Праваабаронцы са спасылкай на сілавікоў паведамляюць, што ўсяго выяўлена больш за 20 чалавек, якія, знаходзячыся ў Беларусі, абразілі ў камэнтарах Макея.
Таксама паведамляецца, што яны выявілі каля 50 чалавек, якія за межамі краіны напісалі абразьлівыя камэнтары пра памерлага кіраўніка МЗС. Сілавікі абяцаюць ім «цёплы прыём пры вяртаньні».
Кіраўнік МЗС Беларусі Ўладзімер Макей раптоўна памёр у суботу 26 лістапада на 65-м годзе жыцьця. Афіцыйна пра абставіны і прычыны сьмерці да сёньня не паведамляюць.
Цырымонія разьвітаньня прайшла ў менскім Доме афіцэраў, на ёй прысутнічаў Аляксандар Лукашэнка. Пахавалі Ўладзімера Макея на Ўсходніх могілках у Менску.
