У Баранавічах за ўдзел у пратэстах 2020 году вынесьлі выракі яшчэ васьмі мясцовым жыхарам

У Баранавічах вынесьлі выракі за ўдзел у пратэстах васьмі мясцовым жыхарам, якіх абвінавацілі ў грубым парушэнні парадку

У Баранавіцкім гарадзкім судзе абвясьцілі прысуды васьмярым мясцовым жыхарам, якіх абвінавацілі ў грубым парушэньні парадку (частка 1 артыкула 342 КК), піша «Берасьцейская Вясна».

Усіх абвінавачаных пакаралі пазбаўленьнем волі:

• Дзьмітры Філіповіч атрымаў пакараньне ў 2 гады 6 месяцаў калёніі,
• Кастанцін Каляга і Эрык Каласоўскі — па 2 гады калёніі,
• Павал Сергіеня, Іван Дрык і Іван Пацко — па 1 годзе і 6 месяцах калёніі,
• Аляксандар Лаўрушчык і Арцём Лапіч — аднаму паўтара года калёніі, другому 2 гады, але невядома, каму зь іх колькі прысудзілі.

Разгляд справы працягваўся з 7 па 31 траўня.

Такім чынам, сёлета вынесьлі прысуды ўжо 25 жыхарам Баранавічаў. У красавіку ў Баранавічах па тым жа артыкуле ў двух судовых працэсах асудзілі 17 чалавек.

ГЛЯДЗІЦЕ ТАКСАМА:

Хроніка перасьледу 7 траўня: трэці запар масавы суд за пратэсты 2020 году ў Баранавічах