Інфармацыю пра закрыцьцё рэйсу паведамілі выданьню «Флагшток» у офісе гомельскага перавозчыка ТАА «БелЭкспрэс Бай». Менавіта гэтая арганізацыі значылася ў якасьці апэратара паслуг на сэрвісах онлайн-пакупкі білетаў.
Перавозчык паведаміў, што рэйсаў ужо не плянуецца. Ні з Гомля, ні зь Менску. Паводле яго, адмена адбылася па ініцыятыве перавозчыка з Данецку.
Перавозчык з Данецку паведаміў, што рэйс, заплянаваны на 3 чэрвеня, сарваўся з тэхнічных прычын. Паводле яго, рэйсы ў Беларусь усё яшчэ плянуюцца, аднак дату пачатку перавозак ён паведаміць ня змог.
