Ён распавёў, што пазбавілі спатканьняў, забралі асабістыя запісы. У тым ліку чарнавік кнігі якую пісаў Рыгор. Таксама забралі запісы дзе былі пазначаныя адрасы для перапіскі, напісаў у Фэйсбуку ягоны зяць Зьміцер Антончык.
16 траўня стала вядома, што Рыгор Кастусёў з 27 красавіка знаходзіўся ў шпіталі на абсьледаваньні, пасьля чаго яго вярнулі ў папраўчую калёнію № 22 «Ваўчыныя норы» каля вёскі Даманава Івацэвіцкага раёну.
У зьняволеньні ў Рыгора Кастусёва абвастрыліся праблемы са здароўем, у яго выявілі анкалягічнае захворваньне.
У верасьні летась Кастусёў быў засуджаны на 10 гадоў пазбаўленьня волі ў «справе аб дзяржаўным перавароце».
