Ужо сёньня: гадавіна Рыскай мірнай дамовы, якая падзяліла Беларусь

Дзень у гісторыі

1595 — Жыгімонт Ваза надаў Наваградку герб.

«У чырвоным полі постаць арханёла Міхала ў чорным узбраеньні з крыламі за сьпінай; у правай руцэ меч, у левай — шалі» (Цітоў А. Геральдыка Беларускіх местаў. Мн, 1998).

1921 — паміж РСФСР і Польшчай была падпісаная Рыская дамова, згодна зь якой заходнія землі Беларусі перадаваліся пад уладу Польшчы, а ўсходнія ўваходзілі ў склад РСФСР. Тэрыторыю БССР на той час складалі 6 паветаў Менскай губэрні.

Якуб Колас пра гэта пісаў:

Нас падзялілі — хто? Чужаніцы,
Цёмных дарог махляры.
К чорту іх межы! К д’яблу граніцы!..
Нашы тут гоні, бары!

ГЛЯДЗІЦЕ ТАКСАМА:

Як праходзілі тайныя перамовы перад падпісаньнем Рыскага міру, які падзяліў Беларусь на дзьве часткі

У гэты дзень нарадзіліся

1858 — Рудольф Дызэль, нямецкі інжынэр і вынаходнік, стваральнік дызэльнага рухавіка.

1894 — Альбін Стаповіч, беларускі грамадзка-палітычны і рэлігійны (каталіцкі) дзеяч.

1903 — Міхась Маскалік, беларускі хадэцкі дзеяч, уніяцкі сьвятар.

1928 — Юры Станкевіч, дзеяч беларускай эміграцыі, сябра Рады БНР.

1932 — Эрнэст Сабіла, беларускі пратэстанцкі рэлігійны і грамадзкі дзеяч, дысыдэнт.

1962 — Стэфан Эрыксан, швэдзкі дыплямат, былы пасол Швэцыі ў Беларусі.

У памяці

1758 — Тамаш Жаброўскі, каталіцкі дзеяч, матэматык і архітэктар.

1980 — Эрых Фром, нямецка-амэрыканскі філёзаф, сацыяльны псыхоляг і псыхааналітык.

2010 — Аляксандар Кулакоўскі, беларускі праваслаўны сьвятар у Аўстраліі.