Пра гэта паведамляецца на сайце ведамства.
Фармальнай падставай стала парушэньне «тэрмінаў звароту ў Міністэрства інфармацыі Рэспублікі Беларусь з паведамленьнем аб зьмене зьвестак, якія падлягаюць уключэньню ў Дзяржаўны рэестар выдаўцоў, вытворцаў і распаўсюджвальнікаў друкаваных выданьняў».
Дзейнасьць выдавецтваў прыпыняецца з 16 траўня.
Выдавецтва «Лімарыус» заснаваў Аляксандар Фядута, які цяпер знаходзіцца ў СІЗА КДБ па абвінавачаньні ў змове з мэтай захопу ўлады неканстытуцыйным шляхам (частка 1 артыкула 357 КК).
Выдавецтва «Кнігазбор» ужо прыцягвала ўвагу сілавікоў летась. Дырэктара выдавецтва Генадзя Вінярскага выклікалі на допыт, рахунак выдавецтва нейкі час быў заблякаваны, але пазьней прэтэнзіі былі зьнятыя.
Раней улады прыпынілі на тры месяцы дзейнасьць выдавецтва «Галіяфы».
