага ПЭН-цэнтру і перакладніка Маркеса

Гэты дзень у гісторыі

1902 — была асьвячоная менская мячэць, помнік архітэктуры ХІХ стагодзьдзя.

1920 — войскі генэрала Станіслава Булак-Балаховіча (15 тыс.) перайшлі часовую мяжу, пачаўшы ваенныя дзеяньні супраць Чырвонай Арміі.

2010 — у Пінску на заводзе «Пінскдрэў» адбыўся выбух і пажар, які забраў жыцьці 14 чалавек.

2020 — напярэдадні абвешчанага Сьвятланай Ціханоўскай усеагульнага страйку ў Менску і іншых гарадах краіны адбыўся «Марш народнага ўльтыматуму». У Менску марш сабраў звыш 100 тысяч удзельнікаў і завяршыўся жорсткім разгонам.

У гэты дзень нарадзіліся

1868 — беларускі скрыпач і пэдагог Карл Грыгаровіч.

1881 — гішпанскі мастак Пабла Пікаса.

1884 — беларускі археоляг і гісторык Сяргей Дубінскі.

1913 — беларускі кінаапэратар і рэжысэр Уладзімер Цясьлюк.

1932 — беларускі крытык і перакладчык Уладзімер Анісковіч.

1936 — беларускі кінарэжысэр Віктар Тураў. Сярод прац Турава — экранізацыя раманаў Івана Мележа «Людзі на балоце» і «Подых навальніцы».

1933 — беларуская мастачка Нэлі Шчасная.

У памяці

1647 — італьянскі фізык і матэматык Эванджэліста Тарычэлі, які першы зьмерыў атмасфэрны ціск.

1958 — аўстрыйскі фізык, ляўрэат Нобэлеўскай прэміі 1945 году Вольфганг Паўлі.

1983 — дзеяч заходнебеларускага нацыянальнага руху, этнограф Мар’ян Пецюкевіч.

1991 — беларускі грамадзка-культурны, рэлігійны і сьвецкі дзеяч эміграцыі Міхась Міцкевіч, малодшы брат Якуба Коласа.

1995 — беларускі паэт Лявон Случанін.