Ведамства ўказвае на тое, што расейскія войскі так і не змаглі акупаваць горад Запарожжа з 700 тысячамі жыхароў, разьмешчаны прыблізна ў 35 кілямэтрах ад лініі фронту.
«Ціхае абвяшчэньне альтэрнатыўнай сталіцы верагодна зьяўляецца маўклівым прызнаньнем унутры сыстэмы Расеі, што ў яе сіл вельмі маленькія шанцы захапіць раней заплянаваныя вялікія мэты ў найбліжэйшай будучыні», — гаворыцца ў зводцы.
- Расейскія войскі захапілі горад Мелітопаль Запароскай вобласьці Ўкраіны 25 лютага 2022 году. Насельніцтва горада — каля 150 тысяч жыхароў.
- Акупацыйныя ўлады захопленай часткі Запароскай вобласьці абвясьцілі Мелітопаль «абласным цэнтрам» у пачатку сакавіка.
- 24 лютага 2022 году Расея пачала поўнамаштабнае ўварваньне ва Ўкраіну. У верасьні 2022 году Масква заявіла пра анэксію чатырох украінскіх абласьцей, у тым ліку Запароскую. Украіна і Захад асудзілі спробу анэксіі.
