Зьвесткі выбарчай камісіі, апублікаваныя раніцай 29 чэрвеня, паказалі, што Масуд Пэзэшкіян набраў 43,5 працэнта галасоў, апярэдзіўшы ўльтракансэрватара Саіда Джалілі, які ўзначальваў іранскую дэлегацыю на перамовах па ядзернай зьдзелцы, ён мае з 37,7 працэнта. Былы сьпікер парлямэнта-кансэрватар Махамад Багер Галібаф адстае з 14 працэнтамі. Чацьвёрты зацьверджаны кандыдат у гонцы Мастафа Пурмахамадзі, былы міністар юстыцыі і ўнутраных спраў, застаецца значна ззаду зь менш чым 1 працэнтам галасоў.
Усе чатыры імёны ў бюлетэні былі правераны і зацьверджаны Радай апекуноў, канстытуцыйным органам, члены якога прама ці ўскосна прызначаюцца вярхоўным лідэрам аяталой Алі Хамэнэі.
Чакаецца, што 28 чэрвеня ні адзін з кандыдатаў не набярэ дастатковую колькасьць галасоў, каб быць абвешчаным пераможцам на жорстка кантраляваных выбарах.
Для перамогі кандыдат павінен набраць не менш за 50 працэнтаў галасоў. Патэнцыйны другі тур галасаваньня прызначаны на 5 ліпеня.
Пезешкіян быў чальцом парлямэнта Ірана з 2008 года і быў віцэ-сьпікерам з 2016 па 2020 год, калі памяркоўныя і рэфармісты мелі большасьць у заканадаўчым органе.
Ён ставіў пад сумнеў іранскія мэтады прымусовага нашэньня хіджаба, ісламскай хусткі для жанчын, і выступаў за перамовы з Захадам.
У той жа час ён таксама падтрымлівае прынцыпы Ісламскай Рэспублікі і заявіў, што ў выпадку абраньня будзе прытрымлівацца палітыкі Хамэнэі.
Вынікі выбараў наўрад ці прывядуць да істотных зьменаў у іранскай палітыцы, але яны могуць паўплываць на пераемнасьць 85-гадовага Хамэнэі, які зьяўляецца вярхоўным лідэрам Ірану з 1989 году.
У Іране вярхоўны кіраўнік мае апошняе слова ва ўсіх дзяржаўных справах, і прэзыдэнт ня мае вялікага ўплыву на многія ключавыя рашэньні.
Апанэнты іранскага ўраду ў краіне і за мяжой заклікалі да байкоту выбараў, сьцьвярджаючы, што апошняе галасаваньне не прынесла ніякіх зьмен.
Датэрміновыя выбары ў Іране былі прызначаныя на 28 чэрвеня пасьля таго, як у траўні ў авіякатастрофе загінуў прэзыдэнт краіны Ібрагім Раісі.
Форум